Blogue de feliperoget

Día da Internet Segura

Mar, 06/02/2024 - 15:00

Cada 6 de febreiro celébrase o Día da Internet Segura. Trátase dun evento internacional que se organiza co obxectivo de promover un uso seguro e positivo de internet, especialmente entre a xente máis nova. En España, o INCIBE (Instituto Nacional de Ciberseguridade) ofrece numerosos recursos para mellorar a nosa seguridade dixital. Tamén ofrece varias canles de comunicación para comunicarte con eles se precisas axuda.

Propostas didácticas para o 11F

Xov, 01/02/2024 - 12:08

Desde o Polo Creativo deixámosvos varias propostas para traballar o Día Internacional da Muller e a Nena na Ciencia, que se celebra o 11 de febreiro. Tedes guías, instrucións e modelos de cada proposta nos documentos adxuntos.

Accede á entrada completa para ver toda a información.

Probas coas gafas de Realidade Virtual

Ven, 15/12/2023 - 20:49

O alumnado de Dixitalización de 4º ESO estivo estes días no Polo comprobando as posibilidades das gafas de Realidade Virtual. Testearon a aplicación Gravity Sketch, que permite debuxar en tres dimensións nunha experiencia totalmente inmersiva. Velaquí algúns vídeos de exemplo (pincha nas imaxes para velos).

Adornos de Nadal creativos e sostibles

Xov, 14/12/2023 - 21:12

Os rapaces e rapazas de Tecnoloxía de 4º ESO deseñaron e fabricaron estes adornos de Nadal, empregando cartón de embalaxes e polímero biodegradable. Aquí tedes unha presentación co resultado do seu traballo no Polo e da súa creatividade. Parabéns!

Visita ao CIS Tecnoloxía e Deseño en Ferrol

Xov, 05/10/2023 - 18:57

Con motivo da Noite Galega das Persoas Investigadoras, celebrada o pasado 29 de setembro, un grupo de rapaces e rapazas das materias Tecnoloxía e Dixitalización de 4º ESO participaron no espectáculo de divulgación "Explorando o futuro inmediato", organizado polo Centro de Innovación e Servizos da Tecnoloxía e o Deseño. Durante os 90 minutos de duración puideron disfrutar de experimentos diversos relacionados coa electricidade, a realidade virtual ou a intelixencia artificial.