Este pasado mércores 16 de Febreiro, tivemos a sorte de contar no noso centro coa presenza do Psicólogo, Doutor de Psiocolía Social e Profesor da Facultade de Psicoloxía da Universidade de Santiago. Antonio Rial Boubeta. Especializado en estadística, análise de datos e metodoloxía das ciencias do comportamento. Nesta magnífica sesión desgranou a problemática que está a acontecer entre a mocidade do uso abusivo das tecnoloxías dixitais e os videoxogos e os perigos que se poden derivar. Recalcou a necesidade máis que nunca perentoria de exercer de pais, nais responsables limitando e exercendo control do uso das tecnoloxía dixital por parte d@s fill@s. A actividade está organizada polo CFR de Vimianzo.

O Equipo Directivo do IES Ramón Caamaño, convócavos a unha xuntanza informativa o vindeiro martes 1 de febreiro no Salón de Actos do centro.

O motivo desta reunión é tratar dous temas de gran importancia para a comunidade educativa:

·     As modificacións que introduce a nova lei educativa (LOMLOE) no calendario de fin de curso (a eliminación dos exames de setembro) e nos criterios de promoción e titulación.

·       

A proposta de reorganizar a xornada lectiva para pasar as dúas horas do martes pola tarde ao horario de mañá.

A reunión realizarase de xeito presencial para poder aclarar e/ou resolver as dúbidas que vos poidan xurdir. Por motivos derivados da COVID, o aforo estará limitado a 40 persoas por turno, polo que vos pedimos que acudades un só membro da familia.

Horario das reunións:

1.     

Familias de 1º e 2º ESO ás 16:30 horas

2.     

Familias de 3º e 4º ESO ás 18:00 horas

Se algunha familia non pode acudir na quenda que lle corresponde por motivos xustificados, chamade ao centro para intentar facer un cambio.

Igualmente, conectaremos en directo a través de videoconferencia para todos aqueles que queirades asistir á reunión desde a casa.

Se vos conectades desde un ordenador, utilizade o seguinte enlace: https://eduxunta.webex.com/meet/pilarmiron

Se vos conectades desde un móbil ou tableta necesitaredes descargar a aplicación WEBEX MEETINGS e conectarvos utilizando ese mesmo enlace: https://eduxunta.webex.com/meet/pilarmiron

Onte, tivemos a sorte de poder aisistir co grupo de 1º da ESO as experiencias promovidas por "4 ELEMENTS GALICIA", afincados na aldea de Sambade en Muxía, que fornecen dunha nova pedagoxía de aprendizaxes innovadoras en inglés ao aire libre, no bosque e en contacto coa natureza. A aprendizaxe, según a súa filosofía: "A aprendizaxe se prodúcese de forma inconsciente e natural nun marco silvestre  que propicia a reflexión". Un maravilloso lugar rodeado de natureza en estado puro, onde se poden desenvolver todo tipo de obradoiros, campamentos de verán, estadías e obradoiros de fin de semana, etc.. A nosa directora e profesora de inglés Pilar Mirón, organizou esta actividade como forma idónea de preparar ó alumnado para o programa de intercambio escolar "EDUEXCHANGES", iniciativa da Xunta de Galiza e da Unión Europea. Fixemos sendeirismo polo bosque e a carón do Río Castro, visitamos un antigo muiño e explicouse como vivian e comian os nosos avós, as plantacións de trigo e de millo que o arrodeaban coas que se facía a fariña para facer o pan, xogamos e competimos ós Bolos de Madeira e a Estornela e elaboramos deliciosas pizzas en fornos tradicionais de adobe, facendo o relato pormenorizado dos ingredientes. TODO EN INGLÉS. Unha auténtica convivencia da man de Frank e Lalo, os guías e conductores da proposta. Un auténtico luxo.

4 ELEMENTS GALICIA