Skip to Content

Plan Proxecta: Segundos obradoiros de radio e vídeo

 

   Este martes, 26 de febreiro, o alumnado de 3º ESO realizou a terceira parada do Plan Proxecta: "O mundo que queremos". Nela, levaron á práctica o aprendido na parada anterior e puideron gravar, en radio ou vídeo, os seus traballos e reflexións sobre a a redución das desigualdades e a erradicación da pobreza, os dous obxectivos do desenvolvemento sostible que están a traballar neste proxecto.

    O Diario de Ferrol  deu conta desta actividade no noso centro." 

Encontro de coros

        O pasado 19 de febreiro, no centro Ágora da Coruña, celebrouse un encontro de coros, no que participou o Coro do Ies Sofía Casanova. No blog de música podedes ver as actuacións.

Oferta educativa, programas e proxectos, actividades complementarias e extraescolares

  1- Oferta educativa do centro para ESO e Bacharelato.

  2- Programas e proxectos nos que está inmerso o centro.

  3. Algunhas das actividades complementarias e extraescolares que se realizan.

III Edición dos Almorzos Saudables

   

   O venres 22 celebrouse a III Edición dos Almorzos Saudables do IES Sofía Casanova. Os alumnos puideron optar por:
    1. Batidos naturais -feitos no momento- de froitas e verduras diversas.
    2. Tostas de distintos tipos do pan do país, con mel, aceite, ou queixos e marmeladas naturais de pemento, tomate e arándano.
    3. Iogur con muesli e froitos secos.

    Coma nas anteriores edicións, esta actividade, que organizan os departamentos de Educación Física e Ciencias Naturais, dentro do programa "Sofía Saudable", non sería posible sen a incansable colaboración, total e absoluta da ANPA. Unha vez máis, grazas á ANPA pola súa entrega e implicación.

Pocedemento de admisión de alumnado para o curso 2019-2020. Prazas vacantes

       

    Relación de prazas vacantes* para o vindeiro curso 2019-2020:

ESO:

           1º Curso:   28 prazas.

           2º Curso:    10 prazas.

           3º Curso:   1 prazas.

           4º Curso:   20 prazas.

BACHARELATO:

           1º Curso:  38 prazas.

           2º Curso:  0 prazas.

* O número de prazas verase incrementado en función das baixas de alumnado do centro que teñan lugar.

1.600 prazas en estadías para que o alumnado mellore as súas competencias en linguas estranxeiras

 

   A Consellería de Educación, Universidade e Formación Profesional publica no Diario Oficial de Galicia (DOG) a convocatoria de 1.600 prazas para que o alumnado mellore as súas competencias en linguas estranxeiras a través de estadías formativas, ben en réxime residencial en Galicia, ben en familia ou residencia no estranxeiro.

    A Consellería sufragará entre o 87% e o 50% do custo das estadías que realice o alumnado beneficiario.

  O prazo de solicitude da convocatoria estará aberto dende o 21 de febreiro, ao 20 de marzo.

  No caso do alumnado de 1º, 2º, 3º, e 4º da ESO, convócanse 1025 prazas. No caso do alumnado de 1º e 2º de Bacharelato, convócanse 575 prazas.

    Ler máis

A xornada de portas abertas na prensa

La Voz de Galicia, na súa edición para Ferrol, recolle a xornada de portas abertas do IES Sofía Casanova.

2º premio aos valores First Lego League

   

    O pasado sábado 16 de Febreiro, celebrouse a First Lego League Galicia.

    O noso centro, un ano máis, participou no concurso conseguindo o 2º premio aos valores First Lego League.

    O equipo, representado por alumnado do club de ciencia e da materia de Robótica, traballou a reo e con moitos nervios para defender os seus proxectos e superar os desafíos do robot. Tamén realizaron unha entrevista en directo para a televisión de Galicia na que explican o seu proxecto científico.

    Sodes un gran equipo, parabéns!

Distribuir contido


by Dr. Radut