Skip to Content

abalarMÓBIL. APP para a comunicación familia - escola

Mér, 30/08/2023 - 13:27 — admin

 

AbalarMóbil é unha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida e recibir información do colexio.

¿Que información se pode consultar a través de abalarMóbil? Destacamos as seguintes:

  • Consultar os avisos ou notificacións por parte do profesorado ou do centro educativo.
  • Consultar as cualificacións do neno ou nena.
  • Recibir mensaxes importantes do centro ou do profesorado.
  • Acceder á mensaxería de abalarMóbil, que é unha nova funcionalidade que tén como obxectivo facilitar a comunicación entre o centro e os responsables do alumnado, ou entre o profesorado e este.

AbalarMóbil é unha aplicación que se pode instalar tanto no teléfono móbil como nunha tablet, e que permite ás familias consultar a información de calquera dos seus fillos a través destes dispositivos.

A descarga desta aplicación faise dende Apple store (se o sistema operativo é IOS) ou dende Google Play Store (se o sistema operativo é Android).
 
 
Ligazón para a descarga de abalarMóbil en dispositivos Huawei 
 

 

Consulta os titoriais e toda a información en https://espazoabalar.edu.xunta.gal/abalarmobil

 

MANUAL BÁSICO PARA AS FAMILIAS PREMENDO AQUÍ (elaborado polo centro)

 

INSCRICIÓN NO COMEDOR E NA ANPA

Ven, 18/08/2023 - 10:04 — admin

ANPA As Pedreiras

 

Xa está dispoñible a inscrición no ANPA e o comedor para o curso 2023/24. Podedes facela en liña nas seguintes ligazóns:

  • Comedor

Na web https://jardanaycomedores.es/entrando no nome do noso colexio (CEIP San Pedro de Visma) e usando como usuario visma e como contrasinal comedores2023

 

  • ANPA

Na nosa web, na entrada  https://aspedreiras.com/inscripcion-anpa-2022-2024/ podedes acceder ao formulario para facervos socios. Lembrade que é necesario para manter os servizos do ANPA e acceder aos mesmos.

 

XUNTANZAS INICIO DE CURSO COAS FAMILIAS 2023/24

Lun, 14/08/2023 - 20:17 — admin

 

As datas das xuntanzas do resto dos cursos, así como a información básica para as familias para o primeiro día lectivo será facilitada a través de Abalar e desta páxina web antes do 8 de setembro.

Publicación listaxes - TRANSPORTE ESCOLAR CURSO 2023-2024

Lun, 10/07/2023 - 10:43 — admin

RECOLLIDA DO CHEQUE DE LIBROS E MATERIAL

Mér, 05/07/2023 - 14:02 — admin

As familias ás que lles foi concedido o cheque de libros e/ou materia escolar poden recollelo na secretaría do centro ata o 12 de xullo de 10 a 12:30 horas.

No caso de non poder recollelo neste período tamén se poderá facer no mes de setembro.

Pódese autorizar a recollida a unha terceira persoa, para iso esta debe presentar unha fotocopia do DNI e unha autorización como a seguinte:

Don/dona .................................................. con DNI..........., proxenitor/a, titor/a do alumno/a............................  autorizo a Don/dona.............................. con DNI a recollero o cheque de libros e/ou material escolar.

Sinatura da persoa que autoriza.

 

FONDO DE LIBROS: PUBLICADA A LISTAXE PROVISIONAL DE ADMITIDOS E EXCLUÍDOS

Mér, 05/07/2023 - 13:50 — admin

Publicada a listaxe provisional de admitidos e excluídos do fondo de libros no taboleiro de anuncios do centro.

  • Período de consulta: ata o 10 de xullo, incluído, de 10 a 12:30 horas.
  • Período de reclamación: ata o 10 de xullo, incluído, de 10 a 12:30 horas.

A consulta so poderá facerse de xeito presencial no centro segundo se recolle no artigo 13 da ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar

PUBLICACIÓN RECTIFICACIÓN LISTAXES EMENDA DE SOLICITUDES DE BOLSA COMEDOR CURSO 2023/2024

Lun, 03/07/2023 - 09:48 — admin

 

Hoxe 28 de xuño de 2023 publicouse no enderezo web do taboleiro de anuncios e edictos do Concello da Coruña, unha rectificación das listaxes de emenda das solicitudes presentadas á convocatoria para a concesión de bolsas municipais para o pago de comedores escolares no curso escolar 2023/2024. Pódense consultar en:


A listaxe cos requirimentos de emenda de documentación, identificarán as solicitudes atendendo ao número de expediente asignado e se referirá á acreditación do cumprimento de requisitos do apartado 6 e documentación do apartado 10 da convocatoria (en caso de non atender a este requirimento ou non facelo adecuadamente SI terase por desistida a solicitude); así como da corrección da documentación xustificativa doutras circunstancias a  valorar distintas da situación económica da unidade familiar do apartado 11 (en caso de non atender a este requirimento ou non facelo adecuadamente NON se terá por desistida a petición).

Amplíase o prazo para a presentación da documentación requirida ata o 12 de xullo, incluído, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Graduacións 2022-2023

Xov, 22/06/2023 - 10:07 — admin

Deixámosvos un pequeno resumo do pasado martes, 20 de xuño; día no que fixemos a festa de graduación dos nenos e nenas de 6º de Ed. Infantil e 6º de Ed. Primaria.

 

Moita sorte na vosa nova etapa.

MATRÍCULA PARA O CURSO 2023-24

Mar, 20/06/2023 - 14:23 — admin

Que prazo?

Do 20 ao 30 de xuño, ambos incluídos.

Que documentación hai que presentar?

  • Impreso para a formalización da matrícula que pode descargarse premendo AQUÍ.
  • Impreso para a actualización de datos AQUÍ.
  • Dúas fotografías actualizadas tamaño carné.
  • Fotocopia da tarxeta sanitaria.
  • Cartilla de vacinación actualizada.
  • DNI do alumno/a (no caso de telo).
  • En caso de divorcio ou separación, copia cotexada (pode realizarse no propio centro) da setenza xudicial e/ou do convenio regulador onde conste a custodia do alumno/a.

Onde presentar a documentación?

Na secretaría do centro.

Distribuir contido


by Dr. Radut