BOLSAS PARA COMEDOR 2020/2021

TODA A INFORMACIÓN PREMENDO NA FOTO

CAMPAMENTOS DE VERÁN

PROPOSTA FIN DE CURSO

 

Ola familias!

 

Como estades?

Como xa está preto o final de curso, dende o Equipo de Actividades Extraescolares e Complementarias e coa axuda da nosa Intérprete de Lingua de Signos, queremos solicitarvos axuda para realizar unha actividade conxunta de toda a comunidade educativa.

Explícovos un pouquiño… Como este ano o tema central do cole foi “DESPLASTIFICARTE”, no que a proposta era intentar reducir resíduos e plásticos, así como o consumo dos mesmos e uníndoo ao mural do día da paz no que simbolizamos unha recollida no mar de palabras negativas en forma de resíduos nunha rede… pois queríamos rematar o curso interpretando en lingua de signos a canción “O VELEIRO VERDE” de Maria Fumaça.

 

 Se queredes participar enviádeme un correo a lidiaoterom@gmail.com. Tedes de prazo ata o martes 2 de xuño para apuntarvos.

O seguinte paso será enviarvos o anaco de vídeo que tedes que signar, o cal teríades que grabar en familia e enviarmo a min de volta para montar, pero primeiro precisamos saber cantos imos a participar.

Moitas grazas pola vosa colaboración.

Un saúdo.

LIDIA

 

PROCESO DE ADMISIÓN

UNHA VEZ REMATADO O PROCESO DE ADMISIÓN PARA O CURSO 2020/2021, COMUNICAMOS QUE TODAS AS SOLICITUDES RECIBIDAS ESTÁN ADMITIDAS.

A LISTAXE PROVISIONAL SERÁ PUBLICADA SOAMENTE POR CANLES TELEMATICAS ANTES DO 9 DE XUÑO. E A LISTAXE DEFINITIVA O 26 DE XUÑO.

A FORMALIZACIÓN DE MATRÍCULA SERÁ DO 1 AO 10 DE XULLO E APORTARASE O RESTO DE DOCUMENTACIÓN QUE NON FOI ENTREGADA CON ANTERIORIDADE (2 FOTOS, CARTILLA SANITARIA ACTUALIZADA, DNI...)

FONDO DE LIBROS E AXUDAS DE MATERIAL

DENDE O DÍA 20 DE MAIO ATA O 19 DE XUÑO INCLUÍDOS PÓDESE SOLICITAR PARTICIPAR NO FONDO DE LIBROS E AXUDAS DE LIBROS E MATERIAL ESCOLAR PARA O VINDEIRO CURSO 2020/2021.

ORDE 12 DE MAIO DE 2020 DA CONVOCATORIA

A SOLICITUDE FARASE PREFERENTEMENTE DE XEITO TELEMÁTICO NO SEGUINTE ENLACE

NO CASO QUE TEÑA QUE FACER A SOLICITUDE DE XEITO PRESENCIAL DEBERÁ TRAER COMPLETAMENTE CUBERTOS OS  ANEXO I E ANEXO II 

ASÍ COMO TRAER LIBRO DE FAMILIA, SENTENZAS XUDICIAIS OU CERTIFICADOS DE DISCAPACIDADE (DE SER OS CASOS)

O HORARIO DE SECRETARÍA E DE 10h A 13h, E RESPECTARANSE AS NORMAS ESTABLECIDAS NOS PROTOCOLOS DO COVID-19.

NOTA: O ALUMNADO QUE CURSARÁ 5º E 6º DE PRIMARIA TERÁN LIBRO ELECTRÓNICO E-DIXGAL, PERO SI DEBERÁN MARCAR SOAMENTE A AXUDA DE MATERIAL ESCOLAR

 

FELIZ DÍA DAS LETRAS GALEGAS!

No cole, cando pensabamos en celebrar o Día das Letras Galegas, imaxinabamos unha festa no patio do pavillón, nun solleiro día de maio, todos xuntos, con música...

 

Os nosos plans tiveron que cambiar. O mesmo que os vosos. Tivemos que adaptarnos a esta nova situación. Igual que fixéstedes vós.

