A Xunta de Galicia acaba de abrir a todo o público o seu catálogo dixital con máis de 4.500 obras. A través da Plataforma Galicia Le, poderás acceder en préstamo a todos os contidos dixitais da Rede de Bibliotecas Públicas de Galicia. Isto inclúe libros en galego e castelán, e noutros idiomas como inglés, francés, italiano, éuscaro ou catalán. Tamén máis de 300 obras audiovisuais galegas e todas as publicacións de 31 revistas.
Accede entrando no portal www.galiciale.gal e rexístrate como usuario cubrindo os teus datos persoais. Con acceso á rede e un dispositivo compatible, como o computador, tablet ou móbil xa podes desfrutar de todo o catálogo.