Graduación de 2º de bacharelato
O vindeiro 15 de xullo terá lugar a ceremonia de graduación do alumnado de 2º de bacharelato. O acto realizarase nas pistas exteriores do centro e manteranse todas as medidas sanitarias establecidas polo protocolo COVID:
- Distancia de 1,5 m entre asistentes.
- Uso obrigatorio de mascarilla.
- Aforo limitado e nominativo.
Listaxe de admitidos e excluídos no Fondo Solidario de Libros de Texto
Informámoslles que xa está publicada a listaxe de admitidos e excluídos no fondo solidario de libros de texto. Dita listaxe pode ser consultada:
1- No taboleiro de anuncios do centro.
2- Por internet con certificado dixital ou Chave 365 na aplicación Fondolibros.
3- Telefonicamente no 886159156
IMPORTANTE: O prazo de reclamacións é de dous días.
ENTREGA DE NOTAS XUÑO 2020-21
Durante a semana do 21 ao 25 realizarase a entrega de notas ao alumnado dos diversos niveis do centro segundo este calendario:
Entrega de notas da convocatoria extraordinaria de 2º Bac: día 23 ás 12:00 h. (nas aulas de referencia)
Entrega de notas de 1º da ESO: día 24 ás 11:00 h. (nas aulas de referencia)
Entrega de notas de 2º da ESO: día 25 ás 10:30 h 2º A (aula 110)
Ás 11:00 h 2º B (aula 111)
Ás 11:30 h 2º C (aula 112)
Ás 12:00 h 2º D (aula 113)
Ás 12:30 h 2º E (aula 114)
Entrega de notas de 3º da ESO: día 24 ás 13:00 h (nas aulas de referencia)
Entrega de notas de 4ª da ESO: día 25 ás 12:00 h (nas aulas 109 4º A, 108 4º B, 107 4º C e 106 4º D)
Entrega de notas de 1º Bach: día 25 ás 13:00 h (nas aulas 109 1º A, 108 1º B, 107 1º C e 106 1º D)
CALENDARIO CONVOCATORIA EXTRAORDINARIA 2º BACH
Entre os días 16 de xuño e o 22 de xuño o alumnado con materias pendentes de 1º de bach ou con materias suspensas de 2º de bacharelato terán ocasión de realizar probas para superalas segundo o calendario que figura como anexo. O calendario anexo sufriu modificacións polo que é substituído por un actualizado.
TORRENTE SOLIDARIO na páxina do IES
Desde hoxe, 31 de maio de 2021, todos os interesados e todas as interesadas no blogue Torrente Solidario, promovido polo alumnado de VoEs, poderán entrar nel a partir da ligazón aloxada no fondo da barra á dereita. Desfrutade dela
Fondo solidario de libros de texto e axudas para a adquisición de material escolar. Curso 2021-2022.
1.- NORMAS XERAIS
Dirixida ao alumnado do centro, que pode solicitar:
- ALUMADO DE 1º E 2º DE ESO: Só axudas para adquirir material escolar. Este alumnado non poderá solicitar a participación no fondo solidario de libros de texto xa que ao ser o noso centro un centro EDIXGAL todo o alumnado destes niveis teñe garantidos un mínimo de 6 libros dixitais gratuitos.
- ALUMADO DE 3º E 4º DE ESO: Participación no fondo solidario de libros de texto e/ou axudas para adquirir material escolar.
2.- OBRIGAS DAS PERSOAS BENEFICIARIAS
- Devolver os libros de texto recibidos do fondo solidario no curso 2020/2021.
- Conservar en bo estado os libros de texto recibidos do fondo solidario no curso escolar 2021/2022.
- Destinar o importe do vale de material a adquirir o material escolar que necesite.
3.-PRESENTACIÓN DE SOLICITUDES
PRAZO: As solicitudes poderán facerse entre o 21 de maio e o 22 de xuño de 2021.
MODO: O solicitante será o pai/nai/titor legal do alumno.
