A pasada semana o alumnado de 6º de EP e 4º da ESO visitou o Museo de Pontevedra. Aínda que o día non nos acompañou moito, puidemos aprender unha morea de cousas e dar un paseo pola cidade.
O luns 21 de novembro con motivo do día da música, imos de concerto ao auditorio do concello para escoitar aos alumnos e alumnas da Escola de Música Municipal de Catoira e unha vez estes rematen ver a obra de teatro musical A alquimista.
A comezos de setembro fixemos unhas saídas didácticas á biblioteca municipal de Catoira para aprender un pouco mellor como é o funcionamento dunha biblioteca púbiica e poder aplicalo tamén na biblioteca do cole.
No mes de setembro tivemos o pracer de participar desta fermosa actividade que xira arredor do Camiño de Santiago organizada pola Asociación Agadea. Nela o alumnado de 4º da ESO acompañado polo mestre de Plástica Lolo, puido compartir unha xornada de sensibilización e convivencia na que compartiron moito agarimo. A partir do minuto 5 podedes ver un pequeno resumo.
