Nas últimas semanas a noticia das escasas visitas que están a recibir os nosos maiores en residencias da terceira idade, fíxonos reflexionar e valorar que podíamos facer dende o cole para alegralos nestes días. O alumnado de sexto de primaria, os maiores do cole, crearon unha pequena peli de nadal para intentar sacarlles un sorriso, tamén elaboraron unha manualidade para cada usuario/a, un lápis de nadal cun desexo no seu envoltorio. E por outra parte todo o centro realizou unha postal cunha mensaxe de agarimo e ledicial para os maiores.
Nun primeiro momento pensamos en enviar á residencia de maiores de Campo Longo, que foi a que realizou o chamamento nos telexornais, pero estes días o seu director agradeceunos a iniciativa, pero tras recibir un aluvión de postais e felicitacións de nadal convídanos a compartir con outras residencias a nosa iniciativa. Polo que despois de investigar a que residencias lles podería interesar a nosa iniciativa, as postais, os lápices e o video foron enviados a tres residencias diferentes.
Hoxe 19 de xuño remata este curso tan diferente a todos. Os alumnos de sexto rematan a súa estancia no centro e prepáranse para empezar en setembro unha nova etapa educativa (os seus estudos de ESO) no instituto. A maioría coincidirán no Santa Irene.
Deixámosvos aquí o enlace a un video no que os nen@s e tamén os mestr@s que lles deron clase durante toda a súa etapa de primaria desexan todo o mellor para esta nova etapa. Video