|
|
Nos anos 50 do século pasado, no Concepción Arenal, estudaban xuntos os rapaces e rapazas da comarca. Alguén, hai xa moitos anos, alá polo 1963, decidiu separalos: os rapaces a un lado, as rapazas a outro. Eles quedaron nese instituto, que pasou a coñecerse como o Masculino; elas foron apartadas, dando orixe ao Feminino, actual IES Sofía Casanova. Unha "tráxica separación" que, de seguro, conlevaría algún que outro "corazón roto".
Pois ben, agora, máis de 50 anos despois, chegou o momento de volver. E que mellor forma de facelo que un encontro dos clubs de lectura do Concepción Arenal e do Sofía Casanova cantando ao amor?
Invitados polo Club de Lectura do Masculino, organizador desta actividade, o Sofía regresará á súa orixe o día 15. Estaremos xuntos de novo, como hai máis de 50 anos, para recitar poemas.
Máis información.
|