Cada 30 de xaneiro recordamos en todos os centros educativos a importancia de vivir nun mundo de paz. 

É un dereito da infancia e de toda a humanidade.

Para lograr a paz temos que aprender a evitar a violencia e comprometernos con formas pacíficas de resolución de conflitos no noso día a día. 

Por iso, durante toda a semana traballamos sobre a orixe e importancia de conmemorar este día e fixemos un montón de actividades e traballos que vos amosamos a continuación:

Convidámosvos a todas e todos a celebrar o Día da Paz!

O 24 de xaneiro conmemórase o Día Internacional da Educación, unha data proclamada pola Organización das Nacións Unidas (ONU) co obxectivo de concienciar a todo o planeta da importancia da educación.

En realidade, a educación é a base para unha sociedade xusta, igualitaria e autosuficiente.

Deste xeito, para conmemorar este día, todo o alumnado participamos na elaboración do mural común que leva por título "A educación promove..." do que saíron respostas tan bonitas coma estas:

"A educación promove... cultura, felicidade, acabar coa pobreza, a solidariedade, o respecto,  mellorar a saúde, a igualdade de xénero, ser mellores persoas, cumprir os nosos soños..."

Estas respostas foron rotuladas e coloreadas en debuxos de materiais escolares que simulaban follas que medran na árbore da educación, simbolizando a esperanza e prosperidade. Quedou así de bonito:

Ademais da elaboración deste mural, cada titoría traballou sobre a temática e elaborou os seus propios traballos: murais de aula, visualizacións de vídeos relacionados co tema,  manualidades...

O alumnado de 5º e 6º de Educación Primaria viu e traballou sobre película "Buda explotó por vergüenza" que relata a historia dunha nena afgana que loita por ir á escola e recibir unha educación. Pero terá que sufrir o acoso doutros nenos que xogan á guerra e pretenden derribala como os seus maiores fixeron coas xigantescas estatuas de Buda.

Sen dúbida, unha gran aprendizaxe da importancia da educación.

Hoxe, 22 de decembro, último día de clases deste primeiro trimestre, tivemos a sorte de poder recibir ás Maxestades de Oriente no noso colexio!

Os Reis Magos chegaron a Arzúa e viñeron a visitar aos máis cativos e cativas para falar con todos eles e elas. Ademais, recibiron as cartas ou debuxos que todos os rapaces e rapazas tiñan preparadas para eles.

Foi unha xornada moi divertida con moitos nervios e emocións, que seguro non esquecerán!

Grazas á ANPA XERMOLOS por facelo posible!

Boas festas!

Os nenos e nenas de 1º A, 1º B e 2º, tiveron a oportunidade de desfrutar en vivo e directo do concerto de "Pakolas", unha actividade finaciada pola ANPA "O FORMENTO".

"Pakolas" é Paco Cedeira, autor e compositor, músico e tamén produtor de música pensada para os máis cativos e cativas.

Presentou o conto de "Ramona Órbita" coa súa máquina do tempo, percorrendo diferentes etapas da historia mediante cancións de rock, facendo especial fincapé no coidado da natureza e o medioambiente.

Ademais, contou coa axuda de Laura, unha ilustradora que facía debuxos que representaban as súas cancións.

Foi un espectáculo marabilloso no que os rapaces e rapazas gozaron moitísimo!

A Declaración Universal dos Dereitos Humanos é un documento que marca un hito na historia dos dereitos humanos. Elaborado por representantes de todas as rexións do mundo, a Declaración foi proclamada pola Asamblea Xeral das Nacións Unidas en París, o 10 de decembro de 1948.

Neste documento recóllense un total de 30 artigos e establécese, por primeira vez, os dereitos humanos fundamentais que deben protexerse no mundo enteiro.

Durante a semana, traballamos e aprendemos máis cousas sobre este documento, e plasmamos o noso traballo neste mural tan bonito que leva por título "Todos os seres humanos temos dereito a...". Cada curso profundizou máis nun dos dereitos humanos que rotulou e decorou nunha man. As doce mans xuntas, unha de cada aula, simbolizan a unión e resumen este documento tan importante para a humanidade.

