PDI

O álbum é un xoguete/producto final que segue motivando dia tras día.

Desta volta, os Vagalumes, repasaron algúns dos animais e plantas

traballados con anterioridade, aprenderon unha cantiga e a recitaron

e intercambiaron a segunda entrega de sobres de cromos!

Que divertido e canto están aprendendo e disfrutando.

Agradecer a colaboración de Rafael López Loureiro

(aportando as fotografía e documentación sempre que se necesitou),

o Concello de Cedeira e de todos e cada un dos axentes sociais implicados.

O alumando de 3 anos de E.I. abríndo os sobres cos cromos,

buscando o lugar axeitado para pegalo, traballando a motricidade

fina nese despegado, nada sinxelo con tres aniños!

E xogando e disfrutando coa lectura e posterior conversa.

Agradecer a colaboración de Rafael López Loureiro

(aportando as fotografía e documentación sempre

que se necesitou), o Concello de Cedeira e de todos

e cada un dos axentes sociais implicados.

O alumando de 3 anos de E.I. abríndo os sobres cos cromos,

buscando o lugar axeitado para pegalo, traballando a motricidade

fina nese despegado, nada sinxelo con tres aniños!

E xogando e disfrutando coa lectura e posterior conversa.

Agradecer a colaboración de Rafael López Loureiro

(aportando as fotografía e documentación sempre

que se necesitou), o Concello de Cedeira e de todos

e cada un dos axentes sociais implicados.

O alumnado de 5 anos, seguindo co proxecto da clase

"Cedeira na primavera" van ao Museo "Mares de Cedeira"

para ver unha colección de bolboretas e despois continuar

observando e recoñecendo lugares preciosos e únicos como

o muelle, o porto, as cetareas, as praias, os faros, o castelo da Concepción, 

as excavacións do castro do Sarridal, o cemiterio e as rúas de Cedería Vella,

rúa Real, rúa do Cristo, rúa Tetuan, a biblioteca, as fontes....

un fermoso paseo polo pobo.

O alumnado de 1º de E.P. realiza unha ruta intermareal pola

contorna de Ladrido. Alí puideron observar detidamente unha

morea de bivalvos e algas, coñecer como viven e, o máis importante,

como temos que comportarnos nun entorno deste tipo.

Porque todos somos seres vivos e cada un ten que respectar o ecosistema

dos outros. Por suposto, as cunchas e todo o observado quedou no seu lugar.

Pois estes pequenos e pequenas naturalistas saben que o que hai na praia é da

praia, salvo o lixo e tamén teñen ben claro que a faenar

van as mariscadoras e os mariscadores.

Así de ben o pasaron nunha paisaxe idílica que temos que conservar!

Inés, xuntos cos seus pais, Verónica e Pablo fixeron un traballo

de investigación sobre os seus parruliños e o trouxeron para

amosárnolo. Aprendemos como son os peteiros, as patas,

as especies... e unha morea de cousas máis sobre os parruliños

de Inés. Unha aportación importante para o proxecto

"Naturalmente, aprendendo!".

Moitas gracias por vir e ensinarnos tanto sobre estas aves!

Algunhas das xornadas dos grupos interactivos estiveron

adicadas ao proxecto da flora e da fauna. O alumnado co

acompañamento das familias, profundizou na lectura c

omprensiva da información que aporta o  Álbum de Flora e Fauna,

ollaron as fotografías de Rafael Loureiro (Calel) que foron de gran

axuda para colorear e nomear os debuxos para o Libro que eles están

realizando, ordenaron fases do crecemento da planta e da ra,

traballaron no caderno de campo... e namentres tamén se

fixeron máis ricos, coas aportacións dos adultos e dos seus

compañeiros e compañeiras. Está claro que a unha sesión de

interactivos, nunca se sae como se entra.

Amparados no proxecto "Naturalmente, aprendendo!",

o alumnado de sexto puxo a xerminar sementes de lentellas.

Xa están os suficientemente grandes e as pasaron á horta.

Agora engaden titores para guiar ás plantas no seu crecemento.

O alumnado de 1º de Primaria realizou unha

visita ao museo para documentarse.

Encantoulles a exposición de Playmóbil, referidos aos

traballos do mar e diversas batallas, o ciclo das

bolboretas, coñecer que as hai diurnas e nocturnas

e remataron con cunchas,  mallas, anzós, o traballo

do carpinteiro de ribeira e a vistia a galerna

e pequenas embarcacións.

