IES Plurilingüe Antón Losada Diéguez

A nosa alumna de 1º bacharelato, Sheila Carbia Tejo, foi seleccionadada entre máis de 4000 aspirantes para participar nun campus científico durante o mes de xullo na Universidade de Murcia (Campus Mare Nostrum). Sheila incorporarase ao proxecto Alimentos para una vida saludable con una visión científica do Departamento de Tecnoloxía dos Alimentos, Nutrición e Bromatoloxía desta universidade xunto a outros estudantes de toda España.

Estes campamentos están organizados pola Fundación Española para la Ciencia y la Tecnología para fomentar o interese pola ciencia e iniciar aos alumnos de 4º ESO e Bacharelato no traballo científico; ademais, ao aloxarase nunha residencia universitaria,  achéganse á que será no futuro a súa vida de estudante.

Parabéns a Sheila e aos seus profesores!

O II Festival de Teatro Escolar da Estrada, organizado pola Aula de Teatro do IES Antón Losada Diéguez foi todo un éxito. 156 actores e actrices de catro Aulas de Teatro (Laxe, Palas de Rei, Touro e A Estrada) encheron de vida, fantasía e alegría as rúas da Estrada. Parabéns a todas e todos.

http://www.catrogatos.com/2014/05/derroche-de-fantasia-nas-ruas-da-estra...

http://www.farodevigo.es/portada-deza-tabeiros-montes/2014/05/05/estrada...

O 26 de febreiro de 2014 o alumnado de 3º da ESO participa no segundo dos concertos pertencentes ao V ENCONTRO MUSICAL. Nesta ocasión a cita é no IES "Mestre Landín" (Marín). O programa realizado abrangue tres pezas relacionadas coa Historia da Música e unha peza de Música Popular. Son as que seguen por orde de actuación:

1- "Branle" de P. Phalèsse (s. XVI)

2- "Stella Splendens" do Llivre Vermell (s. XIV)

3- "Rosa das Rosas". Cantiga de Santa María de Afonso X, O Sabio (s. XIII)

4- "Miñas cousas". Canción tradicional galega.

Parabéns polo traballo realizado e ánimo para seguir mellorando nos próximos concertos...

Aquí vos deixo os videos da actuación do alumnado de 2º de ESO e 4º de ESO no V ENCONTRO MUSICAL, realizado no Salón de Usos Múltiples do noso centro o 5 de febreiro de 2014.

Como sabedes, este é o quinto ano que organizamos os concertos conxuntamente os Departamentos de Música do IES "Mestre Landín" de Marín e do noso centro. Parabéns polo traballo realizado e ánimo para continuar mellorando!!!