Para levar a cabo o presente Proxecto Documental Integrado tivemos en conta que o desenvolvemento das competencias vese favorecido polo desenvolvemento dunha metodoloxía didáctica que recoñece ao alumnado como axente da súa propia aprendizaxe. Por iso, consideramos imprescindible a implantación de propostas pedagóxicas que, partindo dos centros de interese dos alumnos e das alumnas, lles permitan construír o coñecemento con autonomía e creatividade dende as súas propias aprendizaxes e experiencias.
Así, deseñamos unha serie de situacións de aprendizaxe que concretan e avaliarán as experiencias de aprendizaxe do alumnado e que están compostas por tarefas de crecente complexidade, en función dos diferentes niveis educativos que existen no noso centro, cuxa resolución implica á construción de novas aprendizaxes.