17 de Maio, o noso Día das Letras en homenaxe a Ricardo Carvalho Calero. Este ano é un chisco distinto e aínda que pasou o día, non imos deixar de celebralo (hoxe e todos os días).
Empezamos con esta orixinal biografía interactiva creada por mestras do CEIP Ben-Cho-Sey de Pereiro de Aguiar en Ourense.
E agora esta divertida adaptación de "As pitas baixo a choiva" realizada por compañeiros e compañeiras da Escola de Viveiro. Unha chulada!!!
Outra actividade chulísima para o alumnado de Primaria que é xentileza das profes do Ben-Cho-Sey (clicade no nome do cole).
Piitas, pitas, pitas!!!! Premede na portada e veredes o que ides atopar.
A que o pasástedes xenial con esta obra de Carvalho Calero? Pois a cousa non remata aquí. Os Bolechas déixannos este agasallo para coñecer un chisco máis a Don Ricardo.
E se tedes moitas ganas de chollar, podedes entrar nestes dous enlaces onde atoparedes unha chea de actividades e xogos.
Queredes máis? Aí vai outra proposta:
Escollede a vosa verba galega favorita. Con ela creade un poema ou facede un debuxo e que a vosa creación saia fóra: colgade da ventá, no balcón ou pendurade no tendal. Sacade unha foto e enviádea aos vosos titores.
Lede en galego, cantade en galego pero non só esta finde senón todos os días do ano!!!! Sabedes por que? Por que...
...QUEREMOS FACER UN MONTE DE PEQUENOS XESTOS POLO NOSO IDIOMA PORQUE
"MOITA XENTE PEQUENA, EN LUGARES PEQUENOS, FACENDO COUSAS PEQUENAS, PODEN CAMBIAR O MUNDO", como nos di Eduardo Galeano.
A detective Olivié é unha intrépida investigadora que ten que recuperar uns pergaminos roubados. Para iso ten que percorrer o mundo buscando os números para abrir a caixa forte e recuperar o botín roubado. Le atentamente as preguntas de cada destino, pensa as respostas e sorte. Consello: colle lapis e papel para apuntar os números para abrir a caixa forte.
Magníficas e orixinais actividades para saber algo máis sobre Ricardo Carvalho Calero, escritor homenaxeado nas Letras Galegas 2020.
Empezamos con este preguntoiro musical para lembrar a biografía.
Continuamos con esta actividade para os primeiros cursos de Primaria ou os nenos e nenas de Infantil cunha pouquiña de axuda. Lembrade os números que vos dan ao final de cada pregunta. Ides necesitalos para chegar ao "tesouro".
Rematamos cun misterio que hai que resolver. Podedes premer na imaxe ou no enlace e a resolver o misterio!!!! Animaivos, ides pasalo xenial!!!!
O alumnado de 5º está ao pé da noticia ainda confinado. Na primeira reportaxe de investigación, a nosa intrépida reporteira Paula Martín amósanos o milagre da vida emplumada.
A nosa segunda reportaxe vén da man de Alejandra que nos fala dunha interesantísima actividade que se realiza no Centro de Alto Rendemento canino situado na "veigha" de Tollo.
Na seguinte reportaxe, a nosa corresponsal Daniela mergúllanos nos segredos da Natureza eoutro milagre de vida, desta vez, peluda.
E unha última reportaxe de rabiosa actualidade a cargo da nosa reporteira Natalia coa axuda inestimable do becario da chupeta.
Dende a redacción destes Diarios Confinados agradecemos a colaboración e boa disposición das persoas entrevistadas: Venida, a xefa das quícaras; Marta, Samuel e Kay, o coitado do can que deu todo e máis, do parque canino; á comunidade canina de Figueiró; aos avós e o pequenete que xa non saben que facer por saír da casa (ollo!!! que hai que andar con coidado) e, como non, ás persoas que están detrás das cámaras que son parte moi importante nesta actividade.
No cole conmemoramos o Día do Libro dun xeito moi especial. Trotamundos e o Equipo de Biblioteca propuxemos un xogo: "E se nos convertemos na portada dun libro? Ou poderiamos ser unha personaxe...".
Aquí está o exemplo das orixinais e fermosísimas propostas que nos chegaron. As profes queremos darvos as grazas a todos os nenos, nenas, nais, ao pai de Leo, ao avó de Sara e ás compañeiras do club de lectura. E, como non, facer extensivo o agradecemento ás persoas que se atopaban detrás da cámara.Foi un gustazo!!!!
Nuns días celebramos o Día das Letras Galegas. Este ano o homenaxeado é Ricardo Carvalho Calero. Para ir quentando motores, imos coñecer cousiñas sobre el e, por iso, compartimos con vós este video feito polos nenos e nenas dun cole ourensá.
E agora, se picades na imaxe, podedes comprobar o que aprendemos.
Atentos e atentas, en vindeiros días seguiremos informando.
tamén participamos. 