Agora toca amosar esa aprendizaxe nun pequeno

libriño naútico. Vento en popa a toda vela!

 Deixamos o libriño en pdf por se é do voso proveito.

Esta saída é unha actividade que complementa a

documentación para o proxecto "Aprendendo, naturalmente!!

O alumnado de 4º tivo a honra de entrevistarse de primeira man

co naturalista Rafael López Loureiro, máis coñecido como Calel.

Un naturalista que emana coidado, respecto e re/coñecemento

pola natureza. El é o autor das fotografías que leva o Álbum de Flora e

Fauna da nosa contorna. Esta rapazada tivo o pracer de saciar tódalas

curiosidades que tiñan de cada unha das fotografías, animais, plantas...

forma de traballo do naturalista...  Pero antes tiveron que pasar unha proba.

Estamos moi orgullosos da rapazada pois a superaron sen dificultade

e conseguiron saber todo o que era do seu interese.

Se queredes profundizar no estudo da natureza, Calel, ten un blog chamado

"Ao noroeste, do Noroeste", onde fai publicacións de gran interese naturalista.

Pequenas e pequenos naturalistas, vos tamén podedes ser como Rafael López Loureiro,

só hai que desexalo, esforzarse, estudar e seguir amando e coidando de tódolos seres vivos.

Este álbum é un enredo, para seguir aprendendo. Aquí temos as nenas e nenos de 1ºA.

 Agradecer a colaboración do Concello de Cedeira e das persoas que fixeron posible este soño!

O alumnado de 1º planta na horta acelgas, espinacas

e leitugas brancas e moradas. Teñen de axudante a un dos mellores,

Chema de Couzadoiro, que lles explica como manter sá a coilleita

e a eliminar os caracois da horta, sen matalos, por suposto.

Pode parecer curioso vivindo nunha vila, pero moita desta

rapazada xamais tocou un pitiño e incluso algúns só os viron

en fotos e os ovos chegan ás súas casas xa envasados.

Por iso, a avoa de David, Pura, acompañada da súa neta Sheila

trouxo á biblioteca pitiños de paspallás e de pita. Para ofrecer a

oportunidade de tocar, escoitar, observar de pretiño estas aves.

Despois de saciar a primeira curiosidade veu unha fermosa rolda

de preguntas, das que a avoa Pura resolveu tódalas incognitas.

Gracias familias por vir e achegar á escola a vida!

O 18 de Maio, pola mañá, o alumnado do Club de Lecturas recibirá

a visita de Antón Cortizas. Conversarán sobre os seus libros,

entre eles sobre "O merlo de ferro" e realizarán unha xornada de

obradoiros ao redor da lectura.

Recordade traer tapas de latas e bugallos de carballo.

Agradecer á Asociación Arce que nos puxese en contacto.

O Green Club (un club para a defensa e proteción da natureza)

sae buscar un novo fogar para os caracois. Gústalles moito a nosa horta,

pero alí comen todos os nosos cultivos. Nos tarais da praia teñen moitas

plantiñas que de seguro lles gustarán.

Aproveitan para observar cunchas e recoller lixo.

O alumnado de 3º recibe o álbum de cromos,

despois de realizar unha actividade do proxecto.

Así de ilusionados os vemos!

Agradecer a colaboración de Rafael López Loureiro,

o Concello de Cedeira e de todos e cada un dos axentes sociais implicados.

Un soño cumprido! O proxecto documental sobre a flora e fauna

da nosa contorna merecía un produto final divertido, pero á

mesma vez rigoroso. Contamos coa colaboración de Rafael López Loureiro,

naturalista e mestre xubilado da nosa escola, que aportou as fotografías e

documentación sempre que o necesitamos. O Concello de Cedeira subvencionou

as impresións do álbum. A equipa da biblioteca "Carlos Labraña" xunto con

Carmen Lorenzo, parouse na escolla das especies, nos textos... E Akelarre

deulle forma e deseño baixo as pautas acordadas. Un traballo intenso e inmenso,

froito da colaboración de varios axentes sociais, para obter ilusión por aprender.

Esta é unha das reaccións dunha aula ao atoparse con inmellorable sorpresa.

Durante estes días iredes vendo moitas máis.

Agradecer a colaboración de todos e cada un dos participantes.

Esta rapazada leva un curso somerxido no estudo da fauna e da flora.

Coñece, sabe describir e identificar a meirande parte das especies que saen no álbum.