- Presentación electrónica: unha solicitude por fillo/a.
- Presentación non electrónica: unha solicitude única para todos os fillos admitidos no mesmo centro docente
LUGAR: As solicitudes poderán facerse:
- Preferiblemente por vía electrónica nos formatos dispoñibles na aplicación fondolibros: https://www.edu.xunta.gal/fondolibros a través da sede electróncia da Xunta de Galicia.https://sede.xunta.gal.
- Presencialmente no centro docente no que estea admitido o alumno para o curso 2021-2022. cando o alumnado, no momento de presentar a solicitude, aínda non estea admitido en ningún centro docente para o curso 21/22, deberá presentala no centro en que estivese matriculado no curso 20/21.
- Calquera dos lugares e rexistros establecidos na normativa reguladora do procedemento administrativo común.
FORMULARIO: (Anexo I) dispoñible:
- No portal educativo, http://www.edu.xunta.gal (premendo en Fondo Libros)
- Nas dependencias das xefaturas territoriais da consellería.
- Na sede electrónica da Xunta de Galicia: https://sede.xunta.gal.
DOCUMENTACIÓN COMPLEMENTARIA:
Xunto coa solicitude haberá que entregar a seguinte documentación, referida á situación a 31 de decembro de 2019:
- Anexo II: comprobación de datos dos membros computables da unidade familiar.
- Copia do libro de familia onde figuren todos os membros computables.
Segundo a situación do alumno/a haberá que entregar outra documentación (sentencia xudicial de separación ou divorcio, documentación xustificativa da situación de violencia de xénero no ámbitofamiliar, resolución administrativa o xudicical que acredite a situación de acollimiento...).
4.- CALENDARIO DE APLICACIÓN
- Presentación de solicitudes: do 21 de maio ao 22 de xuño de 2021 (incluídos).
- Listaxes provisionais de admitidos e excluídos: 9 de xullo de 2021.
- Listaxes definitivas de admitidos e excluídos: 15 de setembro de 2021.
- Entrega de vales de material: do 16 ao 25 de setembro de 2021.
- Entrega de libros do fondo: do 16 ao 25 de setembro de 2021.
5.- LEXISLACIÓN APLICABLE
ENTREGA NOTAS E RECLAMACIÓNS 2º BACH
O próximo día 18 ás 20:00 horas será a entrega de notas para o alumnado de 2º Bach.
Ademais queremos informar de que, en caso de desacordo coa nota nalgunha materia o alumnado de 2º de Bach debe seguir estes pasos:
0. REVISIÓN DA NOTA CO PROFESORADO DA MATERIA, previa instancia oficial, os días 19 e 20 en horario do centro, se ainda houber disconformidade
1. PRESENTACIÓN DE RECLAMACIÓN ANTE O DIRECTOR, en modelo oficial, os días 19 e 20
2. Valoración do departamento ao longo do día 21:
se o departamento RECTIFICA a nota > FIN DO PROCESO (cambianse as actas)
se o departamento RATIFICA a nota o alumno disconforme deberá
3. PRESENTAR ANTE DIRECCIÓN DE RECLAMACIÓN A XEFATURA TERRITORIAL DE PONTEVEDRA, os días 24 e 25.
LISTAXES DEFINITIVAS DO PROCESO DE ADMISIÓN 21/22.
Infórmase de que están publicadas desde hoxe (11/05/21) as listaxes DEFINITIVAS de admisión para o curso 21/22. Por mor da protección de datos as listaxes estarán expostas na cortiza do hall do centro e na app AdmisiónAlumnado, non podendo dar información por vía telefónica nin publicala nesta web.
De acordo co artigo 31 punto 4, poderase consultar as listaxes coa puntuación desglosada dos criterios de baremo na secretaría do centro.
De acordo co artigo 32 punto 1, poderase interpoñer recurso de alzada ante a persoa titular da xefactura territorial, no prazo dun mes contado a partir do día seguinte ao da súa publicación (11/05/21).
