Normalización Lingüística

XOGOS POPULARES E CHOCOLATADA

Logo de moito agardar a causa do mal tempo e tamén dos exames, o venres 16 de decembro o alumnado de 1º C puido recibir por fin o premio por gañar o concurso do Magosto Terrorífico: xornada de xogos tradicionais e chocolatada.

 

 Primeiro, quecéronse motores saltando á corda, xogando a soga tira e tamén coas ferraduras.

 

 

Para recuperar forzas, tomaron un chocolate ben quente con galletas.

            

 

Na segunda parte, botaron trompos a bailar, xogaron ao truque, ao pano...

EDDLG principal.png

ACTO DE ENTREGA DE PREMIOS DO V CERTAME DE RECOLLIDA DE IMAXES DO PATRIMONIO

Como xa informaramos nunha publicación anterior, dúas alumnas do noso instituto, Amaia Troncoso Monteiro de 2º B e Hannah Framiñán Videira de 1º C resultaron gañadoras no 5º Certame Imaxes para o Patrimonio de Recollida de Fotografías do Patrimonio Inmaterial Galego-Portugués. Amaia gañou o 1º premio na categoría de Ensino Secundario, baixo o título “Rancho de Reis” e Hannah obtivo o 2º premio na categoría de Ensino Primario sendo alumna de 6º Primaria no CEP Altamira, coa foto “Mulleres no lavadoiro do edificio da praza de abastos de Ourense”.

O mércores 16 de novembro, coincidindo co Día Internacional do Patrimonio e co 76 aniversario da UNESCO, as alumnas premiadas, acompañadas do resto de participantes do certame, acudiron ao Centro Veciñal e Cultural de Valadares en Vigo para recoller os premios.

O evento estivo conducido por catro locutores de radio de excepción: tres locutoras, Noa e Elisa, alumnas do CEP Altamira, e Anabel, locutora de radio Piratona, e un locutor, Damián de Ponte... nas ondas!.

 

Ao acto, ademais do alumnado premiado, do profesorado e alumnado acompañantes, tamén acudiron distintos persoeiros representantes de diversas institucións: D. Xosé Manuel Fiz (Universidade de Vigo), D. César Pérez Ares (Delegado Territorial da Consellería de Educación), D. Santos Héctor Rodríguez (representante da Deputación de Pontevedra), D. Anxo Manuel Lorenzo Álvarez (secretario xeral de políticas culturais), Dna. María del Carmen Martínez Insua (directora xeral do patrimonio) e D. José Manuel Rodríguez  Uribes (embaixador de España na UNESCO).

A ministra de educación, Pilar Alegría, a través dun vídeo saudou e felicitou aos premiados/as e a Ponte.. nas ondas! polo labor que desenvolven.

 

  O alumnado premiado fixo lectura dos textos explicativos das imaxes galardoadas.

               

A festa concluíu cunha actuación de Cé Orquestra Pantasma, quen puxo en pé a un auditorio entregado coas súas animadas pezas musicais.

As imaxes gañadoras poden visualizarse ao completo na seguinte ligazón: V Certame de fotografía “Imaxes do patrimonio”: As gañadoras! | Ponte... nas Ondas! (pontenasondas.org)

O acto enteiro de entrega de premios pode visualizarse na seguintes ligazón: Dia internacional do patrimonio 2022 - YouTube

Aproveitamos para comunicarvos que no mesmo acto se convocou o VI Certame de Recollida de Imaxes do Patrimonio para o presente curso 2022/23. Proximamente publicaranse as bases que rexerán esta nova edición. 

Noraboa mozas! O IES Pedras Rubias séntese moi orgulloso.

Agardamos que sigades a recoller premios nas vosas traxectorias! 

EDDLG principal.png

MAGOSTO TERRORÍFICO

Como en anos anteriores, levouse a cabo un magosto terrorífico, é dicir, unha fusión de dúas festas tradicionais e próximas no tempo: o magosto e o samaín.

Nos días previos, nas aulas de Lingua Galega falouse do magosto tradicional galego e da Santa Compaña e decorouse o vestíbulo do instituto.

Desde o mércores 2 de novembro toda a comunidade educativa se involucrou coa actividade e, por un lado, o profesorado e persoal non docente trouxo leña, picou castañas... e, polo outro, o alumnado, que tamén trouxo castañas, fixo cucuruchos, foi traendo calacús e receitas escritas elaboradas con produtos de outono (castañas, noces, calacús...).

