Despedimos o curso |
|
EDUCACIÓN FÍSICA 5º e 6º (29 de maio de 2020) |
EDUCACIÓN FÍSICA - EDUCACIÓN VIARIA
RESPOSTAS DO ALUMNADO
(Pincha na imaxe para ver o vídeo)
|
EDUCACIÓN FÍSICA INFANTIL, 1º e 2º |
EDUCACIÓN FÍSICA - EDUCACIÓN VIARIA II
INFANTIL, 1º e 2º (Semana do 1 ao 5 de maio)
|
UN SAMAÍN EN MOVEMENTO |
O samaín que festexamos este curso 21-22 foi moi movido e terrorífico!
Os rapaces e rapazas gozaron das tarxetas con esqueletos que se ensinaron na clase de educación física, tendo que imitar a acción ou a posición corporal que se amosaba nas mesmas baixo o ritmo da canción de "tumbas por aquí, tumbas por alá". Que ben traballaron a súa expresión corporal ...!
Tamén fixemos un escape room "A invasión das caveiras" na que debían de superar distintos retos cognitivos e físicos: de lóxica, intuición e ritmo musical respectivamente.
|
XOGOS POPULARES MOVÉNDONOS |
O martes 9 de novembro realizamos distintas propostas de xogos populares aos nen@s de infantil e primaria para conmemorar o magosto. Que ben o pasamos nos xogos de equilibrio, cos zancos e pratos chinos!
Tamén disfrutamos xogando á galiña cega, ao pañuelo, birlos e á petanca.
|
Conmemoración día da Educación Física |
O 28 de abril é un día especial para a Educación física e non podíamos deixar de celebralo!
No noso colexio conmemorámolo realizando varios retos físico-deportivos co obxectivo de achegar aos alumnos/as a ampla gama de actividades que abarca a Educación física, moito máis que o fútbol, correr...
Gracias nenxs por ser tan participativxs, por gozar e demostrar que o tempo pasa volando facendo actividade física!
|
MEMORY DE MULLERES DEPORTISTAS |
Para conmemorar o día internacional da muller, o 8 de marzo, dende a área de Educación Física levamos a cabo o xogo "memory de mulleres deportistas"
Por unha banda, reflexionamos sobre a figura das mulleres deportistas na actualidade, coñecimos deportes minoritarios, investigamos nomes dalgunhas das deportistas españolas máis destacadas nas distintas disciplinas deportivas... etc
E por outra banda, traballamos aptitudes físicas como a velocidade, e cognitivas como a atención e memorización. Físicas: porque o xogo consistía en facer parellas coas cartas o máis rápidamente posible e cognitivas xa que había que prestar moita atención ás cartas que se ían descubrindo para intentar aparellala coa súa semellante.
Canto aprendimos xogando e divertíndonos!
|
CAMIÑO DE SER IOGUIS! |
Seguindo coa liña metodolóxica do programa MUSE iniciado este curso 21-22 (etapa de educación primaria) practicamos posturas básicas de ioga e introducimos a respiración, centrándonos na expansión do peito durante a inspiración sendo unha técnica moi efectiva para alongar a columna vertebral e mellorar a postura corporal.
Deste xeito damos continuidade aos contidos adquiridos e traballados pola artista encargada do MUSE, Chus Raíndo, e sobre todo coa finalidade de introducilos como hábitos de vida saudables aplicables a vida diaria dos nenos e nenas.
|
Construimos unha torre de vasos |
Comezamos o segundo trimestre con moita enerxía e levamos a cabo un reto de concentración e axilidade: construir unha torre de 3 andares con vasos, empregando gomas elásticas.
Qué importante é saber traballar, colaborar e tomar decisións en equipo!
|
CANTO NOS MOVEMOS EN PSICOMOTRICIDADE! |
As actividades lúdico-deportivas propostas nas sesións diarias de psicomotricidade están orientadas ao traballo holístico dos discentes e non só ao aspecto orgánico; senón tamén temos en conta o ámbito cognitivo, emocional e social.
Traballamos as habilidades motrices básicas como: andar, saltar, desplazarse, xiros, lanzamentos, recepcións e reptacións ademais da coordinación, equilibrios, reflexos, lateralidade, control respiratorio, ritmo e control dos movementos e condutas perceptivo- motrices con implementos e sin eles.
Que ben traballamos e canto aprendemos!
|
MELLORAMOS A NOSA FLEXIBILIDADE |
Para seguir traballando os contidos adquiridos nas sesións do MUSE adicamos unha sesión de Educación Física a dar continuidade ao aprendido nas mesmas.
Para acadar este obxectivo usamos 2 dados:
- un para as posturas básicas de ioga tales como: cobra, ponte, xoaniña, can, triángulo e a do golfiño.
