lazo verde
NADAL 2023
Decembro comezou cunha gran sorpresa: un calendario de advento con forma de árbore de Nadal.
Decoramos a porta da aula para que nos servise como "photocall" e facer unha fotiño coa que sorprendervos na postal de Nadal.
Pero isto non foi todo!!!
Aquí podedes ver os vídeos da actuación de Nadal interpretando dúas panxoliñas: "Polo Nadal" e "Rodolfo, el reno" en lingua de signos. Que simpáticos estiveron os nosos laciños!!!
Que guapísimos/as con esas garabatas!!!
Agradecer á familia de Dani o agasallo: unha fermosa árbore de Nadal para que cada amiguiño/a colocase un adorno. Encantoulles!!
Tamén á familia de Eva por regalarnos para a biblioteca da aula o fermoso conto "Caer de cu polo universo", de Estíbaliz Espinosa.
E Susana remata as súas prácticas de Maxisterio. Agradecerlle todo o seu cariño e axuda durante este trimestre. Os laciños verdes e eu botarémoste moito de menos!!!
Boas Festas familias!!!
DÍA DA DIVERSIDADE (3 DE DECEMBRO)
Para conmemorar esta data fixemos diferentes actividades.
Unha marabillosa maneira de sensibilizar aos nenos/as sobre a diversidade é a través dos contos. Traballamos "¿Quién soy yo?", de Paula Vásquez, e "Por cuatro esquinitas de nada", de Jerome Ruillier, que son un recurso xenial para aceptar as diferenzas, a integración e para entender que "todos somos diferentes, todos iguais".
Coñecemos a linguaxe Braille coa axuda da profe Concha. Aprendemos e familiarizámonos coa linguaxe de signos interpretando a canción dos días da semana coa profe Sonia, e facendo un circuíto a cegas con cadeira de rodas para desenvolver actitudes positivas cara este alumnado e poñerse no seu lugar. Para superar as probas do circuíto precisaban uns dos outro. Non hai mellor maneira de fomentar a empatía, a axuda e o traballo en equipo.
Bo traballo laciños verdes!!!
E grazas compañeiras polo voso traballo!! Foron unhas sesións dunha gran aprendizaxe!!!
ANIVERSARIO DE ERICK e HAVVA
Celebramos conxuntamente os aniversarios de Erick e Havva, que xa teñen 3 aniños.
Moitos parabéns!!!
25N - DÍA INTERNACIONAL CONTRA A VIOLENCIA DE XÉNERO
Para promover valores encamiñados a igualdade de xénero traballamos o conto “Maruxa”, de Eva Mejuto, que nos permite traballar a coeducación, e foi premiado na categoría "Best Illustrations Cookbook", na súa edición en galego, por unir gastronomía e literatura.
Como primeria actividade, baixo o lema “Traballo e descanso sempre en companía”, lanzamos ás familias o reto de que nos aportasen fotos onde se vise ao alumnado compartindo os quefaceres diarios e outras desfrutando do tempo de lecer. Con todas estas fotos fixemos seis casiñas pola igualdade, unha por cada laciño.
Como segunda actividade, para conmemorar o día da igualdade, decidimos facer un taller de cociña coa receita de Maruxa para facer pan. Despois de tanta fariña e tanta masa... unha gran sorpresa nos agardaba!!! Un enorme laciño da igualdade feito de pan, co que os laciños verdes e amarelos convidamos aos laciños de catro e cinco anos.
Dende aquí, agradecer a panadaría “A Peneira” por elaborarnos este laciño de pan.
Déixovos un resumo deste día, que de seguro vos sacará máis dun sorriso:
ANIVERSARIO DE DANIELA
A nosa amiguiña Daniela xa ten 3 aniños!!!
Moitos parabéns!!!
MAGOSTO
O venres, 10 de novembro, tivemos festa rachada festexando o Magosto!!!
Degustaron unhas riquísimas castañas con batido de chocolate e, despois, música e baile con Donaire.
Mirade que ben o pasaron!!!
Grazas familias polas castañas, a leña e as cestiñas!!!
ANIVERSARIO DE BRAIS
Nesta ocasión desexámoslle felices 3 aniños a Brais!!!
Moitos parabéns!!!
DESPEDIDA PROFE BEGOÑA
O martes 31 despedimos á profe Begoña rodeada de todos os laciños. Que sexas moi feliz!!!
Botarémoste de menos!!!
O NOSO SAMAÍN
Por fin chegou o tan agardado día, o martes 31!!!
Grazas familias por esa preciosidade de cabazas que fan que sexa unha festa chea de maxia e por axudarnos a manter viva esta tradición!!!
Feliz Samaín!!!
DÍA DAS BIBLIOTECAS ESCOLARES
O día 24 de outubro conmemoramos o Día das Bibliotecas Escolares e, para celebralo, participamos no III Concurso de Caixas Literarias Sorpresa.
Así se xoga:
-
Cada aula escolle un conto en galego.
-
Despois atopa ou crea cousiñas para meter na caixa que representen o conto e que permitirán adiviñalo.
-
O resto do alumnado do seu nivel ten que descubrir que contos se agochan nas caixas.
Os laciños verdes puxéronse mans a obra e, traballando en equipo, conseguiron elaborar esta caixiña literaria sorpresa, na que se agocha o conto de “Pete, o gato. I love my white shoes”. Un gatiño que non ve problemas, ve solucións e nunca perde o seu bo humor.
Agora toca xogar a adiviñar que conto esconden o resto de caixiñas elaboradas polos outros laciños de Infantil.
Que preciosidade de caixiñas literarias!!!
E, un curso máis, as mochilas viaxeiras comezaron a súa andaina...