 

 

O xoves 10 o alumnado aportou as sobremesas correspondentes ás receitas escritas que xa entregara previamente. Logo da valoración do xurado, o alumnado puido degustalos.

 

O venres 11, día de san Martiño, desde as once da mañá ata as dúas, o alumnado, organizado por niveis, saíu en procesión a modo de Santa Compaña por sendeiros da contorna ata o Cruce dos Sete Camiños.

No traxecto de ida tivo que pasar por dúas zonas decoradas con elementos de medo (candeas, cirios e candís acesos, música tenebrosa, calacús...) onde profesorado voluntario agochado o agardaba para meterlle sustos; de regreso, á altura do cemiterio de Parderrubias, de novo o grupo voluntario de profesorado, esperábao para facerlle unha breve representación teatral teatral baseada na obra de Pepe Peinó Bruxas, vampiros, trasnos e fantasmas. O espectáculo foi adobiado  pola potente voz de Eva Carreras, a profesora de Educación Física, que cantou a canción É noite de samaín.

Vídeo 1

Vídeo 2

Vídeo 3

Vídeo 4

 

De regreso ao instituto desfrutaron do tradicional magosto no campo de terra.

 

Premiouse a aula que mellor respectou as bases da convocatoria e que mellor organizou a actividade atendendo aos 4 aspectos seguintes: calacús, receitas escritas, sobremesas elaboradas e procesión da Santa Compaña ao Cruce dos Sete Camiños.

 

O grupo gañador resultou 1º ESO C, da titoría de Loli Calvo, que acadou un total de 372 puntos.

 

 

O premio consistirá nunha xornada de xogos populares no patio do instituto acompañada de merendola na cafetería.

 

Parabéns! Fixestes un gran traballo!!

 

EDDLG principal.png

Gañadora do V Certame de Imaxes do Patrimonio Ponte...nas ondas!

Dá gusto comezar un novo curso e recibir novas coma esta:

A alumna Amaia Troncoso Monteiro de 2º de ESO B resultou gañadora do 1º premio na categoría de Ensino Secundario no 5º Certame Imaxes para o Patrimonio de Recollida de Fotografías do Patrimonio Inmaterial Galego-Portugués, baixo o título “Rancho de Reis”.

Esta é unha fotografía do rancho de reis de finais dos anos 50.

Representa unha tradición única en Galicia, típica do val do Caselas, o rancho de reis.

Antigamente, facíase nas parroquias de Salceda de Caselas e nalgunhas de Salvaterra (as que baña o río Caselas). Na actualidade, só se conserva no barrio da Feira de Salceda.

Na foto podemos ver as figuras típicas que representan o rancho de reis: os dous danzantes, cos seus característicos gorros de plumas e os seus panos cruzados e nas mans as carrañolas, que son as que marcan o ritmo; no centro da imaxe vemos a dama, a cal está toda engalanada con colares de ouro, na que se aprecia un pano na man e un bonito gorro de flores; detrás dela están as custodias, as dúas mulleres encargadas de preparar a dama e de custodiar o ouro desta.

A danza consiste no enfrontamento de dous danzantes que, repetindo os mesmos puntos, intentan conquistar a dama; esta, co seu pano, elixe a un danzante para bailar unha ribeirana ou muiñeira.

Na imaxe, o danzante da dereita é o meu avó, Antonio Troncoso.

Miña irmá mais eu seguimos a tradición familiar do noso avó e do noso pai. Dende hai meses formamos parte, como danzantes, desta singular e única danza que enriquece o patrimonio cultural de Salceda de Caselas, a cal desaparecera e, dende hai uns anos, estamos recuperando para que esta danza non se perda.

A entrega de premios será o 16 de novembro que coincide co Día Internacional do Patrimonio. A nosa gañadora e a súa familia recibirán un ordenador portátil.

Aproveitamos para felicitar o CEP Altamira que tamén resultou premiado por partida dobre na categoría de Ensino Primario: 2º premio para o títuloMulleres no lavadoiro do edificio da praza de abastos de Ourense” e accésit para o título “A Torre Eiffel e a emigración” de Elisa de Almeida Mouteira.

Tamén queremos agradecer as achegas das outras alumnas participantes do IES Pedras Rubias:

Uxía Barbosa Alonso

Iria Cruz González

Xana Gil Oya

Lucía Fernández Gándara

Parabéns, Amaia e familia!