PROCESO DE ADMISIÓN. NIVEIS NOS QUE HAI QUE BAREMAR.
Infórmase de que nos seguintes niveis, como o número de solicitudes supera a oferta de prazas, é preciso baremar:
1º ESO
3º ESO
1º BACHARELATO
2º BACHARELATO
O prazo no que as familias poden presentar a documentación xustificativa dos criterios alegados nas súas solicitudes vai desde o 25 de marzo ata o 12 de abril.
De non presentar a documentación enténdese que renuncian á valoración correspondente.
PROCESO DE ADMISIÓN PARA O CURSO 21/22
PROCESO DE ADMISIÓN
Se queres acceder á aplicación informática do proceso de admisión preme AQUÍ
RESERVA DE PRAZA. Desde o 11 de xaneiro ata o 8 de febreiro.
Por parte do alumnado dos centros adscritos (CEIP Cabanas, CEIP San Martiño e CEIP A Carballeira)
Farase: por medios telemáticos no enderezo http://www.edu.xunta.es/admisionalumnado ou no centro de orixe.
VACANTES. Antes do 1 de marzo publicación dos postos vacantes no centro. Ver vacantes
SOLICITUDE DE ADMISIÓN.Desde o 1 ao 22 de marzo, ambos inclusive.
Por parte de alumnado que non pertence a un centro adscrito ou que se reincorpore ao sistema educativo.
A solicitude será única. De ter presentadas máis de unha perderá os dereitos de prioridade que lle poidan corresponder.
Presentarase: por medios telemáticos no enderezo http://www.edu.xunta.es/admisionalumnado ou ben na secretaría do centro que se solicita en primeiro lugar.
BAREMACIÓN.Entre o 25 de marzo e o 12 de abril.
Cando a demanda de prazas sexa superior á oferta de vacantes, as familias poderán presentar a documentación acreditativa dos criterios de admisión alegados na súa solicitude. De non facelo entenderase que renuncia á valoración correspondente.
LISTAXES PROVISIONAIS DE ADMISIÓN. Publicaranse antes do 26 de abril.
Aféctalle ao alumnado que presenta solicitude de admisión.
Non se facilitará información telefonicamente sobre as listas, por mor da protección de datos. Para acceder á mesma deberá achegarse á corticeira do hall do centro ou ben a través sede electrónica coa súa conta.
LISTAXES DEFINITIVAS DE ADMISIÓN. Publicaranse antes do 15 de maio.
Aféctalle ao alumnado que presenta solicitude de admisión.
Non se facilitará información telefonicamente sobre as listas, por mor da protección de datos. Para acceder á mesma deberá achegarse á corticeira do hall do centro ou ben a través sede electrónica coa súa conta.
MATRÍCULA. Para todo o alumnado, sexa novo ou non, que quera cursar estudos no centro.
-
Matrícula ordinaria (Xuño/xullo). Entre o 25 de xuño e o 10 de xullo.
Para o alumnado novo e o alumnado do centro que aproba todas as materias ou, como máximo, suspende dúas materias que non sexan matemáticas e lingua galega ou matemáticas e lingua castelá.
-
Matrícula extraordinaria (Setembro). Entre o 1 e o 10 de setembro.
Para o alumnado do centro, logo da convocatoria extraordinaria de setembro.
Podes consultar a normativa sobre o proceso de admisión:
VACACIÓNS DE NADAL 2020-21
Chegados a este día o equipo directivo do IES Torrente Ballester quere manifestar os mellores desexos para toda a comunidade educativa para estas festas e para o próximo ano e lembrar que, se todo vai ben, a volta às aulas será o día 11 de xaneiro.
INFORMACIÓN PARA ACOMPAÑAMENTO DO ENSINO TELEMÁTICO
En previsión dun futuro confinamento domiciliario e dun futuro ensino telemático, o Centro de Formación e Recursos (CFR) de Pontevedra ofrece ás familias a posibilidade de formación no seu acompañamento ao alumnado e no coñecemento das ferramentas tecnolóxicas que enriquecen a experiencia de aprendizaxe dende os fogares.
