Outro ano máis a Coordinadora Galega de ENDL ofrécenos unha serie de calendarios escolares para poder planificar mellor o curso. Nesta ligazón podemos descargar o material tanto en formato PDF como en follas de cálculo.
Isidro Gil e Irene Míguez entrevistan a Miguel, propietario da Carnicería Cuíña onde o normal é comprar chourizos ou costeletas, como se dixo toda a vida, calidade e compromiso coa lingua.
Hai un ano publicábamos un informe sobre a situación da sinaléctica en Silleda. Unha das conclusións máis importantes era que, se ben por parte das administracións había un compromiso co uso do galego (case un 90% dos sinais recollidos viñan neste idioma), non sucedía o mesmo por parte dos establecementos comerciais, onde os niveis de uso do galego estaba na veciñanza do 20%.
En Radio Burela o alumnado do IES Perdouro ten un programa semanal, o Proxecto Neo. Este mércores entrevistaron a Valeria Espinal, alumna de 1º de bacharelato, para falar da Radio Colmeiro.