Achegamos resumo das orientacións que a Consellería achegou con data 17 do abril, se queredes ler o texto completo podedes acceder a el dende este enlace:
https://www.edu.xunta.gal/portal/node/30850
· Calendario escolar: mantense o que tiñamos.
· Os centros e o profesorado revisarán as programacións didácticas flexibilizando os seus plans de traballo e coidando de non penalizar ou afectar ao benestar do seu alumnado, nin sobrecargalo de tarefas excesivas.
· Desenvolveranse actividades de recuperación, repaso, reforzo e, no seu caso, ampliación das aprendizaxes anteriores que resulten necesarias para todo ou parte do seu alumnado.
· Os currículos, programacións e actividades que se desenvolvan durante o terceiro trimestre nos cursos que conducen a unha titulación final de etapa terán especialmente en conta esta circunstancia e flexibilizaranse e adaptaranse para axudar en todo o posible a que o seu alumnado poida alcanzala.
· AVALIACION
o A avaliación das aprendizaxes desenvolvidas a partir da suspensión das actividades lectivas presenciais será continua e acentuará o seu carácter diagnóstico para valorar os avances realizados e os atrasos que se teñan podido producir, con obxecto de planificar as medidas de recuperación que sexan necesarias e programar o vindeiro curso.
o A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas.
o Os centros educativos e o profesorado emitirán un informe individual valorativo do traballo realizado polos seus alumnos e alumnas no curso, que inclúa os atrasos que puidesen terse producido e un plan de recuperación destes.
Son orientacións moi xenéricas faltando as cuestión concretas e prácticas que próximamente nos achegarán. Así polo de agora nada podemos informarvos de cuestións como :
· Criterios para a avaliación final.
· Criterios de promoción e titulación.
· Exames de setembro.
· Avaliación de materias pendentes, etc…