Este ano no centro volvéronse a poñer en marcha as prácticas de FP Dual para o alumnado dos Programas Formativos de Lavandería e Xardinaría.
Así Nisi fixo as prácticas con Alfonso Salomón, Mila en Delikia e Adrián en Acciona.
A experiencia resultou moi enriquecedora para o alumnado, que traballou a xornada completa recibindo o salario que lles correspondía, e tamén para as empresas.
Na xornada de clausura contamos coa presenza de César Pérez Ares, xefe territorial da Consellería de Educación, que quixo agradecerlle ás empresas a súa disposición a colaborar co centro e a boa acollida que todos os traballadores das mesmas lle deron ao alumnado.
Seguiremos nesta liña, intentando combinar a formación e o emprego.