- e outro para adentrarnos no traballo por parellas do acrosport. Con un total de 6 posicións sinxelas e nas que se traballa a flexibilidade, equilibrio, coordinación, diálogo e a comunicación.
Estas actividades foron moi motivadoras e dinámicas, participando e amosando un gran interés pola realización correcta das posturas.
Seguide así campións!
|
Seguimos aprendendo no MUSE |
Este curso 2022-2023 seguimos no programa MUSE coa artista Xus, dando continuidade a todo o aprendido o curso pasado e profundizando nos novos coñecementos: respiracións conscientes, meditación, progresión na capacidade pulmonar, as 12 asanas do saúdo ao sol... etc.
Velaquí algunhas imaxes que amosan os progresos e as actividades propostas.
|
EDUCACIÓN FÍSICA NA CALLE |
Entre todos seguimos facendo grande o día da "EF na calle ou nos centros escolares" conmemorado anualmente o 27 de abril.
Durante o confinamento do ano 2020 demostrouse que o movemento e a actividade motriz son moi importantes para manter o benestar físico, psíquico e social das persoas e, por elo, dende a área que me ocupa seguiremos reivindicando o lugar que lle corresponde a esta materia.
Puidemos gozar de actividades tan lúdicas e divertidas como:
- medir as nosas forzas co propio corpo e usando unha corda.
- o 3 en raia con carreira de velocidade.
- flexibilidade para pasar o balon e aros de distintos diamétros dun xeito cooperativo e con moita coordinación grupal.
- carreiras de sacos con cintas adheridas que debían de "roubar" aos compañeir@s.
E sobre todo, estivemos movéndonos moito para sentirnos activos e fortes.
|
DÍA MUNDIAL DA ACTIVIDADE FÍSICA |
|
Festival de Nadal bailarín |
Para festexar o final do primeiro trimestre levamos a cabo varias coreografías de temática navideña que os discentes amosaron as súas familias o día do festival de Nadal, o xoves 22 de decembro.
Por unha banda, os educandos de 1º e 2º de EP movéronse ao ritmo de Mariah Carey e a súa canción "All I want for Christmas is you" empregando un paraugas durante o baile. Por outra banda, os discentes de 6º decantáronse por coreografiar un anaquiño da película musical de Grease.
Moitas gracias polo esforzo e a implicación campións!
|
Xogamos ao balonmán! |
Hoxe, mércores 28 de setembro, todos os alumnos de educación primaria tiveron a gran sorte de gozar dunha sesión de xogos físico-lúdicos e introductorios ao balonmán con 2 adestradores da "federación galega de balonmán".
Foi unha xornada na que os discentes disfrutaron moito! estiveron activos, respetaron as normas dos xogos, colaboraron a nivel individual e grupal, coñeceron normas deste deporte, traballaron aspectos técnicos, pero sobre todo pasarono moi ben e motiváronse a coñecer este deporte.
Moitas gracias por ser tan participativos/as campións!
|
Organizamos os recreos do comedor |
Seguimos organizando os tempos de lecer. Dado que as normas establecidas nos recreos dinámicos dentro do PVAD (Proxecto de Vida Activa e Deportiva) ampliamos esta estratexia aos recreos do comedor, diversificando deste xeito o tempo de ocio e ofrecendo distintos xogos aos que se realizan pola mañá.
Hai 4 opcións de xogos: petanca, ping-pong, brilé e xogo libre (no que segue estando prohibido o uso do balón).
Seguide disfrutando do deporte, da actividade física e a creatividade que nos ofrece campións!
|
Comeza o mundial de fútbol en Codeseda! |
Hoxe empezamos un mundial de fútbol moi particular!
Prolongarase durante toda a semana mediante a realización de distintas propostas relacionadas co deporte, onde se incrementarán os retos e a dificultade dos mesmos.
Para dar inicio a este evento lúdico-deportivo comezouse pola inaguración, festexandoa por todo o alto: acendido de antorchas, desfile de deportistas, actividades que precisaban de destrezas e habilidades técnicas, lanzamentos de precisión, equilibrios, carreiras de velocidade, coordinación dinámica xeral, coordinación óculo-podal e manual... etc.
Moitas gracias pola vosa participación e entusiasmo campións!
|
Un magosto moi movido! |
O 8 de novembro levouse a cabo o magosto no centro escolar e aproveitando esta circunstancia, fixéronse dende a área de Educación Física e dentro do Proxecto Deportivo de Centro, unha serie de xogos proactivos relacionados coa temática do día.
Xogos moi diversos e divertidos onde a principal protagonista do día foi a castaña, pero tamén os múltiples usos físico deportivos que podemos facer con ela:
- xogamos de forma conxunta a pasala de un equipo a outro sen que se caera do paracaídas.
