Tamén len

Tamén len... en marzo con Pablo

Tamén len... en marzo con Pablo

O pasado venres 10 de abril tivemos un "Tamén Len” moi teatral. Visitounos Carla Pérez, secretaria do alcalde de Salceda, que encheu a nosa biblioteca Calixtina de perrucas, traxes coloristas, e variados obxectos para escenificar a obra “O chourizo enmascarado” de José Cedena.
 
Algúns profesores víronse obrigadoS a colaborar, representando algún dos personaxes da obra, o que fixo que a risa dominase ao público asistente, en parte polo enredo da obra, en parte polo feito de ver a algúns dos seus profesores na pel de personaxes estrafalarios como un ladrón, un arxentino, a súa muller e a súa filla, que seica namorou do ladrón... Situacións absurdas para un “tamén len” orixinal, habituado a moverse entre o verso e a prosa dos relatos, que esta vez adoptou a linguaxe e os códigos dramáticos buscando facer da lectura algo dinámico, divertido e participativo.

Tamén len... en febreiro con Antonio

Tamén len... en febreiro con Antonio

O 25 de febrero pasado tivemos como invitado especial ao novo inspector do noso instituto, Antonio Estévez.
Comezou falando de dous libros que lle influíron especialmente cando era adolescente: “O escarabello de ouro” de Poe e “Juan Salvador Gaviota” de Richard Bach. Decantouse por este último para compartir con nós e recomendouno porque ten unha lectura fácil, cun fondo e unas ideas moi positivas sobre as que reflexionar para andar pola vida.

Máis información no blog da biblioteca

Tamén len... en abril con Rosa

Tamén len... en abril con Rosa

O martes 29 de abril a nosa invitada ao TAMÉN LEN  foi a ex-alumna ROSA, quen departiu con nós animadamente e fixo unha homenaxe ao recentemente desaparecido GABRIEL GARCÍA MÁRQUEZ (Aracataca, Colombia 1927- México DF.2014), lendo un dos contos publicados no libro "Doce cuentos peregrinos", titulado "Tramontana", que seguimos atentamente engaiolados pola ricaz linguaxe do gran escritor latinoamericano.

 

A presentación correu a cargo dun grupo de alumnas/os e profes que nos deleitaron coas súa voces acompañadas de pandeireta tocada por Andrea, quen comparte coa invitada clases de canto e pandeireta, xa que Rosa leva anos no grupo "DONICELAS" e tamén impartindo clases. O coloquio foi fluído e, coma  sempre, entrañable.

 Máis información no blog da biblioteca

Tamén len... en marzo con María José

Tamén len... en marzo con María José

O luns 31 de abril María José, a quen todas e todos coñecemos pola súa amable atención aos requerimentos de todos na CAFETARÍA do instituto a diario, foi a nosa invitada  e quixo  compartir unha lectura no pequeno tempo do recreo lendo para nós a pasaxe final do libro de Laura Esquivel "Como agua para chocolate".

Máis información no blog da biblioteca

Tamén Len...en febreiro con Pablo

Como Pablo estaba no seu día libre, comezamos poñendo a mesa e servíndolle como alimento o libro de Manolo Rivas, Que me queres amor?que el mesmo pediu entre o "menú", e de bebida 
-auga, claro!-
DEspois da clara e acertada lecturas de Pablo, os "camareiros e camareiras" dispuxéronse a servir viandas variadas e apetecibles para todxs nós, nesta hora do recreo.

Tamén len... en xaneiro con Marcos

Tamén len... en xaneiro con Marcos

Este pasado xoves 22 de xaneiro estivo entre nós Marcos Gándara, antigo alumno da 1ª promoción que cursou 4º ESO no IES Pedras Rubias. Dende aquela xa tivo tempo de estudar a carreira de Historia Contemporánea, Estudos americanos e Arquivística, facer un Máster de "Xestión Cultural" en Lugo e mostrar inclinación por diversas actividades. Na actualidade leva xa varios meses contratado polo Concello de Salceda para dinamizar varios proxectos culturais: ampliación do Arquivo da Imaxe (do que se está a crear unha páxina web onde colgar cantas imaxes se poidan recoller a través de todas as persoas que queiran contribuír para rescatar o patrimonio fotográfico local), ou posta en marcha dun Club de Lectura vinculado á Biblioteca Municipal, para o que nos pedira asesoramento e exemplares de libros á Biblioteca Escolar do noso Centro; intercambio de ideas que fixemos e seguiremos a facer gustosamente.

