Achégase unha das nosas festas máis senlleiras:

Para irnos preparando o Equipo de actividades extraescolares, organizador do evento, infórmanos que o noso MECO que veredes no Centro proximamente, danos as seguintes ORDES:

QUE COMECE A FESTA!!!!

O proxecto “Nutriescolas” forma parte da estratexia educativa do Plan de acción para a prevención do sobrepeso e a obesidade (Plan Obesidade Zero en Galicia) da Dirección Xeral de Saúde Pública, e canalízase na escola a través do Plan Proxecta+ de innovación educativa.

Responde á necesidade de que o alumnado adquira e consolide hábitos alimentarios adecuados e desenvolva as competencias necesarias para facer eleccións saudables no futuro.

O Centro está participando en dúas modalidades e nos recreos pódese ver ó alumnado consumindo estos alimentos:

Froita na escola: Fomento do consumo de froitas frescas de tempada: mandarina, uvas, mazas e plátanos, peras, kiwi, arandos, frambuesas, laranxas. 

 Lácteos na escola:Fomento do consumo de leite.

Enmarcada no Plan director para a convivencia e mellora da seguridade nos Centros educativos e o seu entorno e impartida polo sarxento da Garda Civil DANIEL CASTELO, o alumnado de 5º e 6º de primaria recibiu hoxe unha interesante e moi necesaria charla sobre educación viaria.

Nunha charla moi amena, moi cercana ó alumnado e sempre interactuando con eles/elas, o sarxento Castelo, ex-alumno do Centro, quixo deixar claro que as vías son lugares de convivencia con educación, prudencia, respecto e tolerancia e que a Garda Civil está para axudar e concienciar dende ben novos á cidadanía.

Ensinoulles de forma práctica, interactuando co alumnado por onde deben ir andando e en coche, o uso de reflectantes, como baixar do autobús escolar, da prudencia a ter nos pasos de peóns. Tamén falou da seguridade nos coches: cintos, repousacabezas, colocación de obxectos, mascotas e do uso das tecnoloxías dentro deles.

Como conclusión recordoulles a importancia de facer as cousas ben dende pequenas/os.

Aquí deixamos as imaxes:

  Desde o Centro, agradecemos á Garda Civil estas charlas que axudan na formación integral do noso alumnado.

Xornada máxica a que viviu hoxe o alumnado do CEIP A SANGRIÑA.

Para rematar o trimestre como é tradición organizouse un festival de Nadal.

Antes do seu inicio, visitounos,por cortesía da ANPA ATALAIA( https://anpaasangrina.com/ ), .... un mago!!! 

Encantoulles:

 Chegou o momento...O festival dividiuse en dúas partes para que fose máis visible para as familias...

INFANTIL E 1º DE PRIMARIA

Os nosos pequechos/as brillaron no escenario e encandilaron ás familias. Aquí deixamos un resumo:

2º PRIMARIA-6º

O alumnado maior actuaron todos xuntos, perfectamente coordinados pola profe VIRGINIA á que felicitamos e agradecemos por facer realidade este proxecto común.

Aquí tedes un pouquiño en imaxes e vídeos:

Agradecemos sempre a todo o profesorado por poñer este broche dourado ó primeiro trimestre co seu traballo cooperativo, e, en especial, ó Equipo de actividades extraescolares e á profe Virginia de música pola organización da festa.

Tamén graciñas ás familias do 1º ciclo polas ricas viandas que comemos con fame e ó alumnado de 6º que axudou no que se lles pediu, sendo axudantes, colocando espazos, movendo cadeiras, presentando o acto ou lendo contos.

Dende a aula de EDUCACIÓN FÍSICA, o profe JORGE,  acercoulle ó alumnado este deporte, xa iniciado nas nosas aulas o curso pasado, o  DATCHBALL .

Traducido ó noso idioma como "balón prisioneiro",trátase dun deporte de colaboración e oposición disputado nunha cancha dividida. O obxectivo principal é eliminar  os xogadores  do equipo contrario lanzando pelotas e tocándolles con estas antes de que estes rivais consigan o mesmo obxectivo. É unha actividade física que axuda a fomentar o traballo en equipo .

E, para darlle máis emoción, organizou un torneo durante os recreos. 

Aquí quedan algunhas imaxes da xornada final que deixan ver a implicación e a boa acollida que tivo entre o noso alumnado.

GRACIÑAS PROFE!!!!