"Primaveras de seda"

Un grupo de alumn@s de 3º de PDC está novamente de noraboa este curso.

Lucía, Jorge, Ana e Alba, xunto coa súa titora Puerto, acaban de recibir a 1ª mención especial no "IV concurso Incubadora de Sondaxes e Experimentos" polo traballo estatístico "Primaveras de seda" levado a cabo con poboacións de vermes de seda. 

Este concurso foi convocado pola Sociedade Galega para a promoción da Estatística e da Investigación de Operacións (SGAPEIO) en colaboración con educaBarrié, a iniciativa educativa da Fundación Barrié, para proxectos de estatística e investigación de operacións realizados por  estudantes de ESO, PCPI, Bacharelato e Ciclos Formativos de Grao Medio da Comunidade Autónoma de Galicia.