Eventos
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
O mércores 25 de abril o alumnado de 4º ESO de latín (B e C) e 1º de BAC B (latín) participará nunha gincana mitolóxica en Santiago. Sairán a 2ª hora e irán acompañados por Margarita e María López
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
O venres día 27 o departamento de Xeografía e Historia organiza unha viaxe a Lugo para o alumnado de 1º de ESO, os de 2º que non participen na viaxe a París e o alumnado de Historia de 1º BAC.
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
Do 24 ao 29 de abril, o alumnado de Francés de 2º e 3º de ESO viaxará a Paris acompañado polos docentes Lucía Pérez, Juan Alves e Nuria Rodríguez.
Xa están de volta os alumnos e alumnas que disfrutaron da viaxe a París. E teñen un montón de vivencias e imaxes que compartir con vos, que proximamente poderedes ler na revista do centro. Mentres tanto podedes ver as fotos no Facebook do noso centro.
O mércores 2 de maio o profesor Xurxo Mariño falará sobre "Unha viaxe á máquina da mente" ao alumnado de 3º ESO e 1º de BAC, nas dúas últimas horas da mañá.
Publicación das listaxes provisionais de seleccionados/as e de suplentes.Ábrese un prazo de 10 días naturais para que os/as solicitantes, que así o desexen, formulen reclamacións e, no seu caso, remitan a documentación refirida no estado "14. Requirimentos pendentes"
Toda a información a tedes dispoñible en https://www.edu.xunta.es/axudasle/
Compartimos con vos un interesante artigo sobre a famosa Revolucíon dos claveles do 25 de abril de 1974, escrito pola alumna de portugués María Noya.
Noraboa aos equipos do IES Xulián Magariños que participaron na gran final de Club de Debate en Ferrol e como sempre deixaron moi boas impresións. Este ano a victoria foi para Ames, a quen tamén felicitamos cariñosamente, que gañou nunha disputadísima final a o equipo 1 do noso centro.
A pesar de que non gañaron, o noso alumnado tivo como sempre unha actitude magnífica e dedicáronlle a María Blanco, quen para o curso que ven trasládase de centro, unha despedida moi emotiva con peza de gaita incluída.
A universidade de Santiago, na sede do campus Terra de Lugo organiza un campamento científico para alumando de 4º ESo e 1º Bacharelato.
Do 2 ao 6 de xullo estaredes inmersos nun ambiente científico e lúdico ideal para aprender e divertirse. Polas mañás teredes actividades practica e obradoiros, e polas tardes actividades en grupo e sociais.
-Fotosíntese artificial -Guiado de tractores con GPS -Enerxías do futuro...
e moito mais. O custo do campamento é de 150€ con pensión completa.
Tedes toda a información nesta ligazón.
Prazo de inscrición ata o 6 de maio!!
O martes 8 de maio Olalla Liñares dará un obradoiro sobre Xornalismo na Escola ao alumnado de 3º ESO nas dúas horas da tarde.
Aquí podedes descargar os apuntes sobre o tema dos plásticos da 3ª avaliación
Por unha alimentación saudable. Cada día, durante dúas semanas, o alumnado terá a súa disposición durante os recreos froita variada. Hoxe toca melocotón.
Parabéns a Iría Sánchez Del Río de 3º ESO polo 3º Premio de narrativa na segunda categoría (dos 14 aos 17 anos) co traballo Noite de lóstregos.
Aquí tedes os apuntes do tema de materiais cerámicos e de construción. LIGAZÓN
Este traballo está feito polos alumnos de 2ºESO A, B, C na materia de inglés, dirixidos pola profesora Nuria Rodríguez López. No póster recóllense as presentacións en power point que eles mesmos presentaron oralmente na aula sobre cidades ou países de fala en lingua inglesa.
Estade moi atentos porque o vindeiro 16 de maio terá lugar a estrea mundial (en exclusiva en XEMA.TV) de dúas series ideadas e realizadas polo alumnado do IES Xulián Magariños.
Paciencia... ata ese día podedes visionar os trailers de presentación.
N.E.S.A : Rompendo os escáneres
(Nun mundo rexido por adultos, rumores e Donald Trump, catro rapazas ensinaránnos a ... romper os escáneres)
O que non se ve
(Cinco alumnas chegan novas ao Internado Xulián Magariños. O que non saben é o que se agocha dentro...)
Que non sabedes onde visionar os trailers? Tedes a ligazón a XEMA.TV no menú principal da cabeceira desta web, xusto debaixo do nome do instituto.
A escritora Diana Varela compartirá as súas experiencias co alumnado de 3º e 4º de ESO o vindeiro mércores 16, con motivo da celebración das Letras galegas.
