Skip to main content

EXPRESIÓN ORAL

UNHA PALABRA PARA LUISA VILLALTA #bescolaresgal #bescolaresgalabertas #letrasgalegas2024 #luisavillalta

Este ano a homenaxeada nas Letras Galegas é Luisa Villalta,

ela é tanto e marchou en tan pouco, que faise difícil concretar.

Por esta razón, agradecemos a participación das familias

e das xentes da nosa vila para definila cunha palabra.

Tedes tres caixas de correos, nas tres bibliotecas da vila:

Biblioteca Municipal López Cortón, Biblioteca do Ies Punta

Candieira e a da escola, a "Carlos Labraña". Alí veredes un

buzón e unha pequena nota coas indicacións, podedes definila

cunha palabra ou, por detrás da nota escribir algo máis longo,

tamén podedes mandar un audio ao número que tedes na

nota informativa. A vosa participación, será recollida, tratada

e traballada polo alumnado, para dar forma ao podcast de

Radio na biblio do Concurso da Asesoría de Biblioteca Escolares.

 

 

 

 

 

 

 

ESPAZO #bibliotecaCreativa #Ciencia #bescolaresgal #bescolaresgalabertas #poloscreativos

O alumnado documéntase sobre o espazo, crea maquetas

e prepara unha exposición oral cos datos recadados.

 

 

 

 

 

FORMACIÓN RADIO NA BIBLIO #BibliotecaCreativa #Radionabiblio #bibliotecainclusiva #STEAM #bescolaresgal #bescolaresgalabertas

O alumnado de 5º de primaria recibiú formación

de radio para mellorar as súas competencias neste medio.

Quique Vázquez foi o encargado da formación,

que combinou radio e teatro.

 Foi unha formación intensa e gozada da que deixamos aquí constancia.

 

 

 

 

 

 

 

 

DÍA DA POESÍA #DíaDaPoesía #poéticasdiversas #bescolaresgal #bescolaresgalabertas

Ensaios para escenicar no I Certame da Poesía Escénica que se

celebrará, como actividade conxunta, no Ies Punta Candieira.

 

 

 

 

GUÍAS TURÍSTICOS #BibliotecaCreativa #bescolaresgal #bescolaresgalabertas

O alumnado de quinto de primaria converteuse en guía turístico

e viaxou a través das páxinas dos libros e da documentación na rede

para coñecer as provincias de España e as súa identidade, características...

Resumiron e escolleron os datos máis relevantes nun libro de lapelas

que expoñeran estes días aos seus compañeir@s.

 

 

 

 

 

ENSAIOS POESÍA ESCÉNICA #EnGalego#Cedeira #Igualdade #bibliotecainclusiva #bescolaresgal #bescolaresgalabertas

Varios grupos de nenas e nenas preparan recitados poéticos para

celebrar o Día da poesía. Será o I Certame de Poesía Escénica que realiza

o EDLG do Ies Punta Candieira. É unha oportunidade a que fumos convidados,

así que nesas están ensaio tras ensaio. Unha actividade que permite traballar

en profundidade a lingua galega: tiveron que buscar na CDU autores e poesías,

outros crearon as súas estrofas, entraron no dicionario da Rag para saber

o significado de palabras que aparecían nas poesías, memorizaron, ollaron

tempos para cumprir as bases, debuxaron, están creando coreografías...

Xa nos tarda velos o 21 de marzo no Día da Poesía!

 

 

 

 

 

 

FONDOS POESÍA ESCÉNICA #Cedeira #dinamizaciónlinguagalegaCandieira #poesía #bescolaresgal #bibliotecainclusiva #bescolaresgalabertas

Este curso unha das actividades intercentros na que participaremos

co alumnado do Ies Punta Candieira é a Poesía Escénica.

Hai moito alumnado preparando xa a escenificación das poesías,

uns inventando coa axuda do profesorado, outros buscando nos fondos da biblioteca escolar...

Para facilitar un pouco a busca, deixamos no faro unha pequena mostra.

Ante calquera dúbida preguntade ao profesorado de biblioteca ou ao voluntariado escolar.

Nestes días ampliaremos fondos poéticos.

Moito ánimo a tódolos participantes e grazas ao

profesorado do Ies por contar sempre conosco!

 

 

 

 

 

 

ENSAIOS TEATRO #teatronaBE #radioescolar #bibliotecacreativa #bibliotecainclusiva #bescolaresgal #bescolaresgalabertas

Os Vagalumes xa preparan a súa representación teatral,

están montando sons na radio, deseñando o atrezzo, facendo

ensaios case a diario e o máis importante, entender que todas

e todos somos importantes e temos que colaborar, que isto é unha

compañía que necesita de todos e todas para funcionar como unha

máquina precisa de reloxeiro. Convivir, respectarse, tolerarse, entenderse...

o teatro aporta unha inmensidade de valores que perdurarán nas súas vidas.

Aprender a actuar, memorizar, facer súa a personaxe, a crear, a rir e chorar,

pero o máis importante aprenden a quererse e coidarse.

