Seguimos a traballar o lema da biblioteca deste ano, polo que dende os departamentos de Ciencias Sociais e Matemáticas, conxuntamente coa biblioteca faremos ao longo do mes de maio unha exposición nos corredores do instituto na que faremos un percorridos pola historia da cartografía, cunha sección especial para Galicia e a nosa contorna.

O martes 25 de abril o alumnado de 4º da ESO, organizada polo departamento de Lingua Castelá, realizou unha ruta literaria pola Pobra do Caramiñal e Vilanova de Arousa, percorrendo distintos lugares importantes na vida e obra de don Ramón María del Valle-Inclán. En cada parada o alumnado leu distintos fragmentos da obra valleinclanesca.

Toda a información no blog da Biblioteca.

AVISO

O vindeiro martes 2 de maio non haberá clase.

No mes de febreiro, arredor da figura da escritora Rosalía de Castro, celebrouse un concurso organizado polo departamento de Lingua Galega. Podes consultar os gañadores no seguinte enlace:

gañadores/as

O pasado 6 de abril o alumnado de 2º curso de ESO asistiu a unha charla sobre diversidade afectivo sexual e prevención do acoso escolar impartida por Raquel Cordeiro da asociación “Nós mesmas” de Vigo.

O alumnado mostouse interesado respecto aos contidos tratados sobre identidade sexual, orientación sexual e sexo biolóxico, plantexando cuestións e mostrando empatía e respecto pola diversidade.

A prevención do acoso escolar basease tamén no coñecemento e respecto pola diversidade , a visibilidade  é o primeiro paso para xerar situacións de empatía a través da información e tamén no emprego de talleres ou obradoiros de role playing.

O alumnado de 3º curso de ESO asiste hoxe e mañá a un obradoiro sobre Educación afectivo sexual impartido polo voluntariado de Cruz Vermella. Este obradoiro ten como obxectivo informar sobre conductas favorables a vivir unha sexualidade sen riscos para a saúde e temas relacionados coa asertividade, empatía e afectividade.

Do 5 ao 10 de marzo o alumnado de 2º da ESO realizou unha viaxe a Andorra para practicar o deporte de inverno por excelencia: o esquí. Cinco días de curso na estación de Pal Arinsal fixeron que os nosos rapaces adquirisen un bo dominio deste deporte. Unha xeración máis de alumnos/as do noso instituto convirtense en expertos esquiadores. E xa non se sabe cantas van!!!

Con motivo da celebración do Día Internacional da Muller, o departamento de orientación organiza unha charla taller na que as protagonistas son mulleres cunha traxectoria laboral que destaca pola innovación e o compromiso coa sociedade.

Este curso, o pasado luns 13 de marzo, o alumnado de 4º curso de ESO asistiu a unha charla-taller impartida por Chus Prol, quen na actualidade colabora nun proxecto propio, o espazo colaborativo Doutroxeito Coworking e quen afirma que ser autónoma é unha lección de vida ...e de supervivencia.

Máis información no blog da Biblioteca.