A Xunta de Galicia vén de recoñecer ao IES Valadares co primeiro premio Innovagal, instaurados pola Consellería de Cultura, Educación e Universidade para recoñecer o compromiso dos colexios, institutos e docentes coa innovación educativa, a través da implantación, nas súas aulas, de iniciativas didácticas ou organizativas para dar resposta ás necesidades do seu alumnado.
Estes galardóns supoñen, ademais, o recoñecemento e difusión de boas prácticas que serven para achegar novos referentes a toda a comunidade educativa.
Na categoría de centros públicos integrados e Institutos de Educación Secundaria, resultou premiado o Instituto IES de Valadares (Vigo) co primeiro premio.
Ademais da dotación económica do premio, os galardoados recibirán o distintivo de Centro educativo Innovagal.
Para o IES Valadares indícase que:
IES Valadares (Vigo)
Os piares innovadores deste centro, que o fixeron merecedor do primeiro premio da súa categoría son a integración paulatina de materias (MateLengua), a creación de proxectos educativos (co uso das TIC e fomentando a igualdade), a integración das profesoras de apoio coa súa involucración en todas as materias, metodoloxías que atenden a todo o alumnado con NEAE e participación en diferentes clubs e plans que melloran a convivencia son os piares innovadores deste centro.
Podes ver o vídeo que se presentou a esta convocatoria a continuación:
