Skip to Content

E. PRIMARIA

XORNADAS INICIACIÓN Ó ATLETISMO. 4º PRIMARIA

XOGADE é o acrónimo de XOgos GAlegos DEportivos en idade escolar. Un programa deseñado pola Xunta de Galicia co que se pretende achegarlle á rapazada  a práctica do deporte.

Abrangue múltiples disciplinas e, no noso caso, organizado polo profe Jorge de E.Física, o alumnado de 4º de primaria gozou no patio dunhas xornadas de iniciación ó atletismo.

 

 

 

Fomentar o deporte nos máis novos e novas garántenos contar con bos deportistas e atletas no día de mañá, e o que é máis importante, consolidar eses hábitos que mellorarán a súa  calidade de vida.

Ademáis gozaron moito da actividade como se pode comprobar nas imaxes:

CHARLA:PROTECCIÓN DA NATUREZA

Enmarcada no Plan director para a convivencia e mellora da seguridade nos Centros educativos e o seu entorno e impartida pola Garda Civil, o alumnado de 5º e 6º de primaria recibiu hoxe a derradeira charla por este curso dentro deste plan.

Esta vez, faláronlles do Seprona, o Servizo de Protección da Natureza ,unha unidade da Garda Civil,encargada da conservación da natureza e os recursos hidráulicos, así como da riqueza cinexética, piscícola, forestal. Para rematar, visionaron varios vídeos dos traballos que realizan estes profesionais.

 

CHARLA SOBRE SEGURIDADE VIARIA

Enmarcada no Plan director para a convivencia e mellora da seguridade nos Centros educativos e o seu entorno e impartida polo sarxento da Garda Civil DANIEL CASTELO, o alumnado de 5º e 6º de primaria recibiu hoxe unha interesante e moi necesaria charla sobre educación viaria.

Nunha charla moi amena, moi cercana ó alumnado e sempre interactuando con eles/elas, o sarxento Castelo, ex-alumno do Centro, quixo deixar claro que as vías son lugares de convivencia con educación, prudencia, respecto e tolerancia e que a Garda Civil está para axudar e concienciar dende ben novos á cidadanía.

Ensinoulles de forma práctica, interactuando co alumnado por onde deben ir andando e en coche, o uso de reflectantes, como baixar do autobús escolar, da prudencia a ter nos pasos de peóns. Tamén falou da seguridade nos coches: cintos, repousacabezas, colocación de obxectos, mascotas e do uso das tecnoloxías dentro deles.

Como conclusión recordoulles a importancia de facer as cousas ben dende pequenas/os.

Aquí deixamos as imaxes:

  Desde o Centro, agradecemos á Garda Civil estas charlas que axudan na formación integral do noso alumnado.

TORNEO DE DATCHBALL

Dende a aula de EDUCACIÓN FÍSICA, o profe JORGE,  acercoulle ó alumnado este deporte, xa iniciado nas nosas aulas o curso pasado, o  DATCHBALL .

Traducido ó noso idioma como "balón prisioneiro",trátase dun deporte de colaboración e oposición disputado nunha cancha dividida. O obxectivo principal é eliminar  os xogadores  do equipo contrario lanzando pelotas e tocándolles con estas antes de que estes rivais consigan o mesmo obxectivo. É unha actividade física que axuda a fomentar o traballo en equipo .

E, para darlle máis emoción, organizou un torneo durante os recreos. 

Aquí quedan algunhas imaxes da xornada final que deixan ver a implicación e a boa acollida que tivo entre o noso alumnado.

 

GRACIÑAS PROFE!!!!

INTERCAMBIO ESCOLAR 3º CICLO DE PRIMARIA

O alumnado de 5º e 6º estivo preparando coas mestras de inglés, María Estrada e Toa Rodríguez unhas postais de Nadal que foron enviadas a Polonia, Eslovaquia, Grecia e Alemaña.

Esta é unha das actividades que se inclúen nos proxectos que se están realizando en 5º e 6º de primaria en conxunto cos países citados arriba. O proxecto realízase a través de ETWINNING (plataforma europea para realizar proxectos entre centros). 

En 5º: The Stories that Connect Us (Alemaña e Polonia)

En 6º: Learning About Us With Creativity (Eslovaquia e Grecia).

SANTA ICÍA. DÍA INTERNACIONAL DA MÚSICA

A música celébrase en todo o mundo o 22 de novembro para festexar a toda a xente que dalgunha ou doutra forma se relacióna coa música.

Ademais de homenaxear a Santa Icía, o 22 de novembro tamén ocorreron outros feitos vinculados á musica que merecen ser destacados: 1901: nace o compositor español Joaquín Rodrigo (1901-1999), autor do Concerto de Aranxuez.

A profe Virginia de música quixo unirse á esta celebración invintando ó alumnado de 3º a 6º a traer os seus instrumentos e tocar para as súas compañeiras e compañeiros.

Aquí deixamos un pequeno resumo: 

2º CONCERTO CONSERVATORIO DA GUARDA

Celebramos o Día das Letras Galegas cun 2º concerto co que nos deleitaron alumnado e profesorado do CONSERVATORIO DA GUARDA.

Comezou a PROFE CHARO GUERREIRO DE GAITA  explicando as partes dunha gaita:

E deu paso a un mini concerto  tocado estupendamento por alumnado adulto do Conservatorio no que a profe Charo interactuou sempre cas nosas nenas e nenos. Remataron a sesión coa versión tocada da CAROLINA coreada por todo o noso alumnado. Aquí quedan unhas pinceladas de como soou:

 

Continuou o concerto cunha representación da BANDA INFANTIL DO CONSERVATORIO dirixida por José Antonio Soutelo. Se observades ben, veredes a nosa profe Virginia, integrada nela tocando!!!

Foinos explicando os instrumentos que formaban parte da banda... 

E aquí saiu ROQUE DE 4º co seu instrumento, recibindo moitos aplausos.

Aquí deixamos unha pequena mostra do que soou: 

Canto desfrutamos. Moitísimas grazas ó Conservatorio por facelo posible!!!!

CASTRO SANTA TREGA. VISITA 5º/6º

Nunha mañá solleira pero un tanto fría, o luns 27 de marzo, o alumnado de 5º e 6º. acompañados das súas titoras e da orientadora do Centro, puxeron rumbo ó lugar máis emblemático da Guarda, o CASTRO DE SANTA TREGA.

O obxectivo da saída era observar "in situ"o que estudaran nas aulas, nun traballo feito en grupo do Castro,e aprender novas cousas, dentro do PDI do centro, “A GUARDA É VIDA”.

Ó pé do Castro, esperábaos JAVIER CRESPO, profesor de historia,ó que agradecemos a súa implicación e atención. Fíxolles unha explicación detallada da vida castrexa, o que comían, como vívían e dos restos atopados neste poboado. Logo de respostar ás preguntas que lles fixeron,merendaron e acompañounos ó CASTRO DE MERGELINA

Para rematar subiron ó alto do castro a ver a ermida de Santa Trega.

Dende alí retomaron a baixada ata o cole. Aquí quedan as imaxes. Un día xenial!!!!

 

NOVIDADES EDUCACIÓN FÍSICA

Dende a materia de E. FÍSICA, péchase o trimestre con varias actividades:

* Dende XOGADE ( XOgos GAlegos DEportivos en idade escolar) volveron achegarlle á rapazada  a práctica do ciclismo.Esta vez foi o turno do alumnado de 4º de primaria que, a pesares da choiva, desfrutaron moito:

* Aquí tedes o vídeo da final do TORNEO DE  DATCHBALL que viviu o alumnado con moito entusiasmo.

 

 

 E en primicia, o alumnado de 5ºA presenta as novidades dos patios para o 3º trimentre...novos deportes espéranvos, queredes saber cales? 

PATIOS 3.0 3º TRIMESTRE

PREMIO Á CLASE DE 3º DE PRIMARIA!!!

Aló polo Nadal a Deputación de Pontevedra puxo en marcha unha nova edición da campaña “Grazas xoguetes para promover os xoguetes non sexistas e non violentos.

Para participar no concurso, o alumnado tivo que deseñar e fabricar xoguetes orixinais, creativos, igualitarios e non violentos, sen límites nin estereotipos de xénero e con materiais reciclados e reutilizados.  E así foi como as nenas e nenos de 3º se puxeron en marcha...e crearon un ‘Xogo de cartas non competitivo’ con naipes que representan cada un dos planetas do sistema solar e o Sol, e os comodíns da Lúa, as estrelas e o Big Bang.

Esta é a reseña da noticia:

https://www.depo.gal/es/-/noticia-entrega-premios-grazas-xoguetes

Eles mesmos explican o funcionamento do xogo:

Está é a súa creación elaborada con materiais reciclados como caixas de cartón e tapas de botellas no que o obxectivo é que todxs os xogadores queden sen cartas.

De agasallo  recibiron un lote de material educativo igualitario. Foron cargadiños de ilusión a recollelo a Pontevedra na compaña da súa mestra Nerea e da Orientadora do Centro. Aquí os tedes. Parabéns!!! Sons unhas/uns artistas!!!

Distribuir contido


by Dr. Radut