try another color:
try another fontsize: 60% 70% 80% 90%
CEIP Plurilingüe Rosalía de Castro

6º Ed. Primaria

SÁBADO 4

Pois aquí tedes as solucións das fichas de onte e tamén as solucións aos pasatempos das dúas semanas. Non preguntastes por elas así que supoño que vos resultarían sinxelos ;)

O dito, desfrutade moito. Non esquezades rir, xogar, bailar e cantar. Ás oito ou a calquera hora, desde a fiestra ou no interior, desde Carril ou desde Bamio... 

Déixovos tamén unha canción que seguro que xa escoitastes estes días pero que non por iso deixa de ser moi bonita.

Moitos bicos

 

VENRES 3

Bo día! Ata aquí chegaron as tarefas desta quincena. Agora tedes por diante uns días para descansar e rematar traballos que vos quedasen atrás. Mañá sábado mandareivos só as solucións das fichas de hoxe.

Para plástica déixovos o enlace a un vídeo que atopei en YouTube con trucos de debuxos chulísimos. Elexide algún que vos guste para facer.

Agárdovos á volta das vacacións confinadas. Se non é presencialmente, a esperanza é o último que se perde, será telematicamente ;)

Desfrutade moito!

 

Apertas

 

 

https://youtu.be/NrVg3HYTHKU

 

XOVES 2

 Que tal estades?

Aquí vos deixo o traballo para hoxe e o enlace a outro corto. Este dura moito menos pero leva unha mensaxe igual de importante. Agardo que vos guste.

 

Corto "Cambia tu mundo"

https://www.youtube.com/watch?v=qCdDPCZfDoE

 

 

 

MÉRCORES 1

 Bo día!

 Adxunto traballo para hoxe e solucións de onte.

Desfrutade co vídeo.

 

https://www.youtube.com/embed/dwh7Z2cRxYk

 

MARTES 31

 Bo día!

Aquí vos deixo os traballos para hoxe.

No vídeo repásavos como se calculaban os múltiplos e os divisores dun número. De todos xeitos, lembrade que tamén o podedes consultar no voso libro de texto. 

 

LUNS 30

Como estades? Agardo que tiverades unha fin de semana entretida. 

Nos arquivos adxuntos podedes ver o traballo de hoxe e as solucións do venres. 

Déixovos un enlace á  páxina de Mapas Interactivos de Didactalia para que practiquedes un pouco de xeografía (comunidades, provincias, ríos, países...). 

 

https://mapasinteractivos.didactalia.net/gl/

comunidade/mapasflashinteractivos

VENRES 27

Bo día!

Xa estamos a venres!   

Unha semana máis, unha semana menos ;)

Déixovos nos arquivos o traballo de hoxe e as solucións de onte. Da ficha de cálculo, o luns non vos mandarei as solucións porque xa a ides correxir coa calculadora. Ollo! Correxir, que non facer ;)

Tamén vos mando, como plástica para esta fin de semana, uns debuxos de animais. Seguide os pasos para realizalos e non esquezades darlles cor. Se vos gusta a actividade buscade máis en internet que hai máis.

Disfrutade da fin de semana. Bailade e cantade moito. No vídeo adxunto tedes unha canción que a min me encanta.

Apertas

XOVES 26

Ola a todos/as!

Aquí tedes o traballo de hoxe. Púxenvos unhas fichiñas para que traballedes un pouco coa calculadora. A partir de mañá mandareivos unha ficha máis de cálculo. Facédea primeiro e despois correxídea coa calculadora.

Coas actividades de sociais ides lembrar o relevo de Europa e España, así que déixovos tamén o enlace a un vídeo sobre o relevo de Galicia. Repasa conceptos sinxeliños para vós pero aparecen imaxes moi bonitas da nosa comunidade que seguro que vos gusta ver.

Lembrade ler moito e repasar verbos ;)

 

 

MÉRCORES 25

Bo día!

Deixóvos nos arquivos adxuntos o traballo para hoxe e as correccións de onte.

Buscade tamén un pouquiño de tempo para repasar os verbos de lengua e ídelle  botando un ¨vistazo¨ aos de galego. 

 

MARTES 24

Bo día!

Achego nos arquivos adxuntos o traballo para hoxe.

Lembrade:

     "Non deixedes para mañá o que poidades ler hoxe" 

 

LUNS 23

Tarefas para Luns 23 de marzo.

Clicade onde pon adxuntos para ver as fichas. 

Case todas levan un pequeno recadro no que vos lembra o contido que se traballa nelas, pero se aínda así tedes dúbidas, podedes consultar os temas no libro virtual ao que se vos deu acceso co código enviado a semana pasada. Ao día seguinte cargarei as solucións para que fagades a autocorrección e cargarei tamén o novo traballo. As fichas pódense realizar imprimíndoas ou copiando os exercicios na libreta de cada área.

Ánimo!

 

LEANDRO LAMAS

PROPOSTA DE TRABALLO DE PLÁSTICA PARA ESTA FIN DE SEMANA "LONGA"

Imos pintar un cadro de Leandro Lamas (Pintor, ilustrador, actor e director teatral galego).

Nas imaxes que presentamos a continuación, vaivos indicando os pasos a realizar.

Ídeas mirando unha a unha e reproducíndoas nun folio. Prestade atención! Que non se vos esqueza ningún detalle.

Unha vez rematado, tedes que darlle cor. Buscade na rede cadros deste pintor para facervos unha idea do seu tipo de pintura.

Desfrutade coa actividade!

Distribuir contido