Ciencia e tradición

O vindeiro domingo día 25 de febreiro, nas instalacións da antiga Casa do Concello de Toén, terá lugar a gravación dun programa de radio dende as 11:00 ata as 13:30 h. Neste espazo participarán un conxunto de mulleres científicas vinculadas ao Concello de Toén, e presentarase o libro "Os remedios das Avoas".

A AFA do CEIP Saco e Arce participa nesta actividade, xa que o alumnado do noso centro, achegou os remedios e receitas das súas avoas e mulleres da contorna, que son parte deste libro. Por este motivo queremos convidar a todas as familia,s que así o desexen, a acudir este domingo ata a Casa do Concello e participar desta actividade.