Skip to Content

A exalumna Belén Sañudo Costoya, premiada polo seu proxecto de Fin de Máster

   

   Belén Sañudo Costoya, exalumna do noso centro, e alumna da Escola Politécnica de Enxeñería de Ferrol (EPEF) recibiu una distinción do Colexio Oficial de Enxeñeiros Industriais de Galicia.

    O traballo consistiu nun “Estudo e desenvolvemento do xemelgo dixital dunha liña piloto para a fabricación de nós offshore mediante simulación de eventos discretos” nunha liña piloto de fabricación de nós offshore situada no estaleiro de Navantia en Fene para a industria eólica.

      Parabéns, Belén!

                             O Diario de Ferrol fíxose eco do premio.

A exalumna Ana Ortega Sarceda, premiada polo seu traballo de fin de grao

   

    Ana Ortega Sarceda, exalumna do noso centro, recibiu un primeiro premio polo seu Traballo de Fin de Grao para a Transición Enerxética.
    Ana é graduada en Enxeñería en Tecnoloxías Industriais pola UDC e actualmente cursa o Máster en Enxeñería Industrial.
    O galardón foi entregado pola Cátedra de Transición Energética Genesal Energy e promovido pola USC.

    A prensa fíxose eco da feliz nova: Diario de FerrolEl EspañolGalicia Artabra, e La Voz de Galicia

     Desde o centro, felicitamos a Ana polo seu éxito e desexámoslle o mellor de cara ao futuro.                       Parabéns, Ana!

Visita á exposicón " IA: More than Human"

   

    Alumnado do Club de Ciencia e de Tecnoloxía de 4º de ESO realizou unha visita á exposicón " IA: More than Human" que está en Afundación, na Coruña.
    Esta exposición é unha viaxe que explora a relación entre os humanos e a Intelixencia Artificial, permitindo ao alumando experimentar de xeito interactivo as capacidades da Intelixencia Artificial.

Días non lectivos curso 2022-23

        Os días 9 de decembro de 2022 e 2 de maio de 2023 non serán lectivos no IES Sofía Casanova

Curtametraxe do proceso de creación do mural para a biblioteca

   

     Xa temos a curtametraxe do proceso de creación do mural para a biblioteca, o “making of” que tamén se di, feito pola videógrafa Sara Pisos quen nos acompañou durante todo o proceso, xunto co artista Eduardo Hermida, o equipo docente e os principais protagonistas, os alumnos de 4º de ESO de EPVA.
    Neste vídeo podemos ver o proceso de creación do mural “Ler en Ferrol” inspirado na lectura e no patrimonio da nosa cidade e tamén como os nosos alumnos coñeceron os segredos da rodaxe e disfrutaron aprendendo a traballar en equipo,

Presentación 3ª edición de Talentos Inclusivos

 

     O IES Sofía Casanova estivo presente o 4 de novembro na presentación da terceira edición de Talentos Inclusivos.

     Talentos Inclusivos é unha iniciativa promovida polo CITIC da UDC e ASPACE Coruña que permite a persoas con diversidade funcional suprimir barreiras de accesibilidade gracias a proxectos e ideas tecnolóxicas de estudantes de ESO e bacharelato.

     Nesta terceira edición participará alumnado de Tecnoloxía de 4º de ESO.

     Máis información en: Xunta de Galicia, ASPACE, Cadena Ser, El Español

Eleccións ao Consello Escolar. Sector pais e nais do alumnado. 2022

   

    De acordo coa resolución do 19 de setembro de 2022 (DOG do 30 de setembro do 2022), da Secretaría Xeral de Educación e Formación Profesional, a XUNTA ELECTORAL deste Centro, dispón a convocatoria de eleccións ao Consello Escolar, SECTOR DE PAIS E NAIS DO ALUMNADO.
    Son elixibles pais e nais ou, se é o caso, os titores/as legais que formulen a súa candidatura oficial segundo o modelo que se facilitará na Secretaría do centro.
   O sorteo dos membros da mesa electoral realizarase en acto público, entre os pais/nais que non se presenten como candidatos/as, o día 14 de novembro, ás 12:10 horas.
   A campaña electoral comprenderá dende o 11 ao 22 de novembro, ambos días inclusive.
   As votacións realizaranse neste IES o día 24 de novembro, de 16:30 a 18:30 horas.
Ler máis

Ampliación da axuda para adquirir material escolar

   

    Na resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022, establécese que os beneficiarios do vale para adquirir material escolar por importe de 50€ recibirán un vale adicional de 25€.
    As familias poden recoller o vale de 25€ no centro a partir do luns día 17 de outubro.

Distribuir contido


by Dr. Radut