Segundo comentan os nosos enviados especiais a Londres, a viaxe de estudantes de 3º de ESO, acompañados polos profesores Clara Rodríguez e Amancio Liñares á capital inglesa está a ter unha intensa actividade cultural. Podedes facer o seguimento en exclusiva na nosa páxina de Facebook, que contén todo o apoio gráfico.
A Deputación da Coruña encargou a elaboración dun video interactivo para conmemorar María Victoria Moreno con motivo do Día das Letras Galegas. A proposta consiste nun xogo con dez preguntas e un premio virtual que permite achegarse á traxectoria da cuarta muller á que a Real Academia Galega dedica o Día das Letras Galega. De acertar, iranse sumando puntos para a recompensa final, virtual e relacionada coa autora. De non acertar, o xogo ofrece un vídeo explicativo que conduce á resposta correcta. Consideramos que este video pode ser unha ferramenta acaída para difundir a obra e a biografía de María Victoria Moreno entre o alumnado.
Mañá un grupo de alumnos/as de 4º ESO e 2º BAC acudirán coa profesora Elena Paredes a visitar a EASD Mestre Mateo de Santiago, onde poderán coñecer a ampla oferta de estudos artísticos e as instalacións.
Os equipos de producción e o plató de XeMa.TV, a nosa canle de televisión escolar, están que non paran. Na ligazón de XeMa.TV que tedes no menú superior desta páxina teredes acceso a programas tan interesantes como:
- Entrevista a Xurxo Mariño, biólogo e neurofisiólogo, que deu unha charla no noso centro fai uns días.
- Novos episodios das series NESA e O QUE NON SE VE
Non volo perdades!
El Correo Gallego recolle nas súas páxinas a estrea de dúas series de producción propia do alumnado do noso centro.
MÁIS PREMIOS PARA O ALUMNADO DO IES XULIÁN MAGARIÑOS:
Premios de pintura ¨Negreira en cor¨ do concello de Negreira na categoría de 13 a 18 anos:
- 1º premio - Laura Rodríguez Capeáns, pola obra A colleita de 1º ESO C
- 2º premio - María Suárez Canoura, por Paisaxe de 3º ESO C
- 3º premio - Paola Enjo Lueiro, coa obra Orange de 4º ESO A
Os premios consistiron nun vale en metálico de 200, 100 e 50 euros, respectivamente, e en cuxa entrega participaron o alcalde de Negreira, Jorge Tuñas Caamaño, e maila concelleira de Educación, María Jesús Veiga Hortas.
PARABÉNS UNHA VEZ MÁIS!!!
O xoves, día 24 de maio, celebramos un emotivo acto de graduación (1ª vez que o facemos), para despedir ao noso alumnado de 2º BACH. Tivo lugar no salón de actos (que encheuse completamente) estando invitadas as familias e todo o profesorado. Fixo a presentación o director do centro, Adelino José Pose Reino, a continuación a titora, María Rey Rey e a xefa de estudos, María Branco Crespo tomaron a palabra en nome do profesorado e para finalizar interviñeron Fátima Fathallah Ezzine e José Caamaño Noya que deron a réplica por parte do alumnado. Como presentadora a vicedirectora, Clara Rodríguez Núñez e tamén estivo na mesa de presidencia o titor Paulo Rendo Martínez. No trancurso do acto fíxose entrega de diplomas ao alumnado e proxectouse un vídeo sobre a súa estancia no instituto. A destacar as fermosas actuacións musicais de Lara López Súarez acompañada na guitarra por Samuel Lema Capeáns e a de Jonathan Blanco Vieites coa que finalizou o acto. Moita sorte na vosa nova etapa.
Próximamente teredes á vosa disposición as fotos do acto e tamén o vídeo en XeMa.TV.
ÚLTIMOS DÍAS PARA PRESENTAR AS PROPOSTAS A CONCURSO.
O alumnado ao que lle guste o deseño gráfico ten a oportunidade de amosar o seu talento deseñando o logotipo para o IES Xulián Magariños.
Tedes de prazo ata o 25 de maio, así que animádevos!
Mañá venres, 25 un equipo composto por 4 alumnas de 4º de ESO, acompañadas do profesor Amancio Liñares, participarán na I olimpiada galega de Historia na facultade de Historia do campus de Ourense. Moita sorte!
P.D:O noso equipo chámase O Kalivera 30 H. P. (nome dunha das novelas curtas do escritor Xulián Magariños Negreira).
En declaracións ao diario "El Correo Gallego" desvela os seus plans de futuro, que pasan entre outras cousas, por un merecido descanso. Botarémoste de menos, director!