Traballamos os seguintes dereitos:

- Educación

- Traballo

- Descanso

- Respecto

- Liberdade

- Igualdade

- Protección

- Identidade

- Xustiza

- Asistencia

- Dignidade

- Privacidade

O Día da Infancia é unha conmemoración Internacional para reafirmar os Dereitos Universais dos Nenos e Nenas .

Conmemórase o 20 de novembro. Esta data é moi importante para a infancia por varias razóns: celébrase o Día Universal do Neno e da Nena, desde 1954, e ademais é o aniversario da Declaración Universal de Dereitos do Neno e da Nena, desde 1959. E ese día en 1989 aprobouse a Convención dos Dereitos do Neno e da Nena.

Establecéronse unha serie de dereitos incluidos os relativos á vida, á saúde e á educación, o dereito a xogar, á vida familiar, a protección fronte a violencia e a discriminación, e a que escoiten a opinión de todas as nenas e os nenos.

Desde o colexio, e co traballo dos rapaces e rapazas en cada aula, intentamos plasmar todas estas ideas e concienciarnos de que a infancia é unha etapa da vida irrepetible e que hai que conseguir que todos os nenos e nenas estean protexidos, seguros, con saúde e educación, independentemente do seu lugar de nacemento.

Aquí vai unha pequena mostra dos nosos traballos:

    3 ANOS                      

 4 ANOS A e B             

5 ANOS A

                               5 ANOS B   

1º A e B         2º 

3º                     4º 

5º                      6º 

 Ademais, para conmemorar esta data e grazas ao Departamento de Cultura do Concello de Arzúa, tivemos a oportunidade de desfrutar do espectáculo "Cousas de 4" da compañía Odaiko, un teatro musical que permite explorar a percusión de forma creativa: con obxectos, instrumentos, o propio corpo...

A actuación tivo lugar no salón de actos e asistiron os alumnos  e alumnas de 1º, 3º e 4º de Educación Primaria no primeiro pase, e o alumnado de 3 anos e 4 anos A e B de Eduación Infantil no segundo.

Agradecemos de novo ao Concello de Arzúa por permitirnos desfrutar deste espectáculo de balde no noso centro e que tanto gustou aos nenos e nenas.

O Día da Muller conmemorouse por primeira vez o 8 de marzo de 1975, por iniciativa da ONU.

Esta data está marcada pola centenaria loita que deron as mulleres na súa búsqueda pola igualdade. Un 8 de marzo de 1957 unha manifestación das traballadoras dunha fábrica de textiles de Nova York reivindicando os seus dereitos, na que morreron 120 mulleres, iniciou a loita pola igualdade en todos os aspectos. Desde aquel histórico 8 de marzo a data converteuse nun punto recurrente para as protestas das mulleres. Data que a día de hoxe conmemoramos como un paso adiante na igualdade do sexo feminino na sociedade e no seu desenvolvemento como persoa.

Nós sumámonos a esta loita e, por iso, durante toda a semana estivemos realizando diversos traballos a nivel de aula.

O alumnado de 1º fixo este mural, baixo olema "Muller, nin máis nin menos" que lles quedou así de bonito:

E os rapaces e rapazas de 6º elaboraron estoutro na clase de Arts & Crafts , Plástica Seccións Bilingües, baixo o lema "Growing up in equality" ("medrando en igualdade"). Precioso!

En relación á temática deste ano, o cine, cada nivel realizou un estudo de mulleres que destacaron ou destacan neste campo. Mulleres actrices, directoras, produtoras, guionistas...que loitan e/ou loitaron pola visibilidade do papel da muller na sociedade.

A información e imaxe da muller escollida por cada clase, colocouse nunha cinta de celuloide de cor violeta (a cor da igualdade). As portas das aulas luciron así de bonitas!

É tempo de Entroido!

O alumnado de 6º B realizou o mural da entrada baixo o lema "O entroido galego, un ... Entroido de cine! Quedoulles así de espectacular!

Este venres, 21 de febreiro tivemos o festival de Entroido. Foi unha festa moi divertida! Como sabedes, este ano a cousa vai de cine, así que gozamos vendo un auténtico Entroido de cine!

