Blogues

E por fin unha xornada intercentros (trala que xa fixeron o trimestre pasado os grupos de 4º e 6º. Esta semana tocounos visitar ó CEIP Nº2 de Tui, ó cal temos que agradecer a benvida e o ben que o pasamos desfrutando da actividade física.

Ademais, foi a estrea de 3º nunha xornada intercentrois, e que ganas tiñamos xa! Desfrutamos moito, tanto dos momentos xogando como animando ós maiores.

Pola outra banda o grupo de 5º xa participara o ano pasado, e este xa había ganas de repetir. Iso si, desta complicouse un pouco máis a cousa, xa que no volei o balón xa é dun tamaño máis parecido ó oficial.

E agora xa estamos practicando nos recreos e pensando na próxima! 

Como o ano pasado por estas datas, xa comezamos co noso calendario de EFvento, con diversos retos motores curtos e/ou de coñecemento, probando as nosas capacidades e favorecendo uns descansos activos entre clases. Retos que se poderán repetir por parte das clases e as tutoras en calquera momento do ano, sobre todo en días de choiva nos que non se poida realizar a Milla diaria na que estamos a desenvolver.

Atrevédesvos a facelos tamén na casa?

Esperamos que os desfrutedes, boa entrada no Nadal!

Tras varios intentos falidos polo moito que choveu en semanas, por fin deu tregua e nos permitiu disputar as carreiras de campo a través deste ano, e por certo, con moi bo tempo.

Deste xeito, os días 23 e 24 de novembro disputáronse as carreiras de campo a través nas instalación do campo de fútbol do Borralliño, en Soutelo.

A espera valeu a pena e deixounos dous días ben solleiros e que se prestaban para o deporte. E aí fomos, dende 2º ata 6º de primaria do cole.

As distancias foron de:

550m para 2º e 3º de primaria

800m para 4º e 5º de primaria

1300m para 6º de primaria e 1º e 2º da ESO

Se queredes coñecer un pouco máis sobre os percorridos e as clasificacións, invitámosvos a visitar este enlace á páxina de AGRUDEBaM:

https://www.agrudebam.es/horario-lectivo/campo-a-trav%C3%A9s-horario-lectivo/

Felicitar ás nenas e nenos participantes polo seu esforzo, e sobre todo polas gañas que lle botaron en correr e animar ó resto de compañeiras e compañeiros.

Benvidas e Benvidos ó noso recuncho de Ed. Física!

Aquí trataremos de acercarvos algunhas das actividades que imos facendo, tanto nós solos, como coa colaboración de outras asociacións e clubs. Destacar tamén a nosa participación en proxectos como a milla diaria e o plan XOGADE, onde participamos dentro de AGRUDEBaM onde estamos case todos os profes de EF dos coles do Baixo Miño.

E como non, participaremos no compromiso do cole relacionados coas Merendas saudables e os Residuos cero co fin de traballar sobre a nosa saúde a e a do planeta que habitamos. Así que xa sabedes é tempo de actuar

E como non podería ser doutro xeito, despedirmos coa frase máis repetida polos profes de EF en tooodos os coles:

Un saúdo!

A Secretaría Xeral de Igualdade convocou o IV Concurso de carteis e videos contra a Violencia de Xénero no que podían participar centros educativos de toda Galicia en tres categorías.

No noso cole cinco grupos de 5º e 6º de Primaria confeccionaron distintas obras de arte. Despois dunha reñida votación (porque só se podía enviar un) o traballo elexido para o concurso foi "TRATA COMO QUEIRAS QUE CHE TRATEN"  creado por Sara, Manu, Yannira, Noe, Roi, Tania e Paula de 6º que acadou o 2º Premio Audiovisual da súa categoría.

O venres 25 de Novembro foron recoller o seu premio e participaron, xunto con outros centros de ensino, no minuto de silencio polas vítimas desta lacra. 

O que temos moi claro é que:

NO CEIP PINTOR ANTONIO FERNÁNDEZ DICIMOS NON Á VIOLENCIA DE XÉNERO!!!

Pica na imaxe para ver todos os traballos do noso cole.