Ola, familias!

Algúns pensaredes que iso dos Polos Creativos so é cousa de maiores. Pois non. Os nenos e nenas de 3 e 4 anos demostraron científicamente que, non só poden facer Polos Creativos senón que os gozan a tope!

Aquí van algunhas fotos das primeiras sesións con el@s:

Recibimos o carné de explorador@s para as nosas misións. Puxémoslle o nome con moitas ganas de pegar todas esas xemas preciosas!

Aprendemos a orientarnos espacialmente seguindo flechas, arriba, abaixo, dereita, esquerda...Xa conseguimos a primeira misión!

  Grazas ao aprendido guíamos aos scornabots a cada un das personaxes de Ruby e os seus amigos.

E máis fotos doutras cousiñas que fixemos...

Continuará... 

Ola, familias!

Tal e como prometimos contámosvos a última hora sobre o noso supermercado: Carrefurdáns!

O alumnado de 4º de Primaria aproveitou os Polos Creativos para facer o folleto do súper coas mellores ofertas. Estade atentos e atentas a estes prezos. Son immellorables!

CONTINUARÁ...

Ola, familias.

Cada vez está máis cerca a graduación do alumnado de 6º de infantil e primaria. Que rápido crecen!

Pois ben, estes días as profes andiveron a facer as fotos para as orlas. Pero os nenos e nenas de infantil quixeron aproveitar para converterse en fotógraf@s e manexar a cámara, o trípode e o aro de luz de Polos Creativos como auténticos profesionais. 

Xulgade vós mesm@s! Pero quedaron requeteguap@s!

Continuará...

Ola, familias

As profes comezaron a poñer en práctica o aprendido na formación de Plotter. Decidiron acondicionar unha parte do corredor do primeiro piso do cole e convertelo nun Faladoiro. Cada vez na educación ten que estar moi presente, tal e como se recolle na lexislación vixente, a EDUCACIÓN EMOCIONAL.

A educación emocional consiste en que os nenos e nenas aprendan a expresar o senten. O que senten cando están tristes,  frustrados, asustados,cando se enfadan, cando se emocionan.

Parece fácil eh? O difícil é resolver conflictos, controlar esas emocións e poñerlle palabras ao que sentimos. 

Este recuncho é para iso. Poden usalo o alumnado entre eles ou cos profes. Ata o momento é un lugar no que apetece estar. Só queda usalo e disfrutalo.

Ah! E non esquezades que na nosa Tepoteca temos un montón de títulos que nos axudarán a crecer emocionalmente.

CONTINUARÁ...

Ola, familias.

Explicar aos nen@s o mundo que lles rodea é un modo fantástico de que aprendan e comprendan a súa realidade.

O proxecto do supermercado, no que traballan 2º e 4º, comezou cunhas eleccións como as que teñen lugar hoxe en Galicia nos nosos concellos.

Tiñan que votar o nome do supermercado de forma democrática.

O cartel electoral e a papeleta:

O día das votacións o alumnado de 2º e 4º acudiu ás urnas masivamente.

A sorte estaba botada (nunca mellor dito)

O reconto das papeletas contou cun presidente de mesa e cunha secretaria, tal e como recolle o regulamento electoral.

Xa temos resultados, o nome gañador foi: CARREFURDÁNS.

E tamén fixeron o nome co logo.

Seguiremos informando do avance do noso supermercado no que traballaremos activamente as matemáticas, as ciencias naturais e sociais, o vocabulario en lingua galega... dun xeito SÚPER-motivador.

CONTINUARÁ... 

Ola, familias.

É necesario desenvolver o pensamento computacional. Para iso, puxemos as gafas da imaxinación adiantamos o reloxo 20 anos e convertemos ao noso alumnado en enxeñeir@s informáticos que tiñan que deseñar un portátil nunha empresa.

Coñecemos o que ten por dentro un ordenador no papel e na realidade.

(www.helloruby.com)

Mostran orgullos@s os seus deseños

Continuará...

O alumnado de 6º xa está con derradeiros retallos da súa creación cinematográfica. Esteredes comigo en que estamos desexando vela. Xa queda menos, un pouquichiño de paciencia.

Continuará...

Ola, familias.

En plena rodaxe coa aula de 6º vén á nosa memoria a gravación que fixemos hai uns meses co grupo de 5º do vídeo promo do noso colexio.

Mirando ás fotos que fixemos cremos que paga a pena mostrar o que ocorría por detrás, "entre bambalinas"

Porque na viaxe, non só é importante chegar, senón gozar co percorrido. E só hai que ver as fotos para decatarse que eles e elas o gozaron.

Organización da rodaxe:

 Gravando as esceas con croma

 Descansando un pouco...

 As profes orgullosas do traballo do alumnado

 Dentro vídeo!

CONTINUARÁ...

Ola, familias.

Se nos falan de física, a maioría de nós botamos a man á cabeza lembrando aquelas clases de EGB onde tiñamos que resolver problemas que nos facían suar.

Aquí tedes a est@s atrevidos, que nesta sesión manexaron conceptos como: planos inclinados, forzas, palancas, movementos...

Aprenderon que son as instrucións e para que serven.

Aprenderon que non precisamos de pilas si usamos as forzas adecuadas para obter movemento.

Aprenderon que se traballamos en equipo é máis doado alcanzar un obxectivo.

E ademais... pasárono de marabilla construíndo cos LEGOS de Polos Creativos.

CONTINUARÁ...

Ola, familias.

Para "falar" cun ordenador é necesario coñecer a súa linguaxe, é dicir programación. Así que comezamos por aprender que hai diferentes linguaxes de programación, e que este ano imos aprender, a máis sinxela, Scratch.

No segundo e terceiro ciclo, adicámonos este curso a aprender programación con Scratch, chamado Scratux, na nosa maqueta Abalar. O Scratch consiste en crear códigos a base de bloques (instruccións) que nos permitirán dende crear presentacións animadas ata crear sinxelos videoxogos.

Pero unha das cousas máis interesantes, do Scracht é que nos vai permitir manexar moito do material de Polos Creativos. Crear e programar robots, usar tarxetar intelixentes (Makey-makey ou Microbit), facer música co ordenador ou ata manexar os movementos das nosas construcións de Lego.

Comezaron polo máis sinxelo, que era mover unha letra:

E cando rematou o segundo trimestre xa faciamos historietas animadas cunha personaxe.

CONTINUARÁ...