 

Pero hai unha parte que nos parece fundamental manter: queremos estar XUNTOS. Ímos saír desto todos XUNTOS. XUNTOS é o mellor xeito.

 

Así que, para estar un pouquiño máis preto de vós, as mestras e mestres do cole, quixemos contarvos unha historia de Ricardo Carvalho Calero: "As pitas baixo a choiva". Que obra, se non, íamos escoller no noso cole que non foran as pitas? As nosas pitas!! Seguro que se preguntan moitos días onde ímos todos...

Queremos, deste xeito, estar un anaquiño con vós

 

 

https://www.youtube.com/watch?v=ankiaA--p1M

 

Ademais, incluímos dous arquivos adxuntos:

- O primeiro, a historia para que a podades ler nas vosas cosas e vos animedes a contala.

- O segundo, unha colaboración co EDLG do CEE Nosa Señora do Rosario. Unha adaptación do texto aos criterios da Lectura Fácil e a pictogramas.

 

 

Por último, neste enlace, podedes ver a o conto en Lingua de Signos.

 

 

https://www.youtube.com/watch?v=2yPn9ndDakU&t=25s

 

 

Esperamos que pasedes un bo día das nosas letras!

 

Desexamos, de corazón, poder celebrar esa festa xuntos no mes de Outubro!

 

Moito ánimo e unha forte aperta!

Grazas Familias

 

Neste día adicado ás familias, queremos expresar a nosa gratitude e dedicarvos unha pequena homenaxe.

Unha homenaxe polo esforzo que estades a facer para superar as dificultades do día a día; sabemos que moitos tedes que facer de mestres, psicólogos, cociñeiros, artistas, médicos, enfermeiros, informáticos, perruqueiros, cantantes, pais, amigos … . Ademais, dun sen fin doutras profesións que ides aprendendo sobre a marcha para poder axudar aos vosos fillos.

Por iso, a familia que formamos os mestres do colexio queremos aproveitar este día para darvos as grazas polo voso acompañamento e apoio.

   

 

 

            

AVISO DO CENTRO

 

PUBLICACIÓN DA MODIFICACIÓNS DAS PROGRAMACIÓNS DEBIDO Á SUSPENSIÓN DE CLASES PRESENCIAIS NESTE TERCER TRIMESTRE PROVOCADA POLO COVID-19 .

PARA A SÚA CONSULTA PREME NA FOTO

 

 

 

 

 

GUÍA XERAL DE DIFERENTES AXUDAS (HIPOTECAS, ERTES, ALUGERES...) PARA PALIAR A CRISE DO COVID-19

PREME NA FOTO

 

NOVAS DENDE O CONCELLO

 

 

AVISO ÁS FAMILIAS PARA RECIBIR COMUNICACIÓNS DO CENTRO, DA SÚA CLASE E INFORMACIÓN DO SEU FILLO/A INCLUÍDA A AVALIACIÓN É IMPRESCINDIBLE DESCARGAR NO SEU MÓBIL A APP DE ABALAR , DEBERÍAN TER OS DATOS DO SEU MÓBIL ACTUALIZADOS NO SEU CENTRO.

PREMA NA FOTO PARA ACCEDER AO SITIO DE DESCARGA

GUÍA PARA AS FAMILIAS AQUÍ

 

 

 

 

 

 

 

CONTACTO:

MAIL: ceip.sanpedro.visma@edu.xunta.es

TFNO.: 881960787  (segundo dispoñibilidade preferentemente mail)

 

TAREFAS PARA O ALUMNADO NO MENÚ DA DEREITA "ACTIVIDADES ESCOLARES"

 

 

SEMANA DA MULLER: RAQUEL ROSA

Hoxe tivemos a sorte de recibir no noso cole a RAQUEL ROSA, xornalista da RTVG.

Estivo compartindo a súa experiencia vital como nena, ximnasta, xornalista e muller.

Deixou moitas inquedanzas e ideas para a reflexión das nosas nenas e nenos de 3º e 4º de primaria e unha idea: "SOMOS DIFERENTES PERO TEMOS O MESMO VALOR"

Moitas grazas Raquel por compartir o teu tempo con nós.

ENTROIDO CHOQUEIRO

 

 

Powered by Drupal - Design by artinet