PRESENTACIÓN DE ALUMNOS CURSO 2020-21
os próximos días 23, 24 e 25 realizaranse as presentacións do alumnado do centro segundo os seguintes horarios
día 23 de setembro
ás 09'30 horas presentación de 1º Bac
ás 10'30 horas presentación de 1º da ESO
ás 12'00 horas presentación de 2º da ESO
ás 13'15 horas presentación de 1º de Ciclo
día 24 de setembro
ás 10'00 horas presentacións de 3º da ESO
ás 12'30 horas presentación de 2º Bac
ás 13'00 horas presentación de 2º Ciclo
día 25 de setembro
ás 9'00 horas presentación de 4º da ESO
Instrucións: O uso da máscara é obrigado en todo momento. O alumnado entrará no recinto escolar sen acompañamento de familiares. Agardarán a ser chamados na zona cuberta do patio exterior e corredor de subida. Deberán evitar aglomerarse para este fin hai puntos verdes e vermellos pintados no chan como referencia para manter a distancia de seguridade de 1'5 mts.
INICIO DAS ACTIVIDADES LECTIVAS
Esta mañá, 11 de setembro, o conselleiro de educación confirmou que o inicio das actividades lectivas se adia desde os días 16, 17 e 18 previstos, até os días 23,24 e 25 de setembro.
A falta de espazo para acomodar o alumnado coa distancia de 1'5 mts, modificada o pasado 28 de agosto, obriga a ampliar o número de profesores habitual do centro e ainda está por confirmar cantos se conceden. Sen ese dato, é imposible organizar o ensino secundario e o de bacharelato. Ademais provoca o aumento de grupos e esta circunstancia está dificultando a organización e pode que os niveis de bacharelato e ciclo teñan ensino semipresencial, sempre que a consellería o considere oportuno.
Por todo isto pedimos paciencia ás familias dos nosos alumnos. En canto teñamos inofrmación veraz comunicarémola por este medio.
Entrega de NOTAS e MATRÍCULA curso 2020-2021
AS NOTAS do alumnado con materias non superadas para a convocatoria de setembro entregaranse o próximo VENRES, 4 de setembro segundo o seguinte horario
09'00 horas 2º bach
09'30 horas 1º bach
10'00 horas 4º ESO
11'00 horas 3º ESO
12'00 horas 2º ESO
13'00 horas 1º ESO
A FORMALIZACIÓN DA MATRÍCULA farase o mesmo día 4, VENRES segundo o seguinte horario
- de 09'30 a 11'00 horas 1º e 2º de BACH
- de 11'30 a 14'00 horas 4º, 3º, 2º e 1º da ESO
Lembramos que o alumnado que se matriculen en 3º e 4º da ESO e Bacharelato deben pagar antes de formalizar a matrícula o seguro escolar obrigatorio e traer o resgardo orixinal do pagamento do seguro no banco.
EXAMES DE SETEMBRO 2020: CALENDARIO POR NIVEIS
As probas extraordinarias de setembro realizaranse os días 1, 2 e 3 de setembro, martes, mércores e xoves, en horario de mañá e tarde os dous primeiros días e en horario de mañá o xoves. Para mais detalle véxase o arquivo adxunto, co calendario por niveis. En todos os casos o alumnado con materias pendentes farán as probas no mesmo dia e hora que os alumnos do nivel que teñan pendente.
Relación de libros de texto e material curricular para o curso 20/21.
Para acceder á relación de libros de texto e material curricular para o curso 20/21 ver documento adxunto.
PROBAS ABAU
Comunícase ao alumnado de 2º bacharelato do noso centro que as probas ABAU comezarán o día 07/07/20 ás 9:00 h, e terán lugar na facultade de Ciencias Sociais (Campus A Xunqueira).
Moita sorte a todos/as.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »
![IES Gonzalo Torrente Ballester RSS Distribuir contido](/centros/iestorrenteballester/misc/feed.png)