CEP Plurilingüe Pilar Maestu Sierra

Hoxe tivemos na escola o segundo acercamento á aprendizaxe con NAO. Sen dúbida, a motivación aumenta cando traballamos con recursos como estes. De momento so foi como un xogo, un acercamento paulatino, xa que @s mestr@s aínda temos moito que aprender.

NAO pode ofrecernos xogos de mímica, xogos para practicar o inglés por exemplo, ou tamén podemos ir aprendendo a nomear emocións...., pero o que máis chamou a atención ás nenas e nenos foi que XA APRENDEU A FALAR GALEGO!!!!

SEGUIREMOS APRENDENDO.... GRAZAS NOE, GRAZAS ANPA POR ESTA OPORTUNIDADE!!!

.

Xa van nove anos do primeiro CERTAME LITERARIO ESTHER DOURADO, unha das actividades que se mantén na escola dende hai este tempo, por iso ;

O CEP Pilar Maestú Sierra co obxecto de fomentar a creación literaria entre as nenas e os nenos d’A Pobra, organiza o IX Certame Literario “Esther Dourado” nas modalidades de DEBUXO e NARRACIÓN. Con esta denominación preténdese salientar a figura desta mestra, amante da lectura e da literatura, que adicou 22 anos da súa vida a formar a distintas xeracións deste centro.

2.- Poderá concorrer o alumnado dos centros de educación infantil e primaria do Concello d’A Pobra, así como o ex-alumnado do noso centro que curse ESO en calquera centro.

3.- As obras estarán escritas en lingua galega, serán inéditas e de tema libre. 

4.- Cada participante poderá presentar un único traballo.

5.- Categorías e modalidades

DEBUXO(poderá levar un breve texto):

       CATEGORÍA A: ALUMNADO DE INFANTIL

 Modalidade  debuxo: tamaño  máximo  DIN  A4  ou similar,  calquera técnica.

NARRATIVA:

CATEGORÍA B: 1º E 2º DE PRIMARIA

Modalidade conto: máximo 2 folios. Pode levar ilustracións.

      CATEGORÍA C: 3º E 4º DE PRIMARIA

      Modalidade conto: máximo 3 folios.

CATEGORÍA D: 5º E 6º DE PRIMARIA

Modalidade conto: máximo 5 folios.

       CATEGORÍA E: 1º,2º, 3º, 4º DE ESO 

       Modalidade relato: máximo 10 folios

SE QUERES ACCEDER ÁS BASES DO CERTAME PINCHA NA IMAXE

Hoxe día 28-01-2020 comeza o prazo para inscribirse no curso V.EC - de Intelixencia emocional para profesorado e familias que ten como finalidade e a formación no nivel 1 acadando o certificado oficial de VEC.

Este curso está organizado por CEP Pilar Maestú Sierra, ANPA Cadreche e Emotional Network (Roberto Aguado Romo), e subvencionado parte do seu costo pola Deputación da Coruña.

Se pinchas na imaxe podes atopar toda a información que precisas para inscribirte:

Se pinchas no seguinte enlace  poderás acceder ao FORMULARIO DE INSCRICIÓN:

 https://docs.google.com/forms/d/e/1FAIpQLSceZKGQhwZANuDNgBLPXFgan5L-Ll2DVVNiM312UAbbgPONXA/viewform?usp=sf_link

PRAZAS LIMITADAS!!!!!

O día 22 de Xaneiro na escola foi un día ben especial. Coñecemos por fin a NAO, un robot que nos fará aprender dunha forma máis agradable pero tamén pdoeremos aprender a programar un robot.... Queda moito por aprender!!!

A Voz de Galicia fixo unha reportaxe no noso cole ese día. Aquí queda o enlace á mesma:

https://www.lavozdegalicia.es/noticia/barbanza/2020/01/24/nuevo-alumno-c...

 Tamén a COPE se fai eco da noticia:

https://www.cope.es/emisoras/galicia/a-coruna-provincia/santiago/noticia...

De novo o vindeiro luns día 13 de XANEIRO DE 2020 teremos na nosa escola durante todo o día a Roberto Aguado Romo , para desenvolver coa comunidade educativa do CEP PILAR MAESTÚ un traballo conxunto de cara á atopar as ferramentas axeitadas a diferentes situacións particulares que inflúen directamente na aprendizaxe de nenas e nenos. En palabras de Roberto Aguado, ferramentas que permitan que unha nena ou un neno pase do "sufrimento" á satisfacción, porque en realidade "somos o que sentimos".

