blogue deadmin

Dende o día 15 de xaneiro de 2024 e ata o 5 de febreiro iníciase o proceso de admisión de alumnado en centros docentes sustentados con fondos públicos que imparten ensinanzas de 2º ciclo de educación infantil, educación primaria,  educación secundaria obrigatoria e bacharelato, reguladas na Lei orgánica 2/2006, do 3 de maio, de educación, para o curso 2024/2025.

Neste prazo, os responsables do alumnado de 6º de primaria que vaia continuar a súa escolarización o curso vindeiro no noso centro de secundaria adscrito* (I.E.S. As Bizocas) terá que cumprimentar a solicitude de reserva de praza, ben de xeito manual - solicítase ao tutor-  ou ben facelo de xeito electrónico a través da aplicación informática (https://www.edu.xunta.gal/admisionalumnado/).

Para a tramitación deste procedemento consultaranse automaticamente os datos de documentos de identidade, renda…etc., a non ser que as familias se opoñan a esta consulta. Neste caso indicarase no apartado correspondente do anexo e achegaranse os documentos necesarios.

Coa entrega do ANEXO I, segundo a normativa ao respecto, deberá achegarse:

-         Copia do DNI do solicitante e membros computables da unidade familiar (se denegaran a súa consulta).

-         Documento acreditativo da representación.

- Copia do libro de familia

-         Convenio regulador ou resolución xudicial de separación ou divorcio (se é o caso).

*A circunstancia de que o centro estea adscrito ao IES As Bizocas supón que o alumnado do centro terá prioridade para a admisión.

No caso de que o alumnado vaia continuar os seus estudos nun IES diferente ao adscrito non deberán entregar esta reserva e agardarán a próximas comunicacións.

O pasado 27 de outubro a Dirección Xeral de Ordenación e Innovación Educativa publicou unha aclaración sobre a xustificación das faltas de asistencia do alumnado por motivo de asistir a consulta médica, enfermidades ou indisposicións: "cando unha alumna ou alumno falta a clase por consulta médica, enfermidade ou indisposición será a nai/pai/titor legal quen xustifique documentalmente a falta, non sendo necesaria a presentación dun xustificante médico. O centro soamente solicitará unha xustificación complementaria na caso de que a inasistencia a clase por este motivo se produza de xeito continuado no tempo e para a cal o centro non dispoña de información suficiente que permita a súa xustificación"

Poden consultar a publicación completa no documento adxunto.

Pola presente convócase aos pais, nais, titores/titoras dos alumnos e alumnas do C.E.I.P As Bizocas á Asemblea Xeral Ordinaria, que se celebrará na aula do comedor do propio centro, o próximo martes día 12 de setembro de 2023 ás 19.00 hs en primeira convocatoria, 19.15 en segunda, coa seguinte orde do día:

1.- Resumo de actuación levadas a cabo no curso 2022-2023, especialmente no comedor escolar.

2.- Balance de contas da asociación no curso 2022-2023.

3.- Actuacións a levar a cabo de cara ó curso 2023-2024.

            a) Comedor escolar

            b) Propostas de actividades extraescolares.

             c) Outras propostas de interese xeral.

4.- Outros asuntos de interese.

5.- Rogos e preguntas.

A Presidenta

María Gómez Meis

658103023 

Nos vindeiros días poñerémonos en contacto coas familias que solicitaron plaza neste centro para o vindeiro curso, para formalizar a matrícula.

O plazo para a formalización da matrícula é dende o 20 ata o 30 de xuño.

Os documnetos que se deben achegar son os seguintes:

- Impreso de formalización de matrícula. Anexo III (entregarásevos no centro).

- Impreso Autorización Imaxe (entregarásevos no centro).

- Impreso Relixión/Valores Sociais e Cívicos (entregarásevos no centro).

- Enquisa Lingua materna (só para 3 anos) (entregarásevos no centro).

- Fotocopia do libro de familia

- Fotocopia DNI dos pai/titores legais.

- Fotocopia tarxeta sanitaria.

- Fotocopia calendario vacinas ou Informe médico.

- Informe de alerxias ou problemas de saúde relevantes (se é o caso).

- Volante de empadroamento (ten que aparecer o alumno/a e as persoas que conviven con el).

- Sentenza de divorcio ou separación na que acredite a custodia do alumno/a (se é o caso).

A documentación presentada na reserva de matrícula non é necesario volver a presentala.

A Concellaría de Servizos Sociais do Concello do Grove informa que a partir do día 1 de xuño e ata o 30 do mesmo mes estará aberto o prazo de presentación das solicitudes de axudas municipais para a adquisición de libros e material escolar do vindeiro curso 2023-2024.

As axudas van dirixidas a Educación Infantil, Ensinanza Primaria e Ensinanza Secundaria Obrigatoria.

As axudas concederanse tendo en conta o nivel de ingresos familiares, e será requisito imprescindible cursar estudos en centros sostidos con fondos públicos do concello do Grove.

As solicitudes presentaranse acompañadas da seguinte documentación:

• Fotocopia do DNI do solicitante.
• Fotocopia do libro de familia (de todas as follas).
• Volante de empadroamento familiar (será solicitado polo propio departamento de Servizos sociais)
• Xustificante de ingresos de todos os membros da unidade de convivencia (preferentementedeclaración da renda do exercicio de 2022).
• Xustificante de matrícula.
• Contrato/recibo do aluguer do piso ou do pagamento da hipoteca.

A documentación deberá entregarse (despois de solicitar cita)

no SERVIZO de REXISTRO MUNICIPAL

(EdificioAdministrativodo Concello. Rúa Alcalde Xacobe Barral Otero nº 3, planta baixa).

*No anexo adxunto pódese consultar a información e descargar a solicitude.