C.E.I.P. As Bizocas

No BOE do 12 de abril saiu a convocatoria de axudas para alumnado con necesidade específica de apoio educativo. Poderedes solicitar esta beca no caso de que o fillo/a asista o próximo curso 24/25 a algún gabinete privado para reeducación pedagóxica ou da linguaxe e que lles supoña o abono dunha cuota mensual.

As familias que o soliciten deben tramitalo por internet na seguinte dirección

 https://sede.educacion.gob.es/sede/login/inicio.jjsp?idConvocatoria=2109

• Deberán acceder co DNI e contrasinal.
• Se é a primeira vez que solicitan beca deberán rexistrarse, se é posible, co DNI do alumno/a.

O prazo para solicitar as becas vai do 30 de abril ata o 13 de setembro. A documentación presentarase no colexio xunto co informe do gabinete no que van solicitar terapia así como o impreso co número de conta do alumno/a facilitado pola entidade bancaria onde se ingresará o importe da beca. 

Adxúntase o texto da convocatoria. Para calquer dúbida consultar co Departamento de Orientación os mércores e xoves.

O prazo de  presentación de solicitudes será do 1 ao 20 de Marzo

As familias poderán cumprimentar as solicitudes de admisión de xeito manual ou a través da aplicación.

            -A través da aplicación: Entrando en https://www.edu.xunta.gal/admisionalumnado con certificado de identidade e sinatura dixital ou sistema de usuario e clave como a Chave 365, cubrindo a solicitude (Modelo ED550B) e presentandoa na sede electrónica da Xunta.

             -Presencial: Na secretaría do centro poderán presentar o impreso ED550B cuberto a man ou a ordenador. Facilitaráselles na Secretaría do Centro. Tamén poden descargalo, cubrilo e /ou imprimilo. Atópase anexado nesta publicación.

Documentación a presentar:

             -Modelo de solicitude ED550B cuberto. 

             -Documento acreditativo do requisito de idade do/da alumno/a (fotocopia do DNI ou da folla correspondente do libro de familia).

            -Certificado de matrícula do curso actual (agás para 4º de Ed. Infantil).

            -Convenio regulador ou resolución xudicial de separación ou divorcio, se é o caso.

VACANTES PARA O CURSO 2024-25:

  * Alumnado con NEAE: tal como establece a lexislación, do total hai que reservar  3 postos escolares por unidade para a escolarización de alumnado con necesidades específicas de atención educativa nos niveis de 4º de Ed. Infantil e 1º de Primaria.

Dende o día 15 de xaneiro de 2024 e ata o 5 de febreiro iníciase o proceso de admisión de alumnado en centros docentes sustentados con fondos públicos que imparten ensinanzas de 2º ciclo de educación infantil, educación primaria,  educación secundaria obrigatoria e bacharelato, reguladas na Lei orgánica 2/2006, do 3 de maio, de educación, para o curso 2024/2025.

Neste prazo, os responsables do alumnado de 6º de primaria que vaia continuar a súa escolarización o curso vindeiro no noso centro de secundaria adscrito* (I.E.S. As Bizocas) terá que cumprimentar a solicitude de reserva de praza, ben de xeito manual - solicítase ao tutor-  ou ben facelo de xeito electrónico a través da aplicación informática (https://www.edu.xunta.gal/admisionalumnado/).

Para a tramitación deste procedemento consultaranse automaticamente os datos de documentos de identidade, renda…etc., a non ser que as familias se opoñan a esta consulta. Neste caso indicarase no apartado correspondente do anexo e achegaranse os documentos necesarios.

Coa entrega do ANEXO I, segundo a normativa ao respecto, deberá achegarse:

-         Copia do DNI do solicitante e membros computables da unidade familiar (se denegaran a súa consulta).

-         Documento acreditativo da representación.

- Copia do libro de familia

-         Convenio regulador ou resolución xudicial de separación ou divorcio (se é o caso).

*A circunstancia de que o centro estea adscrito ao IES As Bizocas supón que o alumnado do centro terá prioridade para a admisión.

No caso de que o alumnado vaia continuar os seus estudos nun IES diferente ao adscrito non deberán entregar esta reserva e agardarán a próximas comunicacións.