Pola mañá traballaremos con nenas e nenos do centro, coa finalidade de poderlles axudar de forma individual e posteriormente poder xeralizar estas aprendizaxes para axudar a outros nenos e nenas.

Pola tarde o profesorado da escola (de 17:00 a 19:30) teremos unha formación relacionada co anterior coa finalidade de adquirir estas estratexias.

E para rematar unha sesión con familias, que comezará ás 19:30, e será na BIblioteca do centro. Unha charla para familias de Cadreche e para aquelas que forman parte de Escola de Familia no presente curso académico.

Na tarde do 21 de Novembro de 2019, ás 19:00 daba comezo a charla de Roberto Aguado Romo, titulada “SON O QUE SINTEN”.

Comezamos a presentación do acto co traballo do alumnado do centro. O cine estaba preparado para o evento cun cartaz de benvida que recollía a conmemoración da CONVENCIÓN DOS DEREITOS DO NENO, ilustrado cun debuxo de ÁLVARO PAZ GIL que pretende reflectir o seu talento artístico, neste caso.

No interior, no esceario atopabánse os debixos sobre os dereitos das nenas e dos nenos, que o noso alumnado realizou na aula de forma cooperativa, entre todas e todos coa inestimable colaboración dos seus titores e mestr@s.

A presentación do acto , foi a cargo do Consello do Alumnado, unha presentación excecpional e con un gran sentido da responsabilidade, tenacidade e ilusión que demostraron enriba do esceario.(se queres ver o resumo pincha na imaxe)

Empezamos cunha presentación e canción titulada: Ninguén coma vós, coa canción Nadie como tú de "La oreja de Van Gogh"( se queres velo pincha na imaxe)

Momento especial foi cando Roberto os saudou un por un e intercambiou algunas palabras con eles. 

A presidenta da ANPA, Noemí Gil, pola súa banda fixo unha presentación ben interesante, con preguntas que tiñan bastante que ver coa entrevista que publicou a Voz de Galicia a Roberto :

 (https://www.lavozdegalicia.es/noticia/barbanza/2019/11/15/profesor-sabe-donde-colocarse-puede-salvar-vida-alumno-proxima-charla/0003_201911B15C12993.htm)

A partir de aquí comenzou a súa charla brillante como sempre, chea de reflexións e cuestións sobre as que pensar  e repensar!!!

O xoves día 21 de Novembro, tivemos a grande sorte de ter na escola a Roberto Aguado Romo, (http://robertoaguado.com) que ven de publicar o seu último libro "ERES LO QUE SIENTES". Pola mañá estivemos traballando con nenos e nenas da escola coa finalidade de poder axudarlles. Destas sesións de intervención, saimos profesorado e alumnado con "trucos" e estratexias para a mellora de nenas e nenos. 

Pola tarde asistimos a unha sesión de formación de dúas horas e media de duración onde traballamos sobre o perfil do docente do Século XXI, baseado no traballo das emocións, aprendendo a recoñecer estas e buscando as alternativas para poder chegar a unha resposta ao alumnado que lle permita desenvolverse de forma eficaz.

Todo isto so foi posible grazas á colaboración de ANPA CADRECHE, a través dunha subvención coa Deputación de Coruña.

O pasado mércores , día 20 de Novembro, con motivo da celebración do 30 aniversario da CONVENCIÓN DOS DEREITOS DO NENO, consituiuse na nosa escola o CONSELLO DO ALUMNADO. Esta iniciativa parte da proposta que dende APFRATO, e do libro "Manual de Guerrilla Urbana", de Francesco Tonucci, baseada nunha obra anterior titulada " A cidade dos nenos".

O día 21 de Novembro de 2019, estará de novo con nós ROBERTO AGUADO. Pola mañá traballará na escola con nós e pola tarde teremos dúas sesións que non dubidamos que serán ben proveitosas. Unha sesión con profesorado, aberta a mestras e mestres que queiran asistir, e outra sesión para familias aberta tamén a todas aquelas que desexen participar.

Dita actividade so é posible grazas a colaboración total de ANPA CADRECHE, financiada pola Deputación da Coruña.

NON VOLO PERDADES!!!!