try another color:
try another fontsize: 60% 70% 80% 90%
CEIP Plurilingüe Rosalía de Castro

5ºA Ed. Primaria

LUNS 30 DE MARZO

Recordade que a partir de hoxe, as actividades están colgadas na aula virtual de 5º A. Tedes xusto debaixo as instrucións para entrar. Tamén vos enviei á mensaxería do Abalar, o usuario e o contrasinal para acceder. 

Calquera dúbida, podedes contactar comigo sen problema.

 

Saúdos

INSTRUCIÓNS PARA ACCEDER Á AULA VIRTUAL DE 5º A

No documento que tedes adxunto podedes ver os pasos que tedes a seguir para poder acceder á aula virtual de 5º A. A partires do luns utilizaremos esta ferramenta. Durante esta fin de semana intentade entrar, e se tedes calquera dúbida ou problema, non dubidedes en contactar comigo. 

Moitas grazas.

 

Desfrutade da fin de semana!

VENRES 27 DE MARZO

Hoxe ás 12:30h todos e todas poderedes xogar ao Kahoot. Se non podedes a esa hora tedes dende as 9:00h ata as 16:00h para facelo.

No documento dos exercicios de hoxe tedes explicado ao final do mesmo, como facer para xogar. 

O Kahoot será do que levamos traballado de matemáticas, así que aproveitade antes de facer o kahoot, facer os exercicios que tedes postos para hoxe xa que vos serven de preparación para o xogo. 

MOITO ÁNIMO, QUE ESTAMOS NO ÚLTIMO DÍA DA SEMANA!

XOVES 26 DE MARZO

Aí van as tarefas de hoxe.

Téñovos unha boa noticia, mañá venres ás 12:30h da mañá faremos un KAHOOT. Non vos preocupedes, mañá xa vos explico como tedes que facer. Podedes facelo dende calquera dispositivo con conexión a Internet.

Ánimo que xa remata a semana!

MÉRCORES 25 DE MARZO

Aquí tedes o traballo para hoxe. Recordade repasar as preposicións en galego, xa sabemos que son máis difíciles que en castelán.

Lembrade que é moi importante que lle adiquedes 30 minutos á lectura diaria. 

MARTES 24 DE MARZO

Aquí vos deixo o traballo para hoxe. Tedes dous arquivos adxuntos. Por unha banda tedes as correccións dos exercicios de onte (revisei ben pero pode que teña algún erro, se é así facédemo saber); e pola outra o traballo para hoxe. 

Primeiro corrixide os exercicios de onte e logo poñédevos cos novos de hoxe. 

LUNS 23 DE MARZO

Dende hoxe, colgareivos cada día o traballo que tedes que facer. Mañá subirei as correccións dos exercicios, para que vós mesmos poidades corrixilos nos vosos cadernos.

Como son exercicios dos libros de texto, déixovos tamén capturas dos mesmos, porque sei que algún neno/a  os ten no colexio.

Pinchade no arquivo adxunto para velos.

Moito ánimo!

LEANDRO LAMAS

PROPOSTA DE TRABALLO DE PLÁSTICA PARA ESTA FIN DE SEMANA "LONGA"

Imos pintar un cadro de Leandro Lamas (Pintor, ilustrador, actor e director teatral galego).

Nas imaxes que presentamos a continuación, vaivos indicando os pasos a realizar.

Ídeas mirando unha a unha e reproducíndoas nun folio. Prestade atención! Que non se vos esqueza ningún detalle.

Unha vez rematado, tedes que darlle cor. Buscade na rede cadros deste pintor para facervos unha idea do seu tipo de pintura.

Desfrutade coa actividade!

Recomendacións de traballo para estes días

Linguas:

Actividades de produción escrita:

• Comentar unha noticia de actualidade extraída de calquera medio de comunicación. O comentario da noticia debe dar resposta ás seguintes cuestións: que pasou?, cando?, como? onde? por que? a quen? (En castelán)

• Inventar un conto en galego.

• Crear e ilustrar un poema en galego.

 

Actividades de lectura:

• Recomendamos ler todos os días polo menos 20 minutos.

 

Matemáticas:

• Inventar cinco problemas que se resolvan con máis dunha operación.

• Repaso de cálculo básico: suma, resta, multiplicación e división con decimais.

 

Páxinas web para repasar os contidos traballados na aula:

http://www.ceiploreto.es/

https://www.testeando.es/

https://www.mundoprimaria.com/

https://es.educaplay.com/recursos-educativos/?q=&course=8

http://www3.gobiernodecanarias.org/medusa/ecoescuela/recursosdigitales/2...

http://www.rinconmaestro.es/

Distribuir contido