Presentamos diferentes comparsas, todas elas relacionadas con películas de cine. Quedaron así de lucidas, orixinais e espectaculares! Grazas ás familias por axudarnos a lucir así de ben e ás mestras e mestres que fixestes posible que nos converteramos en auténticos e auténticas actores e actrices de cine.

O alumnado de Educación Infantil representou a película dos Trolls. Estiveron guapísimos e guapísimas, e que ben se moveron!

Os rapaces e rapazas de 1º fixéronnos revivir a maxia de Toy Story. Que marabilla!

Os nenos e nenas de 2º convertéronse nos verdadeiros e verdadeiras Minions. Foi espectacular!

Co alumnado de 3º gozamos lembrando a Charles Chaplin! Foi un éxito!

Cos nenos e nenas de 4º revivimos o clásico de Mary Poppins. Foi xenial!

Os rapaces e rapazas de 5º convertéronse nos auténticos e auténticas piratas da película Piratas del Caribe. Foi emocionante!

E para finalizar, os compañeiros e compañeiras de 6º, interpretaron The greatest show. Nesta película, o director pretende montar un gran espectáculo acollendo a diferentes personaxes do mundo do circo que dalgunha maneira foron rechazados ou marxinados pola sociedade e aos que el lle dá una segunda oportunidade. Noraboa!

E ata aquí chegou o noso desfile, no que como vistes, converteuse nun auténtico Entroido de cine! Esperamos que vos gustara e desfrutarades tanto coma nós!

Feliz Entroido!

Un ano máis conmemoramos todos xuntos e xuntas o Día Escolar da Non Violencia e a Paz.

Neste día, 30 de xaneiro, celébrase o aniversario da morte de Mahatma Gandhi, líder pacifista que defendeu e promoveu a non violencia e a paz.

Foron moitas as mulleres e os homes que loitaron pola Paz universal. E neste día, os colexios convertémos en instrumentos de paz e entendemento entre persoas de distinta formación, raza, cultura e relixión.

Nós aportarmos o noso gran de area. Durante toda a semana estivemos traballando e concienciándonos sobre o tema e fixemos en común o mural que leva por título: "Todas as mans son necesarias" porque só conseguiremos a Paz se traballamos todos unidos e unidas. O alumnado de Educación Infantil estampou as súas mans na silueta dunha gran pomba, símbolo da Paz, e o alumnado de Educación Primaria encheu o mural con mensaxes cheas de ilusión, bos propósitos e esperanza.

Ademais, enchemos os corredores e aulas do noso colexio cuns móbiles de pombas que quedaron así de bonitos:

Hoxe, 30 de xaneiro, fixemos un acto conmemorativo no que lemos o noso Manifesto pola Paz 2020. Centrámonos no tema da igualdade e a sustentabilidade da Terra, dous temas que nos preocupan e cos cales estamos moi concienciados e concienciadas.

Pero, ademais, vimos unha curtametraxe titulada "El señor Guerra y la señora Paz", e despedimos o acto cantando todos xuntos e xuntas a canción de Mamá Cabra " O mundo é grande". Pasámolo xenial!

O venres, 21 de decembro por fin chegou o ansiado Festival de Nadal! Foi unha xornada moi completa! Porque recibimos a visita de Papa Noel e o Apalpador polas nosas aulas! Tivemos a oportunidade de falar con eles e trouxéronnos uns zumes moi saborosos! Pero ademais, ao finalizar a xornada, tamén nos visitaron os Reis Margos, cargados con moitos caramelos! Foi moi emocionante!

O festival tivo lugar no salón de actos e estivo cheo de moitas actuacións moi variadas, divertidas e emocionantes! Aquí tedes un resumo das mesmas:

Orde das actuacións	Título
3 anos A	Muñeco de nieve
3 anos B	Corre, salta, juega, es navidad!
4 anos A	I`m the Happiest Christmas Tree
4 anos B	Arbolito de Navidad
5 anos A	Frozen
5 anos B	Navidad Rock
1º	Danza de las flautas, Tchaikovsky
2º	Remix: A pantasma Cineasta!
3º	Viennese Musical Clock de Kodaly
4º	Poemas e chistes de Nadal
5º	O valor da amizade
6º A	Marcha Radetzky
6º B	Percutimos de cine

Como podedes comprobar, este foi un festival de cine! BO NADAL!