Máis información no blog da Biblioteca

Tamén len... en decembro con Marga

Tamén len... en decembro con Marga
No mes de decembro estivo no Tamén Len Marga Soto, dona da Libraría Lemos de aquí, de Salceda.

 

Sabendo que estamos a traballar as Ciencias na Biblioteca, quixo ler un capítulo do libro "A evolución de Calpurnia Tate". Nel fala da relación que a protagonista ten co seu avó, e como, dende o respecto mútuo, comparten o amor polo descubrimento dos fenómenos naturais; el coa experiencia e a paixón que non diminúe coa idade, e ela coa curiosidade e a ansia xoven de saber e con todo por descubrir...

Tamén len... en novembro con Miriam

Tamén len... en novembro con Miriam
Este venres 21 no Tamén Len, contamos coa presenza dunha antiga alumna: Miriam Fernández Moreira, que foi presentada por dúas alumnas de 3º, Alba e Josefina, que o curso pasado coincidiron con ela na excursión á neve, onde os acompañou como persoa de apoio; xa que ela fixo a carreira de Educación Física, quere ser profesora e, como non, é unha gran amante dos deportes. A experiencia de traballar con xóvenes gustoulle moito e sentiuse moi ben entre eles/as. Do cal damos fe, pois é evidente que ten madeira de ensinante, demostrou ser unha boa comunicadora, ademais de disfrutar entre nós compartindo esta actividade de lectura.
Primeiro leu en inglés -e que ben soaba!- un fragmento do libro máis lido, máis traducido e máis vendido do mundo, do escritor francés Antoine de Saint-Exupéry (1900-1944) "The Little Prince" , publicado en inglés en 1943 por unha editorial estadounidense, namentres que en Francia non se puido editar ata 1946 por mor da II Guerra Mundial. 
Hai que dicir que o seu autor foi aviador e  tivo numerosas experiencias accidentadas no deserto do Sahara; e alí é a onde nos levou Miriam coa elección da segunda lectura: "Hijas de la arena. Cartas desde los campamentos saharauis", escrita por Ana Tortajada en 2002, quen estivo en Tinduf, no deserto alxeriano, onde están os acampamentos de saharauis e decidiu relatar a vida deste pobo e da súa maneira de enfrontarse á precariedade, denunciando a actitude da comunidade internacional ante un conflito que leva anos en espera de resolución.

Tamén len... en outubro con Montse

Tamén len... en outubro con Montse

Coa presenza de moito público, a Biblioteca Calixtina acolleu hoxe a 1ª sesión do Tamén Len da tempada. Para a ocasión tivemos o pracer de contar con Montse Vaqueiro, actual directora do CEIP Altamira de Salceda e compartir o libro da súa elección titulado "Volví para mostrarte que podía volar", de Robin Klein, Anaya 1998. Conta a historia dun adolescente solitario e a súa amizade cunha moza maior ca el, de 20 anos, coa que se relacionará de igual a igual, e o proceso de desintoxicación dela. Recoméndao porque é atractivo, revelador, porque demostra que con afán  e con esforzo podemos conseguir todo o que nos propoñamos.

Tamén len... en xaneiro con Amelia

Tamén len... en xaneiro con Amelia

O venres 24 de Xaneiro tivemos a ben contar coa presenza de Amelia, a nai de Mar, alumna de 4ºB, que víu encantada a compartir con nós a lectura de varios poemas de Rafael Alberti (1902-1999), da súa obra "Marinero en tierra" (1924); e temos que dicir que foron moi ben escollidos e mellor lidos: con boa cadencia, sentindo os versos e enfatizando as palabras e a intención dun poeta que sabe chegar ao gran público, sen deixar de amosarnos ese ton de bravura que comparten o poeta gaditano e esta muller.

Máis información no blog da Biblio

Powered by Drupal - Design by artinet