O xoves 3 de outubro iniciouse o programa de actividades "Ler conta moito", que se desenvolve na Biblioteca Municipal de Pontecesures. Os primeiros en poder gozar dos contos foron os nenos e nenas de 4º de Educación Infantil, que cos ollos ben abertos e as ourellas moi atentas escoitaron o conto "Dondondirindonga e Dondirindon". Soamente con verlles as caras podemos comprobar que foi unha actividade fantástica.
O alumnado de 6ºB de Educación Primaria traballou arreo para por en escena unha obra de teatro para os nenos e nenas de Educación Infantil, e que reproduce o conto "Marcelina en la cocina". Moito traballo, moitos nervios pero unha grande ilusión! Velaquí o resultado.
O pasado 11 de xuño, a nosa biblioteca tivo unha visita excepcional! Rilo e Penadique viñeron a amosar o seu espectáculo "Arre Ru" aos rapaces e rapazas da Guardería e de Educación Infantil do CPI de Pontecesures. Con cantos contos e cantos nos fixeron gozar!
Hoxe visitou a nosa biblioteca Abraham Carreiro, ilustrador e coescritor do libro Xoeliki, as aventuras dun ciberpirata. A nosa sopresa foi que non veu el so, senon que trouxo consigo a Xoeliki, o protagonista do libro; Ari, a mellor amiga de Xoeliki; Profesor Barbabranca, o director da escola pirata; Maverik, un dos hacker experimentados desa escola pirata; a Mr Virus, o gran maligno desta historia; e ao director do cole no que estudan os nosos pequenos ciberpiratas.
Velos aparecer pouco a pouco ante os nosos ollos foi das mellores experiencias que viviu o noso alumnado nestes últimos días!
Moitas gracias Abraham por achegarnos o teu traballo.
O pasado venres 3 de maio, e despois de ler a novela de Pere Tobaruela "Catro pedras vellas", o alumnado e profesorado de 3º e 4º de Educación Primaria fixo unha excursión polos lugares mencionados nela. Por unhas horas imaxinaron a Xela, a Fuco, a Carlos e a Ana vivindo emocionantes aventuras polas corredoiras de Angueira de Castro, no concello de Rois. Foi marabilloso!
Como cada curso, celebramos o Día do Libro no centro cos relatos do noso alumnado. Despois da elaboración, revisión e entrega, chega o momento máis especial e o que máis nervios provoca: coñecer aos premiados. Nesta ocasión, houbo participación das aulas de Educación Infantil e de aulas de Educación Primaria. Noraboa a todas e todos polo esforzo!
Xa podes descargar o documento para ler algúns dos relatos gañadores!
O escritor Nak Wolf visitou o centro para adentrar ao alumnado de 5º e 6º de Educación Primaria no mundo fantástico que creou na súa primeira publicación: "La Leyenda de...La espada de Orec". Esta é a primeira dunha saga que está en proceso de escritura e que, dende hoxe, terá novas e novos seguidores.
Na charla, o alumnado ademais de coñecer a novela, puido investigar sobre os comezos do escritor, descubrindo a relación que tivo o mundo dos videoxogos coa literatura fantástica que lee e escribe.
Gracias Nak, por compartir esta xornada con nós e transmitirnos a importancia que deben ter os libros nas nosas vidas!
O pasado 10 de abril, Alicia Borrás fixo unha visita ao CPI de Pontecesures. Na nosa biblioteca, a autora de "Nata y chocolate" e "¡Nata y chocolate invencibles!" conversou co alumnado de 3º, 4º, 5º e 6º de educación primaria sobre a historia que envolve a estes libros, que tanto éxito tiveron no centro, así como a súa propia historia como escritora. Gracias Alicia por compartir co alumnado e profesorado esta xornada tan especial.
O venres 5 de abril tivemos no centro unha visita moi especial! Achegouse á nosa biblioteca Paco Nogueiras, un mestre na arte de contar e cantar un montón de historias. O alumnado de infantil e primeiro ciclo de primaria non só puido escoitar unha morea de historias, senon que inventaron e cantaron un rap cunha delas. Moitas gracias Paco Nogueiras por facernos gozar da lectura desta maneira tan divertida!
O pasado 28 de marzo tivemos unha visita moi especial no centro. Tatá e o curmán Kofi pasaron pola biblioteca do centro a contarlle ao alumnado de 2º e 3º de primaria cousas moi intersantes sobre os residuos dos aparellos electrónicos.Que divertido é aprender con estes amigos!