O venres 28 de abril recibimos na Tepoteca a visita de Irimia Fernández Álvarez.

 A rapazada gozou fedellando polos diferentes xogos educativos en galego propostos por Brazolinda.

Ola, familias!

Despois dun trimestre de duro traballo para os de 6º: recompilar material, preparar storyboards e moito escribir e pensar...Por fin chegou o momento máis desexado: a rodaxe.

Aínda non vos podemos contar moito, porque é un pouco segredo. Pero hoxe en Polos Creativos respirouse ilusión, motivación e ganas! Neste ambiente o resultado está case garantido!

Ola, familias!

Hoxe os de primeiro quixeron aportar á Conmemoración do Día do Libro un estupendo programa de Reboradio. Estade atentos a estas pequechas e pequechos tan profesionais...

Durante esta semana Tepo e Tepa teñen preparadas moitas sorpresas paa conmemorar o Día do libro.

Aquí tedes algunha delas. Estade atentos e atentas pois seguriño que hai máis...!

 "Todos os días son o día do libro"

Montse Pena Presas cedeu o texto Dar de ler para a celebración do día do libro nas bibliotecas escolares.

Ola, familias!

O vindeiro martes 25 de abril ás 16:30 horas tedes unha cita na Tepoteca. 

Persoal experto respostará todas as vosas dúbidas sobre ciberseguridade.

O centro proporcionará servizo de atención a cativos.

Esperámosvos!

O venres 14 de abril participamos na XIV edición do TUI LE!

Trátase dun encontro con actividades arredor do libro organizado pola biblioteca municipal de Tui coa participación das bibliotecas escolares de todos os centros de Tui.

O alumnado de segundo e terceiro de primaria do noso cole gozou co espectáculo "As palabras perdidas" de Bea Campos con Inventi Teatro.

A continuación, realizaron tamén o intercambio de libros usados.

Os nenos e nenas de quinto de primaria elaboraron un póster sobre Francisco Fernández del Riego, que foi exposto durante toda a xornada.

Vémonos na proxima edición do TUI LE!

Presentamos á cociñeira de saborosos flocos de millo, a mestra Lara!!! Ela, a través do programa "Aliméntate ben" ensinou cómo podemos preparar uns flocos de millo saudables, houbo quen ao ver o millo dixo:

Iso non son "palomitas"!!!!Pois sí, sí que son.

A importancia de coñecer de onde proveñen os produtos que consumimos, un dos obxectivos de "ALIMÉNTATE BEN"

Continuamos colaborando para conseguir os ODS:

O pasado venres, 31 de marzo, recibimos na Tepoteca o espectáculo da actriz Raquel Queizás, Cinema Marabillas.

Tepo e Tepa tiñan todo preparado para que o alumnado do Ceip de Rebordáns gozara vendo as primeiras adaptacións cinematográficas inspiradas nos contos.

E así descubrir que o cine e a literatura van moi unidos. 

Toda unha sesión chea de risas, historias, cine, maxia... encheu a nosa Tepoteca.

Un fantástico xeito de enriquecer o noso proxecto deste curso, Rebordáns, cámara...e acción! 

Tres das nosas artistas de quinto de primaria agasallaron a Raquel Queizás con unha das súas pequenas creacións. 

Graciñas por compartir o teu talento con nós!

Ata a próxima!

Estamos moi contentos porque xa recibimos os primeiros vídeos deste curso dos nosos booktubers. 

Non perdades detalle. Parabéns, Samuel e Nerea!

Premede nos arquivos que tedes a continuación.