Imos facer referencia aquí a algún dos traballos que realizamos na Aula-Taller de Matemáticas co obxectivo de preparar as actividades que desenvolvemos no XVI Día da Ciencia na Rúa, na V Feira Matemática e na XII Semana Matemática do IES Ramón Otero Pedrayo.

Podes ver algunhas fotos utilizando os seguintes enlaces:

Fotos na Aula-Taller

Fotos no Parque de Santa Margarida

Fotos en PALEXCO

Unha das liñas de traballo xirou arredor de Juan Jacobo Durán Loriga e con ese pretexto realizamos unha colección de caricaturas que tamén utilizamos para confeccionar unha serie de marcapáxinas e varios quebracabezas formados por cubos.

O artigo, do Grupo Alquerque de Sevilla, MacMahon y las matemáticas en colores (Revista SUMA, nº 63 páxinas 51-57) serviunos como punto de arranque para realizar a montaxe dunha colección de actividades a partir dos materiais que nós construímos e doutros adquiridos á empresa Materiales Didácticos Bemal (Ver materiais adquiridos).

A seguinte imaxe tamén actúa como enlace para acceder ao contido dos números 48 e 49 de Mathesis nos que facemos alusión ás actividades realizadas:

A continuación proporcionámosche unhas poucas ligazóns que teñen a intención de ser unha selección de referencias aos traballos que realizamos ao longo do curso 2010-2011. Os cubos que aparecen a continuación construíronse utilizando un desenvolvemento de cartolina plastificado, xunto cun cubo de porexpan:

Reconstruímos puzles cúbicos utilizando cubos de madeira de 3x3 cm (podes observar algúns nesta imaxe correspondente ás actividades desenvolvidas na Duodécima Semana Matemática do IES Ramón Otero Pedrayo):