Noraboa David! Os alumnos de 2º G representaron ao seu compañeiro, gañador do concurso Vigolandia. Foron a recoller o diploma e agasallos no Concello de Vigo.
Aquí tendes a nosa propia sección de recomendación de libros con motivo da conmemoración do Día do Libro.
Ademais, o alumnado de TVA participou nunha actividade interactiva na que coñecemos algçuns dos libros da nosa biblio centrándonos tanto na ilustración como no texto, atendendo ás diferentes vías de acceso á información.
No Saladino despedimos o inverno con todos os sentidos. Os rapaces e rapazas do centro puideron desfrutar desta actividade multisensorial tan interesante. Premede no video!!!
Os rapaces de primaria e secundaria participaron no concurso do CEEPR San Xerome Emiliani "Un pouco de nós". Fixeron un traballo fantástico sobre a nosa cidade, Vigo. Podedes desfrutalo premendo no vídeo.
O alumnado de TVA foi á Radio Galega, en Santiago de Compostela, como parte do premio do último concurso de Podcast - Radio na Biblio. Os alumnos e alumnas puideron ver a redacción, os estudios de radio e o plató de televisión.
Coma cada ano, este mes celebramos unha data moi especial, o 8M Día Internacional da Muller. Dende o centro, quixemos dedicarlle tempo e esforzo a importancia de educar en igualdade, aspecto no que hai que incidir día a día, visibilizando as aportacións das mulleres na sociedade e nas nosas vidas.
