O pasado luns, 16 de xaneiro o alumnado de 1º e 2º de Educación Primaria asistiu ao Teatro do Colexio La Salle (Santiago de Compostela) para ver a obra de teatro Peter Pan, representada pola compañía TRANSEDUCA.

Ao día seguinte, o martes, 17 de xaneiro o alumnado de 3º, 4º, 5º e 6º de Educación Primaria achegouse ao mesmo teatro para ver a representación da obra titulada The Treausure Island. Esta era a primeira vez que vían unha representación teatral nunha lingua estranxeira, en inglés.

Foron unhas xornadas moi divertidas!

O Día Mundial da Infancia, que se celebra todos os anos o 20 de novembro, é un día adicado a todos os nenos e nenas do mundo.

O Día do Neno e da Nena celebra os avances conseguidos, pero sobre todo é un día para chamar a atención sobre a situación dos nenos e nenas máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

Un ano máis, o Departamento de Cultura do Concello de Arzúa convida a todos os escolares da vila a desfrutar duns espectáculos no Multiusos para conmemorar o Día da Infancia.

O luns, 14 de novembro, o alumnado de Educación Infantil desfrutou da actuación “Ovirai. As andanzas de Paio”.

O martes, 15 de novembro, o alumnando de 1º, 2º e 3º de EP asistiu ao espectáculo “Black en familia”.

E o mércores, 16 de novembro, o alumnado de 4º, 5º e 6º gozou do espectáculo “Popsia (charla-concerto) con Fran Amil.

O pasado venres, 16 de setembro, tivemos a sorte de recibir no noso colexio a un antigo alumno do centro, Damián García Castro, doutorado en Física.

O arzuán participou nun proxecto de investigación na Antártida, concretamente na base científica española, alí situada.

Contounos de primeira man en que consistiu o proxecto de investigación que o levou á Antártida, cunha presentación moi bonita da que aprendemos moitísimas cousas descoñecidas deste continente.

Ademais de coñecer en que consistía o seu traballo, situamos, en primeiro lugar, a Antártida no mapa.  Logo, coa axuda das imaxes que nos amosou, poidemos coñecer moitas cousas deste continente: cal é a súa temperatura, como se vive, a vestimenta que hai que utilizar, que podemos ver, os animais que alí habitan…

Foi moi emocionante que compartira con nós as imaxes e vídeos que el mesmo sacou alí na súa viaxe, escoitar as súas vivencias e anécdotas e descubrir tantos datos descoñecidos da Antártida para nós.

Agradecemos a túa visita, Damián!

 Alumnado de 1º e 2º de Educación Primaria

 Alumnado de 3º, 4º, 5º e 6º de Educación Primaria

Este martes, 22 de xuño, rematou o curso 2021-2022.

Foi unha xornada chea de emocións pero con moita diversión!

Tivemos a sorte de ter uns hinchables e xogos no noso patio do que poideron desfrutar todos os nenos e nenas do colexio.

Grazas á ANPA XERMOLOS por facelo posible!

FELIZ VERÁN!

Hoxe foi unha xornada moi emotiva no noso colexio porque despedimos a unha promoción de alumnas e alumnos que concluíron os seus estudos neste centro. 

A este acto estiveron convidadas as familias do alumnado de 6º E.Primaria. Despois de dedicarlle a súa titora Mar unhas palabras, fíxoselle entrega da orla de grupo e dun pequeno agasallo. Aroha e Juanandrés, en nome de toda a clase, dirixíronse a toda a comunidade educativa para darlle as grazas por estes nove anos que pasaron no CEIP de Arzúa.

Esta reportaxe é un breve resumo do que vivimos nesta xornada.

O acto rematou cun concerto musical a cargo de Pablo Díaz e o guitarrista que o acompañou. 

A orla do grupo, como todos os anos, fíxoa a profe Chus. Moitas grazas por estar sempre aí!

Moita sorte a todas e a todos na nova etapa que ides emprender! 

Este mércores, 15 de xuño, levouse a cabo un “Obradoiro de Identificación de fauna útil” organizado pola ANPA O FORMENTO para todo o alumnado do colexio.

Este taller realizouse en tres quendas (unha para Educación Infantil e outras dúas para Primaria) onde a cada grupo de rapaces e rapazas se lles asignou un nome: tivemos os grupos das xoaniñas, os dos morcegos, os das abellas e os dos paporroibos.

Co alumnado de Educación Infantil realizáronse as seguintes actividades:

* En primeiro lugar, realizouse unha breve introdución explicando a problemática actual de perda de ecosistemas e hábitats de numerosos seres vivos por causa do dominio que ten a nosa especie no planeta que, xunto co cambio climáticos, son dúas das pedras angulares coa que terán que lidiar nun futuro non moi lonxano.

* Logo, realizaron un mural interactivo colocando cada foto de cada animaliño no  seu hábitat correspondete, coa finalidade de recoñecer e representar a través de imaxes a fauna e flora. Este mural estaba composto de diferentes zonas:

Zona baixo terra: miñocas, toupas, raíces…

Zona herba: xoaniña, biscante, margaridas…

Zona poza: sapo, píntega…

Zona árbore: araña, formiga…

Zona cortizo: abellas…

* Puideron coller un biscante, buscar unha miñoca, viron un cortizo e falaron del…

* A seguinte actividade consistiu na construción e decoración de casas niño e caixas de morcego. Deste xeito, os nenos e nenas aprenderon a través de varias manualidades a construir novos espazos naturais para diferentes animais con elementos totalmente biodegradables.

Para rematar, colgaron as casiñas para os paxaros e morcegos nas árbores do patio do colexio.

