Skip to Content

ELECCIÓNS AO CONSELLO ESCOLAR 2022

Xov, 03/11/2022 - 14:35 — admin

Convocatoria Eleccións dos representantes de nais, pais e titores legais ao Consello Escolar. (03/11/2022). Premer aquí

SAMAÍN

Lun, 31/10/2022 - 19:47 — admin

Esta foi unha semana "terrorífica" no San Pedro de Visma.

A biblioteca converteuse nun lugar de medo e misterio. Os nenos e nenas foron pasando por ela para gozar dos contos de medo e misterio que alí lles contaron.

Para rematar a semana, o venres, o alumnado de infantil, primeiro e segundo de primaria veu disfrazado dos xeitos máis aterradores.

Foi unha semana de medo, misterio e moitos sustos, pero... que ben o pasamos!!!

Álbum: CURSO 2022/2023 -> Samaín

MAGOSTO

Xov, 27/10/2022 - 16:32 — admin

Hoxe celebramos o magosoto.

Os nenos e nenas encheron ben o bandullo con saborosas castañas asadas.

Bo proveito!!!!

 

Álbum: CURSO 2022/2023 -> Magosto

COMEZAMOS A DESCUBRIR A NOSA CIDADE, A CORUÑA

Mar, 25/10/2022 - 08:03 — admin

Comezamos un curso e con el unha nova aventura.

Este curso imos descubrir o que temos máis preto, a nosa cidade, A Coruña.

Onte, día 24 de outubro, para celebrar o Día das Bibliotecas os nenos e nenas do colexio foron á biblioteca para ver a estrea do vídeo de presentación do proxecto.

Saíron encantados e con moitas ganas de coñecer a cidade da man de Teca.

 

 

ELECCIÓNS AO CONSELLO ESCOLAR 2022

Lun, 24/10/2022 - 12:25 — admin

 

De conformidade co establecido na Resolución do 19 de setembro de 2022. DOG do 30 de setembro, realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.
A organización e a supervisión do precedemento de elección dos novos membros do Consello Escolar estará a cargo da Xunta Electoral que se constituirá ao efecto e integrada por: a directora, un/ha profesor/a, unha nai, pai ou titor/a ou legal, representante do PAS. Os tres últimos designados por sorteo segundo establece o artigo 30 do Decreto 92/1988 do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto).

Dito SORTEO público, no que se preverá a designación de membros suplentes, será celebrado o mércores 26 de outubro, ás 11:30 horas en dirección. Acceso á circular informativa do sorteo: Premer AQUÍ

 

RETIRADA DE ESPECIES INVASORAS

Dom, 23/10/2022 - 18:42 — admin

Todos sabedes que un dos sinais de identidade do CEIP Plurilingüe San Pedro de Visma é o seu compromiso co medio ambiente.

O pasado 13 de outubro o alumnado de 5º de Primaria colaborou co Grupo Naturalista Hábitat na retirada de especies vexetais invasoras na Torre de Hércules. 

Entre todos e todas podemos sumar para facer da nosa cidade un espazo mellor.

Rapaces, rapazas, moi bo traballo!!!

Álbum: CURSO 2022/2023 -> Retirada de especies invasoras

VOTA POLO NOSO PAVILLÓN

Lun, 17/10/2022 - 09:44 — admin

 

Necesitamos o voso voto nos Orzamentos Parcipativos do Concello de A Coruña para, entre todos, conseguir que nos melloren a nosa pista cuberta/pavillón deportivo (nº3803).

Nun primeiro momento rexeitaron a nosa proposta pero despois de reclamar, conseguimos que nola incluiran eso si, temos 48 horas para votar; dende hoxe ata mañá

Para votar simplemente tes que entrar na ligazón que poñemos a continuación, identificarte e darlle a APOIAR (poden votar todas as persoas que consideredes, maiores de 18 anos).

https://nacorunacontas.coruna.gal/budgets/6/investments/3803

Entre todos e todas podemos conseguir esta gran mellora para o colexio e o barrio!!!

Non dubides en compartir cos teus contactos esta información pare que nos poidan apoiar.

 

COMEZAMOS A PLANTAR

Mér, 05/10/2022 - 18:23 — admin

O noso invernadoiro xa está preparado para recibir as primeiras sementes deste curso.

Gracias ao traballo do alumnado voluntario por deixar o noso invernadoiro e os bancais a punto. Bo traballo!!!

 

Álbum: CURSO 2022/2023 -> Comezamos a plantar

SEMANA EUROPEA DA MOBILIDADE

Mér, 21/09/2022 - 15:10 — admin

Arrincamos este curso en bicicleta.

Os nenos e nenas de 6º de Primaria de Visma celebraron a Semana europea de mobilidade da man da asociación Stop Accidentes.

Os rapaces e rapazas puxeron en práctica o aprendido sobre seguridade viaria en todos estes anos e fixeron un percorrido en bicicleta polo paseo marítimo da cidade  acompañados pola policía local.

En Visma o temos claro, hai outra maneira de moverse mellor para nós e para o planeta, a bicicleta!!!

Moitas gracias a Stop Accidentes, á Policía Local, a Protección Civil e ao Concello da Coruña, por contar con nós para este día.

Álbum: CURSO 2022/2023 -> Semana da mobilidade europea

OS LUNS, FROITA

Mar, 20/09/2022 - 14:06 — admin

Arrinca o curso e os luns de froita están de volta en Visma. 

O fomento da alimentación saudable é un dos principais obxectivos do noso centro.

Grazas á Axuda en Acción e a Fundación Repsol, todos os luns chega ao colexio froita para que o alumnado poida consumir ao longo da semana nos recreo.

Bo proveito!!!

Álbum: CURSO 2022/2023 -> Os luns, froita
Distribuir contido


by Dr. Radut