As lecturas propostas inclúen os catro cursos de ESO. Estas listaxes iranse ampliando nas seguintes avaliacións.

Listaxes

Preme aquí para ver 1ºESO

Preme aquí para ver 2ºESO

Preme aquí para ver 3ºESO

Preme aquí para ver 4ºESO

Pinchando neste enlace pódese acceder á programación.

Aquí podedes ler o relato gañador de 1ºD.

Noraboa!!!

1ºD

Este curso a climatoloxía non nos deu tregua e, en consecuencia, non nos permitiu celebrar, tal como tiñamos organizado, o noso xa tradicional magosto terrorífico, fusión das dúas festas próximas no tempo: o magosto e o samaín.

Inicialmente, estaba previsto que o martes 5 de novembro todo o IES Pedras Rubias saíse en procesión disfrazado de Santa Compaña e se desprazase ata o Espicho do Faro. Como o prognóstico metereolóxico era adverso, adiouse para o martes 12 de novembro. Chegada esta data, houbo que suspender a saída polo mesmo motivo e só se asaron e comeron as castañas no propio centro. Menos mal, que nos acompañaba a calor do equipo de Onda Raia coas súas preguntas sobre o magosto.

A semana anterior, nas aulas de Lingua Galega e Titoría, traballáronse aspectos como o magosto tradicional, a santa compaña, o texto instrutivo...

Tamén se decorou o vestíbulo do centro con motivos de medo (ataúde con esqueleto, pantasmas, arañas, morcegos...) e realizouse unha exposición de calacús e de receitas escritas elaboradas con produtos de outono.

 Dada a boa acollida que tivera o curso pasado o concurso de sobremesas cos devanditos produtos de outono, este curso volveuse ofertar.

Premiouse a aula que mellor organizou a actividade de forma global (calacús, receitas escritas e receitas elaboradas). A gañadora foi 1º A, da titoría da profe Loli Calvo.

 Noraboa!

Coa finalidade de analizar o contexto sociolingüístico do noso instituto, pedímosche que cubras unha enquisa para determinar cal é a lingua máis falada entre o noso alumnado.

Preme en enquisa e contesta as preguntas que se formulan.

Grazas de antemán polas túas respostas.

ES Pedras Rubias vén de ser galardoado co Selo de Calidade Europeo polo excelente traballo realizado o pasado curso no proxecto "En paradoiro descoñecido : Movemento Xuvenil para a Recuperación da nosa Memoria Histórica".

Tratouse dun proxecto internacional e colaborativo de 20 institutos de educación secundaria (4 en Francia e 16 en España) a través de eTwinning, programa da Unión Europea.

O obxectivo fundamental foi o de sensibilizar e implicar ao alumnado na herdanza cultural para desenvolver un pensamento libre, e rescatar da memoria colectiva os milleiros de persoas desaparecidas durante o Franquismo, hoxe en paradoiro descoñecido. Fundamentalmente, levouse a cabo en 4º de ESO, pero algunhas das actividades foron xerais para todo o centro.

Abordouse desde catro áreas diferentes: Lingua Galega e Literatura, Lingua Castelá e Literatura, Xeografía e Historia, e Educación Plástica e Visual.

Desenvolveuse en tres fases diferentes. Na fase de sensibilización, o alumnado asistiu a exposicións, conferencias, presentación dun libro e testemuños directos; na segunda fase, foi o propio alumnado o que, centrado no seu entorno directo, buscou testemuños directos en relación coa guerra, consecuencias e vítimas; e na última fase, o alumnado produciu traballos en diferentes formatos: réplica dun cadro de Castelao, recital de poemas, producións literarias mensuais, representacións teatrais e homenaxes ás vítimas nos lugares da memoria do entorno, concretamente en Salceda de Caselas, Tui e a illa de San Simón en Redondela.

Ademais dos encontros online, reunímonos presencialmente en dúas ocasións co outro centro colaborador galego, o IES de Ames, a primeira no seu instituto e a segunda na illa de San Simón.

Noraboa a toda a comunidade educativa do IES Pedras Rubias, en especial ao alumnado que o pasado ano cursou 4º de ESO.

Un curso máis, o departamento de Lingua Galega e Literatura decidiu darlle continuidade ao concurso de relato curto.

Na presente edición os relatos do mes de outubro debían comezar polo seguinte texto: "A casa está baleira. Vai ser alugada ou mercada ou esborrallada. A filla sente unha dor no fondo do corazón e hai bágoas nos seus ollos”, texto co que finaliza a obra Xente na barreira de Ricardo Carballo Calero, autor homenaxeado nas Letras Galegas 2020.

Se desexas consultar as bases completas, preme no arquivo adxunto de cartel.

E se queres ler os relatos gañadores do mes de outubro, podes facelo premendo no curso:

1º C

3º B

3º C

Noraboa e a seguir participando!

O 29 e 30 de outubro, como vén sendo costume, o alumnado de 3º da ESO realizou dúas etapas do camiño de Santiago.

O primeiro día partiuse desde Arzúa para chegar a Arca do Pino, onde se fixo noite no albergue A Edreira.

Ao día seguinte houbo que madrugar para iniciar a etapa final e poder chegar a Santiago de Compostela.

Nesta ocasión o tempo non acompañou e durante a segunda xornada choveu case sempre, o que provocou que a moitos/as alumnos/as se lles fixese bastante difícil.

Pero ao final todos/as deron chegado e, logo de xantar nas antigas cabaleirizas de San Martiño Pinario, fixeron a visita guiada pola catedral e puideron visualizar o Pórtico da Gloria, recentemente restaurado, o que lles serviu de recompensa.