Esta semana imos a realizar varias tarefas. Comezamos con un baile para traballar ritmo e lateralidade. Seguimos con un xogo de lanzamento. Logo temos 4 pasos de baile para crear entre todo co colexio unha “muiñeira con ritmo de hip hop” para o día das letras galegas e dentro do Proxecta no que estamos inmersos (Proxecto Deportivo de Centro: “Vida activa”). (Pode participar tamén a familia e entendemos que se se gravan nos están a dar permiso para subir o vídeo a web do colexio). Por último, estiramos un pouquiño.
XOGO: “Lanzo, lanzo e a bañeira alcanzo”: https://youtu.be/n3DiK_Otm5A(Se podes envíame unha foto ou un pequeniño vídeo para ver que ven lanzas coa man dereita e coa man esquerda)
O atletismo é un deporte que inclúe moitas modalidades. É por iso que permite ao praticantes experimentar distantas probas para avaliar o seu rendemento. Nós estivemos, un ano máis, nas pistas de Cuntis para participar nas probas de 4x60m (relevos), 60 m lisos, lanzamento de peso e vórtex, salto de lonxitude e 500 m. Acudimos con dous equipos que competiron contra outros colexios da contorna.
O noso proxecto de vida activa (PDC- XOGADE) inclúe coñecer actividades que se poidan desenvolver na localidade, por iso o 19 de decembro tivemos a visita de Ramón e de Julio.
O 14 de febreiro o alumnado de 5º acompañado por nenos e nenas de 4º e 6º participaron nunha convivencia de atletismo en pista, con alumnado doutros centros da contorna. Esta actividade realízase a través do Plan PROXECTA_XOGADE no que estamos inmersos.
No primeiro día de clase, para comezar con enerxía, realizamos algúns xogos incluídos xogos cooperativos con paracaídas. Tamén tivemos a visita dun personaxe moi especial, "Paco Nogueiras" con quen nos divertimos bailando e cantando.
EXISTEN MOITOS XOGOS E DEPORTES QUE SE PODEN E DEBEN PRACTICAR NA NATUREZA, POR ISO PARA ESTA SEMANA, QUEN NON O FIXERA XA, DEBE ENVIARME UNHA FOTOGRAFÍA OU IMAXE CUN LEMA A FAVOR DO COIDADO DA NATUREZA.
O lema debe empezar por “É HORA DE…”, por exemplo: “É HORA DE RECICLAR” acompañando unha fotografía tirando o lixo no seu contedor correspondente.
2º Temos que facer o ritmo correspondente á parte A da Muiñeira de Pontesampaio, que aprendemos a semana pasada. Para isto precisamos unharaqueta e unha pelota. Mirade o vídeo para entender mellor a actividade: https://youtu.be/tmYHBFJtIes
Milladoiro é un grupo musical galego de folk, creado no ano 1979. Está considerado como o máis internacional dos grupos galegos, e un dos máis importantes investigadores de novas sonoridades para o folk galego.
Para máis información do grupo e ver algún vídeo visita a páxina:
O 28 de maio rematamos as actividades do XOGADE participando no campionato de atletismo en pista provincial celebrado no centro Galego de Tecnificación Deportiva, en Pontevedra.
O 30 de novembro celebramos o magosto e o Samaín a nivel de centro. Na planificación das actividades tivemos en conta que participamos no PLAN PROXECTA con XOGADE e Móvete +. Comezamos a xornada escolar con diferentes talleres entre eles un de baile e despois do recreo realizamos xogos.
Foi unha xornada diferente coa que aprendemos con actividades lúdicas e centradas nos intereses do alumnado.
Dentro do PDC decidimos iniciar ao alumnado de infantil na Educación Vial. Preparamos un divertido xogo no que simulaban distintos papeis: vehículos, peóns, policías, etc. Foi un primaira introdución que resultou moi satisfactoria.
A Xunta de Galicia ,en colaboración co programa Galicia Saudable e a consellería Deporte Galego, elaborou varios carteis, dípticos e paneis en xeral,.. informando dalgúns consellos para levar unha vida máis san.
Expoñemos aqueles dedicados aos cativos/as entre 5 e 12 anos.
O 5 de decembro o alumnado de 2º a 6º de Educación Primaria participou na competición zonal de campo a través, celebrada na praia fluvial de Liñares. Esta actividade forma parte do PDC (Proxecto Deportivo do noso Centro) e está dentro do Plan Proxecta - XOGADE.
A maioría do alumnado participou correndo pero algunhas alumnas e alumnos fixeron de reportaxes (entrevistas, fotografías, vídeos), xa que arredor do deporte existen diferentes figuras: deportistas, entrenadoras, fisioterapeutas, reporteiras deportivas,...
O 20 de decembro todo o colexio realizou varios obradoiros. Un deles está relacionado co noso proxecto de "VIDA ACTIVA". Trátase dun obradoiro de baile.
Como o 1 de maio é festivo tedes 2 semanas para aprender varios pasos para crear a “muiñeira hip hop” que estabamos a inventar na clase. Facédeo o mellor que poidades e enviádeme de volta os vídeos cos pasos que vos pido para facer unha montaxe coas vosas aportacións. Tedes de prazo ata o 8 de maio. Abro tamén unha tarefa para que poidades enviarme a través do EDIXGAL (o eva) os vídeos.
Comeza polo primeiro paso e cando che saia ben envíame un vídeo a través do Edixgal (o eva), ou por correo electrónico ou por wathsapp se tes o meu número. Avísame con unha mensaxe polo Edixgal. Logo fai o 2º paso e envíamo, e así sucesivamente.
No CEIP Cabada Vázquezcelebramos o entroido con moita ilusión. Nas últimas semanas creamos disfraces, partindo do lema da nosa biblioteca escolar deste curso: "PRÓXIMA MISIÓN: SEN PLÁSTICOS", buscando materiais que se puideran reciclar e utilizamos a temática do mar.
O alumnado e o profesorado participou de diferentes formas: cantando, bailando, regueifando despois dunha camiñata ata o pobo, para promocionar o noso PROXECTO DEPORTIVO DE CENTRO (PDC: XOGADE e Móvete +)
Ademais contamos coa colaboración das familias que nos acompañaron durante o desfile e nos deleitaron cunhas regueifas.
Foi un día especial que compartimos en familia toda a comunidade educativa.