A través do Museo do Videoxogo e coa colaboración do CFR de Ourense, desenvolverase un obradoiro dirixido a familias e docentes, o 21 de marzo ás 16:30 horas. 

Nel analizarase o contexto actual do videoxogo, como medio de expresión cultural e como ferramenta educativa, examinando as súas diferentes facetas, cunha guía para o seu bo uso e hábitos saudábeis de xogo. 

O vindeiro domingo día 25 de febreiro, nas instalacións da antiga Casa do Concello de Toén, terá lugar a gravación dun programa de radio dende as 11:00 ata as 13:30 h. Neste espazo participarán un conxunto de mulleres científicas vinculadas ao Concello de Toén, e presentarase o libro "Os remedios das Avoas".

A AFA do CEIP Saco e Arce participa nesta actividade, xa que o alumnado do noso centro, achegou os remedios e receitas das súas avoas e mulleres da contorna, que son parte deste libro. Por este motivo queremos convidar a todas as familia,s que así o desexen, a acudir este domingo ata a Casa do Concello e participar desta actividade.

A AFA do CEIP Saco e Arce desexa a toda a comunidade educativa un Feliz Nadal e un Feliz Ano 2024!

O alumnado de 1º a 6º de Primaria pode participar neste segundo certame, co título "Inspiración e natureza", elaborando unha postal de Nadal, para optar a premios colectivos como unha ruta guiada ou unha visita da Ecoescola Itinerante. 

Consulta as bases deste certame organizado pola Cooperativa Xesta Brava, nos arquivos adxuntos ou na súa web.