 

 

 

 

 

INTERCAMBIO DE EPÍSTOLAS #bibliotecacreativa #Nadal #bescolaresgal #bescolaresgalabertas

A escritura e a lectura son dous dos pilares máis importantes

da biblioteca escolar. Conxugamos a aprendizaxe destas habilidades

coa motivación do alumnado e creamos actividades que impliquen

reforzar actitudes que desexamos que se reproduzan constantemente.

As epístolas contribuén a todo isto, por iso é unha tarefa que replicamos

unha e outra vez. A quen non lle gusta recibir unha carta?

Estas son as da nosa rapazada!

Engadir que o alumnado sempre ten acceso a apoios á escritura,

paos correctores, infografías ortográficas... para brindar seguridade,

crear un hábito de corrección e mellorar a escrita.

 

 

 

 

 

OS NOSOS DESEXOS NA RADIO EXPERIMENTAL #Radionabiblio #Nadal #Cedeira #bibliotecacreativa #bibliotecainclusiva #bescolaresgal #bescolaresgalabertas

Os desexos desta rapazada viaxan xa nas sacas de paxes, carteiras e carteiros,

diríxense ás tres estrelas. Pero quixeron que as ondas da nosa Radio Experimental

tamén soaran coas súas verbas. Esta rapazada non pide moitos xoguetes,

piden necesidades, dereitos e piden moito para os demáis,

porque ninguén pode ser feliz se o que está ao seu carón non o é tamén!

Paz, amor e bos desexos para todas e todos!

 

 

 

 

 

 

CURTAMETRAXE "A GATA BENITA" #arte #radionabiblio #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de terceiro de primaria explícanos

como realizaron a súa curtometraxe "A gata Benita!.

Con ela participarán no concurso: Nos tamén creamos.

Compartimos con vos está ledicia!

 

 

 

 

PISANDO O ESCENARIO CON TRES ANOS! TEATRO #arte #teatro #bibliotecacreativa #bibliotecainclusiva #LIA #bescolaresgal #bescolaresgalabertas

Ser pequeno non é un inconvinte para pisar forte.

O alumnado de tres anos deleitounos coas seguintes

cancións dramatizadas:"A vaca Lola", "El cocodrilo se metió

en la cueva", "Yo tengo una casita" y "El cocodrilo Dante".

Todo isto na aula de teatro da escola! Arte, expresión corporal,

ritmo, música e ilusión a raudales!

Mil parabéns rapazada!! Sodes inmens@s!

 

 

 

 

 

PROCESO NA OBRA - A PRINCESA DO COUREL #arte #teatro #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de 5 anos B leva xa varias representacións de

"A princesa do Courel", unha rapazada pequecha pero moi grande en

expresión. Comezaron pouco a pouco coa decoración, ensaios, ensaios...

e máis ensaios, axudando a confeccionar o vestiario  (amosando que saben

ser responsables e ordeados coa súa roupa) facendo e repartindo as invitacións

e finalmente a representar. Aínda teñen pendentes varias funcións na aula de teatro.

Éxito asegurado! Parabéns rapazada!




 

 

 

 

 

 


ESTREA TEATRO NO AUDITORIO #arte #teatro #bibliotecacreativa #bibliotecainclusiva #LIA #bescolaresgal #bescolaresgalabertas

Estrea no Auditorio das Xornadas de Teatro Escolar.

 

 

 

 

 

 

O CASAMENTO DO PIOLLO E A PULGA #teatro #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de 5 anos A leva xa varias representacións de

 "O casamento do piollo e a pulga", unha fábula popular adaptada

por Pepe Carreño. Esta é unha rapazada pequecha pero moi grande en

 expresión. Comezaron pouco a pouco coa decoración, ensaios...

 e máis ensaios, axudando a confeccionar o vestiario, facendo e repartindo

as invitacións e finalmente a representar. Aínda teñen pendentes varias

funcións na aula de teatro. Éxito asegurado! Parabéns rapazada!

 O alumnado de 5 anos A leva a escea "O casamento do piollo e a pulga",

Un traballo de equipo! Parabéns rapazada!!

 

 

 

 

 

 

 

A PRINCESA DO COUREL #teatro #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de 5 anos B leva xa varias representacións de "A princesa do Courel",

escrita por Javier Solchaga e Marisa Nuñez, incluída en "Os contos do camiño".

Unha rapazada pequecha pero moi grande en expresión, aínda teñen pendentes

varias representacións na aula de teatro. Éxito asegurado! Parabéns rapazada!

 

 

 

 

O MAQUINISTA ANTÓN #teatro #arte #bibliotecacreativa #bibliotecainclusiva #LIA #bescolaresgal #bescolaresgalabertas

O alumnado de 4º de primaria dramatiza por grupos diferentes

escenas do "Maquinista Antón", unha pequena obra que trae o

libro de galego. Están todos  e todas moi emocionados!

 

 

 

 

 

 

Distribuir contido