GRUPOS INTERACTIVOS

Comenzan os grupos interactivos, primeiro con dúas profes

e temática lúdica. En breves, coas familias que desexen

acompañarnos este curso.

Fixemos unha construción floral para despedir ao verán, atamos zapatos

e outros broches, fixemos orbits e agochamos bichiños que tivemos

que atopar e logo sen mirar escribir os nomes e cantidades,

pintamos as unllas e deixamos que nolas pintaran, fixemos un mundo

natural de outono para darlle a benvida.

Tedes máis información sobre os grupos interactivos nestas ligazóns:

Os primeiros interactivos da escola:

https://www.youtube.com/watch?v=MTGMTj9JocU

Ramón Flecha. Grupos interactivos:

https://www.youtube.com/watch?v=BlovbmPSn3c

Os Vagalumes de 1ºC levan un curso ensaiando a obra

de teatro escollida, será "Os Ratos" de Carlos Labraña,

pero realizarán unha adaptación que leva por nome 

"Os gaiteiros de Hamelín". Durante algunhas semanas os

grupos interactivos xiraron ao redor do atrezzo de teatro,

en cada mesa un adulto con tres ou catro raparigos ou

raparigas foi facendo pequenos complementos que levarán

no seu traxe ou decoración para o escenario.

Xa case teñen todo rematado e, en breves, poderedes ver a

súa actuación. Esta é unha mostra do traballo

artístico nos grupos interactivos.

Algunhas das xornadas dos grupos interactivos estiveron

adicadas ao proxecto da flora e da fauna. O alumnado co

acompañamento das familias, profundizou na lectura c

omprensiva da información que aporta o  Álbum de Flora e Fauna,

ollaron as fotografías de Rafael Loureiro (Calel) que foron de gran

axuda para colorear e nomear os debuxos para o Libro que eles están

realizando, ordenaron fases do crecemento da planta e da ra,

traballaron no caderno de campo... e namentres tamén se

fixeron máis ricos, coas aportacións dos adultos e dos seus

compañeiros e compañeiras. Está claro que a unha sesión de

interactivos, nunca se sae como se entra.

Desta volta os interactivos dos Vagalumes xiraron ao redor de "Carrapuchiña Vermella".

Coa axuda das familias fixeron pizzas de Carrapuchiña e o lobo,

leron outra versión do conto "¿Qué me cuentas Caperucita" de José Carlos Andrés,

escribiron palabras arredor do conto cun xogo de letras

e fixeron un obradoiro cos protagonistas.

A investigación INCLU-ED, realizada en 15 países, entre eles España,

demostrou que ante diversas formas de organización de aula,

os grupos heteroxéneos con voluntarios daban os mellores resultados de aprendizaxe e convivencia.

- AUMENTA O NIVEL DO GRUPO.
-REDUCEN CONFLITOS.

Os voluntarios son adultos: familias, alumnado dos últimos cursos

do instituto, membros de asociacións, avos, tíos, mestres xubilados...

NON NECESITAN TER HABILIDADES ACADÉMICAS POIS A

SÚA FUNCIÓN É FOMENTAR O DIÁLOGO IGUALITARIO E A PARTICIPACIÓN.

Máis información

Iniciamos as primeiras sesións na aula para pasar posteriormente á biblioteca.

A actividade central ao comezo do curso é a formación de usuarias e usuarios da nosa biblioteca.

Este curso xa coa ledicia de abrir as portas ás familias. Comezamos refrescando e

conversando sobre as normas e actividades que poden gozar na biblioteca e continuamos

con tres grupos interactivos (comunidades de aprendizaxe) da man de familias

voluntarias que nos agasallaron co seu tempo e bo facer.

O alumnado traballou a identificación dun libro, a CDU e os tejuelos.

Sendo Biblioteca Creativa como somos, non podían faltar actividades como maxia,

para representar logo na casa e canción tradicional. O alumnado aprendeu e interpretou

unha pequena estrofa típica da nosa vila. Para valorar dende pequenos a tradición oral.

O empréstito (de libros, xogos, película e música) e a lectura na sala foi outra das actividades.

Creamos unha pequena presentación para a actividade inicial que aquí compartimos.

 Recordamos que a biblioteca está aberta ás familias en horario de tarde.

Este ano, merecémonos voltar a todo o bo que nos limitou a pandemia.

As familias sodes un eixo importante da nosa biblioteca. Polo tanto estades convidadas

a participar na formación de usuarios. Para isto presentamos o cartaz e un número para apuntarse.

Pasando o lector QR do móbil poderedes profundizar nos grupos interactivos das comunidades

de aprendizaxe, de Ramón Flecha.

Posteriormente, falaremos con vosoutros para explicarvos máis concretamente as actividades deseñadas.

Recordade que para participar nos interactivos non se require ningún coñecemento,

unicamente ser maior de dezaoito anos.

Os Vagalumes continúan cos grupos interactivos, onde as familias son voluntarias dentro dunha comunidade de aprendizaxe.

Neste curso o alunado está dividido en catro grupos cooperativos que van rotando cada vinte minutos e

resolvendo diferentes tarefas coa axuda dinamizadora dos adultos voluntarios.

Sendo a mestra a persoa que organiza a actividade e axuda a resolver dúbidas.

Esta actividade, ademáis de contar coa motivación absoluta do alunado, reduce os conflictos e aumenta a competencia curricular.

Agradecer a todos e cada un dos familiares, pois sen a súa boa vontade esta actividade non sería posible.

Iniciamos o curso escolar programando as actividades de formación do alumnado como usuarios da biblioteca escolar do centro.

Os espazos da biblioteca, a organización dos fondos, a variedade de recursos a empregar, as normas de uso, o préstamo de libros...son algúns dos aspectos que se abordan nestas primeiras sesións.

Durante o desenvolvemento das actividades, o alumnado organízase a modo de grupos interactivos. Nesta forma de organización ten un valor engadido a presenza dun adulto voluntario en cada un dos subgrupos, favorecendo a interacción, participación e resolución das tarefas por parte do alumnado.

Todas as familias quedades convidadas a participar nestas actividades de formación de usuarios, actuando como adultos voluntarios.

As datas e horarios das sesións son as seguintes:

Podedes colaborar en calquera das sesións.

Teremos unha reunión informativa/formativa en data acordada previamente entre as familias participantes.

Animádevos a participar! Precisamos que anotedes os vosos datos a continuación.

OS GRUPOS INTERACTIVOS COAS FAMILIAS NA BIBLIOTECA REMATAN POR ESTE CURSO.

AGRADECEMOS ÁS FAMILIAS E AO ALUMNADO IMPLICADOS NOS GRUPOS INTERACTIVOS CUBRAN AS ENQUISAS PARA AVALIAR A ACTIVIDADE E PODER MELLORAR.

MOITAS GRACIAS.

FAMILIAS VOLUNTARIADO GRUPOS INTERACTIVOS

ALUMNADO GRUPOS INTERACTIVOS