Toda a comunidade do IES Pedras Rubias séntese moi orgullosa de vós. 

Agardamos que sigades a recoller máis premios por ese labor que estades a desenvolver!

Gañadora do V Certame de Imaxes do Patrimonio Ponte...nas ondas!

MARATÓN DE LECTURA

O xoves 19 de maio fíxose a lectura ininterrompida en voz alta da Antoloxía poética de Florencio Delgado Gurriarán durante o horario lectivo.

 

Participaron alumnado, profesorado e persoal non docente. Agasallóuselles cun diploma.

               

Igual coma xa fixeramos o curso pasado saímos da Biblioteca e lemos ao aire libre no noso acolledor souto. 

 

                   

Aproveitamos para facerlle a unha pequena homenaxe a Domingo Villar coa lectura dun fragmento de O último barco.

                                

EDDLG principal.png

ESPECTÁCULO ALDAOLADO

Con moitvo da celebración das Letras Galegas 2022 todo o alumnado do centro acudiu ao espectáculo poético musical Aldaolado que tivo lugar o xoves 12 de maio no Auditorio de Salceda de Caselas.

Como vén sendo costume sempre que o tempo acompaña, o desprazamento ata o auditorio fíxose a pé.         

            

 

                   

Como vén sendo costume sempre que o tempo acompaña, o desprazamento ata o auditorio fíxose a pé pola senda que une o instituto co centro urbano.

                                              

 

EDDLG principal.png

ENTROIDO 2022

Por razóns sanitarias, de novo cancélase o tradicional desfile de Entroido polas rúas de Salceda de Caselas que tanto gusta a toda a comunidade educativa.

Porén, a alegría vai estar presente grazas aos mandados da Meca.

Estade atentos para saber que tedes que traer cada día!

EDDLG principal.png

AULA GAÑADORA DO CONCURSO DO MAGOSTO TERRORÍFICO

E logo de moito deliberar, o xurado xa comunicou a aula gañadora por ser a mellor que respectou as bases da convocatoria e que mellor organizou a actividade atendendo aos 3 aspectos seguintes: calacús, vídeos de Samaín e procesión da Santa Compaña ao Muíño Pantel.

 

Nos seguintes enlaces podes ver algúns dos vídeos presentados:

1º B

2º B: , e

3º B

Agora só falta fixar o día para gozar do marabilloso premio: xogos populares desde as 11.30 da mañá e chocolatada!!

EDDLG principal.png

MAGOSTO TERRORÍFICO

 

Como en anos anteriores, fusionáronse as dúas festas tradicionais e próximas no tempo: o magosto e o samaín.

Desde o luns 8 de novembro toda a comunidade educativa se involucrou coa actividade e, por un lado, o profesorado e persoal non docente trouxo e picou castañas, aportou leña... e, polo outro, o alumnado tamén trouxo castañas, fixo cucuruchos, foi traendo calacús e enviando os vídeos. 

                        

O xoves 11, día de san Martiño, desde as once da mañá, o alumnado, organizado por niveis, foi rotando por catro postos :

 

No campo de terra desfrutaron do magosto.

          

 

Na pista exterior dianteira competiron por aulas nos xogos terrorífico:

Carreira de momias.

Carreira de mortos.

Meiga chosca.

Cadeira do diaño.

Enterro do morto.

                

As aulas gañadoras resultaron ser as seguintes: 1º D, 2º C, 3º B e 4º B.

No souto tiveron tempo de recreo.

No muíño Pantel (fóra do centro) entraron en contacto coa Santa Compaña que os fixo padecer de medo. No exterior a meiga do muíño fixo os seus conxuros para “cortar o airo”, “para curar o mal de ollo” e “para invocar o amor” entre a rapazada. No interior, dous mortos nos seus respectivos ataúdes reviviron para converterse nos peores pesadelos do alumnado.

                            

            

 

 

 

EDDLG principal.png

XOGOS POPULARES NO PENEDO REDONDO POLO NADAL

Pero que boa forma de finalizar o trimestre tivo o grupo de 2º D grazas a gañar o concurso de Nadal: subida ao Penedo Redondo, xornada de xogos populares e degustación de rosca e chocote quentiño!!

 

XOGOS POPULARES NO PENEDO REDONDO POLO NADAL

Powered by Drupal - Design by artinet