3ºA |
Coincidindo coas datas do Samaín, os nenos e nenas de 3º gozamos do traballo cuns carteliños cos nosos nomes compostos coa imaxe de diferentes monstros. |
|||
Este trimestre estamos a traballar na aula coa poesía do autor galego Antonio García Teijeiro, que este ano recibiu o Premio Nacional de Literatura. Os nenos e nenas aprenderon unha bonita poesía dun rato namorado da lúa e despois ilustraron o poema facendo un cartel que deixamos exposto no corredor da escola.
|
|||
Esta semana na clase de lingua castelá estivemos traballando con poemas. Entón ocorreusenos facer un poema tolo. A actividade consistía en que cada un de nós tiña que escribir un verso para elaborar o poema, pero había unha pequena dificultade, soamente podíamos ver o verso que escribiran xusto antes de que nos tocase, polo que non sabiamos como era o resto do poema. |
|||
A semana pasada na durante a hora do proxecto lector estivemos aprendendo o que era un acróstico, lemos varios e explicamos como tiñamos que facer se queríamos escribir un. Despois de facer algunha proba en parellas e de maneira individual coas letras do noso nome, chegou a tarefa de escribir un acróstico utilizando as letras do nome de Kandinsky. Como este apelido non é español costounos un pouco pensar palabras que empezasen por k ou y por iso estivemos utilizando o diccionario. |
|||
Na aula de 3ºA seguimos traballando con Kandinsky. Seguindo a súa biografía e as cousas que aprendimos sobre unha biografía esta semana escribimos a nosa autobiografía. Velaí tendes algúns exemplos: |
|||
Esta semana na clase de matemáticas estivemos traballando co Tangram. A Kandinsky gústaballe moito pintar cadros xeométricos e nos utilizamos o Tangram para formar figuras xeométricas. Tivemos que formar triángulos con 2, 3, 4 e 5 pezas. Logo cadrados con 2, 3, 4 e 5 pezas. Por últimos pentágonos con 3, 4 e 5 pezas. |
|||
A semana pasada na clase de matemáticas estivemos traballando os ángulos. Sabemos que hai ángulos agudos, outros rectos e outros obtusos. Nun dos cadros de Kandinsky buscamos todos os ángulos que había e rodeamos de azul os agudos e verde os rectos. Despois, chegamos á conclusión de que non había ningún ángulo obtuso porque non había ángulos máis grandes que o recto. |
|||
O venres día 8 de maio @s nen@s de 3ºA e 3ºB tivemos unha visita dos axentes forestais de Noia. Durante case dúas horas estivéronnos contando cousas moi interesantes: en que consistía o seu traballo, como o fan, como podemos nós coidar e protexer a natureza, os montes e os ríos... |
|||