Rematado o proxecto levará este álbum para compartir coa súa familia

e transmitir, compartir o aprendido. Poderá espallar cultura naturalista!!

Unha actividade de observación da paisaxe realizada polo alumnado de 1º.

A ver tamén se aprende, este é un ollar detido, mirar, reparar no que ves, achar,

ver cambios dun día ao seguinte, pois a natureza cambia, hai acción humana...

Por exemplo, un dos días apareceu un tractor a tocar na area, ao seguinte o

alumnado reparou nos cambios. As árbores dos tarais están nese cambio

primaveral, herbas e flores comezando a medrar...

O andar rápido, a rutina crea grandes problemas de observación,

hoxe máis ca nunca temos que ensinar a ver.

Estes pequenos e pequenas naturalistas están aprendendo a observar.

A través da Asociación Arce, recibimos a visita de Victorina Rey Quintiana,

Mari Carmen Rodríguez Tizón e María José Leira Ambrós biólogas coas que contactou

Camilo. Elas aportaron unha inmensa documentación ao proxecto, sobre a

flora e a fauna da nosa contorna, no que estamos inmersos.

Biólogas, alumnado e mestras conversaron sobre: cadeas tróficas, o paseo do Condomiñas,

o bosque de galería, a flora autóctona, as invasoras...

Adobiaron a conversa cunha presentación e un vídeo que quedou

para uso do alumnado e que consideramos de gran valor documental.

Agora con esa documentación e o tríptico realizado por elas e enviado polo

Concello de Cedeira, poderán realizar un percorrido para atopar as especies estudadas.

Agradecer a todos os implicados a súa colaboración!

Iniciamos Abril coa II Ruta Interxeneracional,

enmarcada no proxecto "Aprendendo, naturalmente!".

Convocamos a toda a comunidade educativa e calquera

outra persoa que desexou unirse. O tempo estaba algo nuboso

e caían unhas pequenas gotas de choiva. Pero tíñamos diante a

dous naturalistas, unhas eminencias, Antonio Martínez Pernas

e Rafael López Loureiro, votamos comezar a andaina,

non se podía desaproveitar a ocasión. Incluso comentouse que con

ese tempo, veríamos cousas que igual non se ollan nun día de sol.

Eles fixeran esa ruta unha semana antes e dixeran

que aínda reinaba a invernía na Fraga dos Casás.

Con paraugas e chuvasqueiros adentrámonos por unha senda de eucaliptos,

pasamos un pinar, para descobrer despois dun pedazo o que detrás se agochaba,

unha fermosa Fraga, que en tan só unha semana comezou a florecer.

Observamos a mapoula das fragas, Anemone,  súa saída indica o inicio da primavera.

Ollamos espárragos, castiñeiros... unha fraga limpa e verde.

Conversamos do uso que tivo noutros tempos, dos carboeiros

que recollían a madeira e a enterraban para queimar e converter en carbón natural,

a fraga non estaba soa naqueles tempos, senón que a xente realizaba moitas labores nela.

Hoxe eses coidados teñen que basearse en non intervir nela,

non levar nin traer especies, usar as sendas, mirar onde pisamos e ollar con atención.

Facer que permanezan. Esta é unha pequena mostra da Ruta da Fraga dos Casás.

Antonio Martínez Pernas identificou correctamente unha orquidea galega:

Ophrys kallaikia que era confundida por outra.

Podedes consultar o estudo con profundidade, clicando no nome científico.

Foi unha oportunidade marabillosa para conversar e resolver dúbidas,

in situ, con dous naturalistas estupendos!

Moitas gracias por espallar a vosa sabiduría!

Durante esta semana as e os pequenos naturalistas conmemoraron o Día do Naturalismo

e realizaron un un mini libro sobre a flora e a fauna da nosa contorna.

Agradecer a Rafael López Loureiro impulsor da iniciativa,

ao que hoxe queremos darlle voz a través deste blog,

na súa denuncia conxunta con outras asociacións sobre a planificación

de parques eólicos mariños no sector noroccidental de Iberia e o que isto

afectará as diferentes especies de aves mariñas que utilizan esta zona,

así como das aves terrestres que o atravesan nas súas migracións.

Para máis información podedes consultar algúns dos blogs:

- Ao noroeste do Noroeste

- Grupo Naturalista Hábitat

- Sociedade Galega de Historia Natural

Agradecer á infancia a recollida da semente, estamos certos que ha agromar!

 Engádese o mini libro en pdf para gozar quen o desexe do seu uso.