Deixámosvos por aquí o resumo de actividades dos obradoiros e da romaría das Letras Galegas que fixemos na semana do 17 de maio. Este ano tocou homenaxear a Luísa Villalta, célebre escritora, docente e violinista galega sobre a que aprendemos un pouco máis nesta semana.
Dinamización lingüística
SEMANA DO LIBRO
Na semana do 22 ao 26 de abril conmemoramos a Semana do Libro no colexio. As titoras organizaron varias actividades para transmitir o importante que son os libros e a lectura. Tanto foi así que ata se caracterizaron de personaxes de conto que o alumnado debía adiviñar, escribindo nunha listaxe de que libro saíron.
Tamén se organizou un mercadiño solidario no que o alumnado intercambiou un quilo de alimentos por un libro da súa escolla.
- APIs de Blogue
SEMANA DA PRENSA
Ao longo deste pasado mes, fomos confeccionando este pequeno xornal do CPI Progreso nas etapas de E. Infantil e E. Primaria con acontecementos do noso día a día que tranformamos en noticia.
Este foi o resultado! Esperamos que vos guste!
- APIs de Blogue
ROTEIROS 23/24
Para rematar este 2º trimestre saímos coñecer a contorna do noso concello aproveitando que o bo tempo nos acompañaba.
Dependendo do noso curso, fixemos diferentes rutas que se adaptaban ao noso nivel.
Que boa forma de despedir o trimestre!
- APIs de Blogue
CONCURSOS LITERARIOS DÍA DA POESÍA E DÍA DA BANDA DESEÑADA
Con motivo da celebración do Día da Banda Deseñada (17 de marzo) e do Día da Poesía (21 de marzo) organizáronse dous concursos moi interesantes:
Aquí temos aos gañadores! Noraboa!
- APIs de Blogue
DÍA DE ROSALÍA
Para os galegos e para Galicia, Rosalía de Castro é algo máis ca unha escritora. Foi e é unha figura literaria e cultural tan importante para a nosa terra e lingua que dende a escola cremos merece unha especial homenaxe no seu día.
É por ese motivo que decidimos facer o noso propio libro ilustrado do seu coñecido poema "Adiós ríos, adiós fontes".
Agardamos que vos guste!
- APIs de Blogue
ENTROIDO '24
Como bos artistas que somos, neste curso 23/24 decidimos adicar o noso proxecto de centro á ARTE (como xa saberedes). Deste xeito, a temática do entroido non podía ser menos.
Con moito traballo e agarimo dende cada nivel escollemos un anaquiño de arte para poder representar cos nosos disfraces. E despois dunha semana cumprindo as instrucións dos mandadiños, chegou o momento do noso festival.
Deixámosvos por aquí, algunhas das fotos deste bonito momento que compartimos alumnado, profesorado e familias.
- APIs de Blogue
CALENDARIO 2024
Para a entrada deste novo ano, elaboramos de forma conxunta por niveis este fermoso calendario.
Damos comezo ao 2024!
- APIs de Blogue
CONCURSOS E ACTIVIDADES DE NADAL
Con motivo da celebración do Nadal, o alumnado de Primaria participou na elaboración de postais. Os materiais a utilizar eran libres e só debían botar a voar a súa imaxinación e creatividade.
Ademáis, mentres os maiores disfrutaron dun día no cine, os máis cativos baixamos ao auditorio a desfrutar da fantástica obra de teatro "O Apalpador e a nena sen medo". Cando rematou estábannos agardando nada máis nin nada menos que As súas maxestades os Reis Magos de Oriente!
Penso que nos portamos tod@s moi ben porque nos deron agasallo a tod@s! Ata sacaron unha foto coas mestras...
- APIs de Blogue
MAGOSTO 2023
O venres 24 de novembro celebramos o magosto con todo o alumnado do CPI.
Ás 11 da mañá, o alumnado de 4º de ESO, preparou xogos tradicionais de distintos niveis para todas as etapas educativas. Puidemos xogar á petanca, carreira de sacos, tiro da corda e moitos máis!
Cando xa estabamos moi cansos, fomos repoñer enerxías. E, para iso, degustamos unhas castañas que estaban riquísimas. Ademais de comer castañas, falamos, rimos e seguimos xogando ata que rematou o día.
- APIs de Blogue
- 1
- 2
- 3
- seguinte ›
- última »