- fixemos unha carreira de relevos para sementala e apañala.
- apañámolas cos ollos pechados intentando coller o máximo número delas.
- tivemos que adiviñar en qué mans do compañeiro se escondía.
Foron propostas de xogos moi diferentes pero nas que se requería axilidade, velocidade, traballo en equipo e estratexia.
Moitos parabéns!
|
Benvidos ao curso 2022-2023! |
O curso escolar 2022-2023 ven cargado de moitas novidades que farán que sexa un ano moi especial e motivador!
A actividade física e deportiva vai seguir sendo un piar fundamental na nosa práctica docente diaria, con hábitos de vida saudables e proactivos.
A primeira novidade vai ser a organización dos recreos no patio. Os discentes van a ser os encargados, con quendas, de velar do coidado do material das actividades propostas para cada día da semana. As actividades son diferentes, moi diversificadas, co obxectivo de que amplíen as súas actividades lúdicas máis aló dos deportes "típicos", probando xogos novos e descubrindo as distintas posibilidades dos mesmos.
Esta organización tamén fomenta a responsabilidade e o bo uso do material, facéndose eles mesmos cargo de que volva ao seu sitio despois do tempo de lecer e asumindo as consecuencias "sancións" de non ser o caso.
Confío moito en todos vós! Comezamos queridiños/as!
|
Volvemos ao Cross |
Un ano mais participamos no Cross organizado polo Plan Proxecta "Xogade". Este festexo deportivo reuníu á meirande parte dos colexios e institutos da comarca convertíndose nun gran evento deportivo escolar.
Como docente gustaríame agradecer a participación e o esforzo de todos os alumnos e alumnas do Ceip Cabada Vázquez que quixeron vivir esta experiencia; é un orgullo e satisfacción ver como disfrutades e como compartides estas vivencias dun xeito tan pasional. Mención especial aos 4 clasificados: Hugo, Melania, Mohamed e Fátima sodes o orgullo de todo o colexio e a comunidade educativa... moitos parabéns queridiños/as!
Gracias a todos.
|
Voltamos a xogar ao bádminton! |
Este xoves, 20 de abril, volveuse a celebrar outro encontro entre os centros da comarca para xogar un torneo de bádminton dentro do "Xogade". Participaron os discentes de 4º EP e foi unha experiencia moi enriquecedora, grata e divertida!
Gozaron do intercambio con outros rapaces da súas idades e compartimos momentos de ledicia e xogo lúdico onde o principal obxectivo era pasar un rato agradable e deportivo, movéndonos e adquirindo hábitos de vida proactivos e saudables.
|
O Cros de A Estrada |
O mércores 11 de outubro realizamos a primeira saída do curso e foi para acudir ao tan esperado Cros. Como todos os anos fíxose na zona deportiva de A Estrada e acudiu alumnado de 2º a 6º de Educación Primaria da maioría de coles da zona.
Fixemos unha gran carreira e con coraxe, valentía e moita ilusión chegamos á meta! Noraboa rapaces!
|
O Ping Pong chegou a Codeseda |
O venres 20 de outubro tivemos outra xornada deportiva no centro. Esta vez para realizar unha sesión de tenis de mesa co Club Tenis de Mesa Top Spin, de A Estrada. O Club facilitounos, semanas atrás, dúas mesas de ping pong, polo que xa puidemos realizar partidos, iniciándonos neste deporte antes desta visita.
Nesta xornada, por cursos, realizamos un adestramento moi completo e individualizado, xa que grazas a Rosa e Ramón, técnicos do Club, puidemos aprender a cómo agarrar a pala, cómo golpear de dereita e revés ... Tamén contamos cun robot lanzapelotas polo que aproveitamos a sesión ao máximo. Moitas grazas pola vosa visita, pasámolo xenial!
|
Bailamos con vasoiras polo Samaín! |
O venres 28 de outubro, para conmemorar este día tan terrorífico, os discentes de 3º, 4º, 5º e 6º moveron o seu esqueleto realizando unha coreografía con vasoiras, deste xeito, non só debían de procurar a memorización dos pasos a seguir, senón tamén coordinalos coa súa nova compañeira "a vasoira".
Movémonos, activamos o noso corpo, coordinamos movementos do tren inferior e superior e añadimos o implemento da "vasoira", memorizamos os pasos a seguir, teatralizamos, pasalo moi mal e con moito medo... canto fixemos! aprendimos xogando pasando un anaco moi divertido.
Ata a seguinte chicos e chicas!
No seguinte link podedes ver o vídeo da conmemoración:
http://www.edu.xunta.gal/centros/ceipcabadavazquez/node/1234
|