* Hotel de insectos: entre todos os cursos crearon un hotel de insectos beneficiosos. Aquí vemos aos nenos e nenas de Infantil.

O alumnado de Educación Primaria realizou as seguintes actividades:

* Introdución, da que falamos anteriormente.

* Realización dun xogo cuestionario: consistiu nun xogo de preguntas para que os rapaces e rapazas poideran xogar, debater e competir estre aulas. Había tres respostas posibles, e logo de que se formulara a pregunta, cada aula debía debater e intentar chegar á resposta correcta, para despois levantar a tarxeta que consideraba que daba lugar a esa resposta verdadeira. Acertaron a maioría delas!

* Realización e decoración de caixas niño e caixas de morcegos.

* Creación dun hotel de insectos. Os rapaces e rapazas de Primaria remataron a construcción deste hotel.

O venres, levarase a cabo a “solta de bichos”: todo o alumnado interactuará de forma directa con diferentes especies de insectos útiles a través de xogos de contacto.

Cada clase inaugurará o seu hotel boidegradable para deixar en liberdade a toda esta fauna.

Desfrutamos e aprendemos moito!

As Nacións Unidas designaron o 5 de xuño como Día Mundial do Medioambiente coa finalidade de sensibilizar á poboación mundial acerca da importancia de coidar os nosos ecosistemas e fomentar o respecto ao medioambiente.

Deste xeito, preténdese motivar ás persoas para que se convirtan en axentes activos do desenvolvemento sustentable e equitativo e fomentar a cooperación para que o medioambiente sexa sostible.

Iso mesmo é o que fixemos no colexio. Traballamos a gran importancia e o por que desta conmemoración e elaboramos neste mural colectivo baixo o lema “Como podemos coidalo?" onde cada aula decorou e rotulou nun contedor diferentes respostas a estas preguntas:

Non malgastando a auga.

Limpando os espazos naturais.

Mantendo limpas as augas dos ríos e praias.

Reciclando.

Evitando o uso de plásticos.

Usando o transporte público.

Conservando o noso contorno.

Reducindo o uso de pesticidas.

Usando enerxías renovables.

Reutilizando recursos.

Reducindo o consumo.

Facendo uso dos puntos limpos.

Non malgastando a enerxía.

                Alumnado de 4 anos

Os rapaces e rapazas de 3º e 5º de Educación Primaria tiveron a oportunidade de realizar unha visita a Ribeira dentro do proxecto “Ti si que es un bo peixe” que se inclúe no Programa ALIMÉNTAT-T BEN!

Realizamos diversas actividades das que aprendemos moitísimo:

En primeiro lugar, visitamos a nave de redeiros onde puidemos ver as distintas artes que montan, para que se usan e os diferentes útiles de traballo.

A continuación, visitamos a máquina de xeo, un dos edificios máis importantes do porto, xa que gracias a el os compradores e pescadores poden manter o produto pesqueiro en óptimas condicións.

Logo, visitamos o porto, cun percorrido para coñecer as principais actividades pesqueiras, os distintos tipos de embarcacións, as especies que capturan, os aparellos que empregan, etc.

Tamén coñecemos  as instalación da lonxa, as salas de exposición e venda de produtos de mar, a información que proporciona o etiquetado dos produtos pesqueiros, a preparación do peixe nas naves de empresas distribuidoras, e asistimos a unha poxa ficticia.

Por último, coa finalidade de coñecer os alimentos do mar desde o punto de vista culinario, entregóuselle a cada participante unha bolsiña coas preparacións realizadas a base de peixe, a sobremesa e a bebida. Con isto, fixeron unha pequena explicación das propiedades nutricionais do peixe adaptadas a cada idade.

O día rematou da mellor maneira. Xantamos á beira da praia, desfrutamos no parque e xogamos na area.

Foi unha xornada estupenda!

Desde do 25 de abril e ata mediados de maio, no CEIP de Arzúa podemos desfrutar da exposición itinerante SOMOSQUEN: CIENTÍFICAS PRETO DE TI. Nos corredores do colexio e na biblioteca poden observarse os cinco paneis que conforman a exposición en favor da igualdade de xénero no eido científico e tecnolóxico.

Trátase dunha mostra que recolle o sentir de 9 investigadoras do campo da tecnoloxía en distintas fases da súa carreira, que reflexionan sobre o seu papel como mulleres e científicas do CITIUS (Centro Singular de Investigación en Tecnoloxías Intelixentes da USC). 

Alumnado de Infantil 4 anos

Alumnado de Infantil 5 anos-A

Alumnado de 2ºB de EP

Nenos e nenas de 1ºA e 1º B de EP 

Alumnado de 3º EP

Alumnado de 6º EP 

O 4 e 5 de maio, o alumnado de 4º, 5º e 6º de EP do noso colexio participou nunha actividade organizada polo Concello de Arzúa que leva por nome "Arqueocampo. A verdade está no fondo". Trátase de que os nenos e nenas se tranformen en arqueólogos/as por unhas horas a través dunha simulación do traballo que desenvolve o Instituto de Ciencias do Patrimonio.

Este taller de arqueoloxía permite vivenciar todas as fases do traballo arqueolóxico: a escavación, o tratamento de materiais arqueolóxicos, o tratamento das mostras, a representación e o arquivo a través de actividades prácticas e dinámicas e seguindo unha metodoloxía propia dos arqueólogos/as. 

Alumnado de 4º EP

Alumnado de 5º EP

Alumnado de 6º EP

 Grazas ao Concello de Arzúa por contar con nós!!